مشاعر

العروسة

الفصل الثاني و الثلاثين

وصلنه للفندق و صعدونه بغرفتنه و اول مدخلنه باسني من راسي ..
احبچ زوزو ..
( مدري صدك يحبني .. مدري لان عده شغله ويايه )
و فتحلي السحاب و دخلت نزعت البدلة و لبست سيت النوم الابيض ..كان اسقيات كلش رفيعة و الصدر شفاف بيه قلوب ناعمة .. و يوصل للركبه و بيه فتحة من الجهة اليسرة ..و الروب مالته طويل و بيه دانتيل بحافاته و بالردن ..
و گعدنه هو اتعشة و اني لا ..
و بعدها صلينه ركعتين لوجه الله و خله ايده اليمين على گصتي .. و ظل يدعي ..
و بعدها اتقرب عليه لزمني من خصري و جرني عليه ..
تدرين منتظر هذا اليوم صار اربع سنين ..
و بده الفار يلعب بعبي و يضوجني و قربني عليه خليت ايدي اليمين على رقبته و اليسار على كتفه اليمين و حضني قوي و نزلت دموعي و الله بلا صوت ..
و كملنه كلشي و شافني انتبه عليه بعيوني دموع ..
اسف حبيبتي  ؟
لا عادي مصار شئ .. و فتت للحمام ابچي جوة الدوش ..
هههه عباله الم جسم و يسألني و صدكوا و اتاكدوا من كلامي محسيت بأي الم .. تدرون ليش ؟؟ لان الالم الي بقلبي و جرحي الچبير يطغي على كل الم بداخلي
استغفرلله يا رب .. ساعدني انسه و امشي بحياتي بعد هاهي اني مو ال احمد .. اني ال انمار و خلص بعد..
و رجعنه للبيت و الكل وجهم ثگيل و لا عبالك عروسه
اتعجبت بس گلت عادي كل واحد و مشاكله ..
و صعدت فوگ سالت انمار
شبيهم خير ؟؟
ماكو شى لا يظل بالچ
و نزلنه نتغده و چان عمي يگول .
عيني عروستنه تره عسلنه يخلص برجعتج من الفندق ..
بس مرتي ام عبدلله كريمه حتنطيچ اليوم ..
اي عمو حاضر شتريدون ..
عمي ما انريد شئ تساعدينه حالچ من حال مرة اسامه و تاخذين سراچ بالطبخ و الخبز و الشغل
بس عمو اني ما اعرف اطبخ و لا اخبز  و دوامي راح يبدي بعد اسبوع ..
شنو يابه .. ها انمار هذا الي عرفته ..مو گتلگ
اي و الله بالعافية عليك ابو انمار خوش چنة من گتلك ناخذ بت اخوية مره امعدلة مرضى استاذ انمار ..
اني گمت من الاكل و صعدت فوك و دموعي بطولي..
و اسمع جوة عياط و صراخ ..
و چان يصعد عليه الرجال العريس
و اطراخ راجدي امعدل .. شلون تجاوبين ابوية ها .. شنو اني طرطور گدام عينچ ..؟؟
على كيف انت اخذتني و تدري اداوم و اخر سنه الي و اهلي مشرطوا شئ عليك غير بس تكمل و تدري ما اعرف اسوي شئ ..
شنو جديدة عليك .  هسة عوفو عليه التنظيف و خلص..
انت مو تحبني و گتلي ادللچ .. هذا دلالك تضربني ثالث يوم زواجي ..
هااا اي .. اني اسف بس مو ابوية عيب تجاوبيه
و اني اعرف كله من مرته الحيه السعلوة ..
و نزل و اتعارك و اتفقنه عليه التنظيف مال البيت ..
و صدكوا گمت ارجع من الدوام الگه البيت عبارة عن زباله و لازم انظف قبل لا اصعد ..
و رجال و طلبات و دراسة و مدا اتحمل و بعد شهر و نص زواج .. گامت تلعب نفسي و اتقي و حللت يم اهلي و طلعت حامل ..
و رجعت بشرته و كيف طار من الفرح و حضني و يكول
حبيبتي راح تسويني اب .. الا اخليچ اسعد البنات ..
و اتخبلت مرة ابوه لان هي بس جابت بنت وحدة و بعد ما يصير عدها .. و بدت الغيرة و مدري شنو ..
و لازم مرتك اتنظف قبل لا تطلع .
و سمعت الكلام و گمت هيچ اسوي ..
هذا كله و هي والله حتى الاكل تحرمني تطبخ اتضمه بغرفته لحد ميصير موعد رجعتهم للبيت ب ٣ يلا اطلع الاكل و هاي بيوم الجمعه و الاوف اموت جوع و حتى الثلاجة خالتله قفل و من همه ماكو تقفله و قبل لا يجون اطلع الاكل تخليه على الطباخ و تفتح قفل الثلاجة.
بيوم اتاخرت بالنوم بسبب انمار ............
و الصبح يلا لحگت على الخط ..
و رجعت و الگاهم نار و تعاركوا وياية و طردوني ..
و مرجعت بعد شكد حاول انمار راد مقبلت ..الا اطلع بيت وحدي و اني اعرف عنده بس هو يحب يجمع براس ابوه حتى يبقه يدفع الشى القليل .. و اجاني
ارجعي مخبلة كافي عاد دمرتيني و اني اعرفه ليش يريدني ..
بس بذيج الشغلة اصير حبيبته و يحبني
كافي مو تعرفيني ما ادور غلط ..
و عطت روح ما ارجع و جان يتقرب عليه و دفعني على الحايط و خله ايد على رگبتي و ايد على حلگي ..
اقتلچ هسة و اگول خنگت روحه ..
ليش انمار ليش ؟؟ لان اريد ارتاح اني وياك .. ابوك ما يحبني و مرته متخلي يحبني ابد ..
اسكتي لا تحچين على اهلي ..
و عافني و طلع و عندت و مرجعت ....
لحد ما كملت امتحانات و جبت ابني و هو چان ماكو ..
و سميته طيب لان احمد كال اذا بنت طيبه و اني من حملت كلت
اذا بنت طيبه و اذا ولد طيب ..
و اجه و ظل يستهزء بالاسم و ما قبلت اغيره ..
و من جبت ظلو الناس تاكل راسي .. حتى عمتي ام احمد اجت حچت ويايه ميصير الولد يتربه بعيد عن ابوه و هيچ و قررت ارجع بعد الاربعين ..
و اجه انمار اخذني ..
و فرح كلش برجعتنه و بس هو چان فرحان و كل الوجوه مگلوبة لان مرة اسامة حقيرة و لوگيه مثل زوجه  ..
و مرت الايام و بين مد و جزر و بعد ٦ شهور و اني ارضع و ادري ميصير حمل ..
و صار حمل بس مگلت الاحد خفت منهم ..

و فالقصة ظلم ما بعده ظلم