مشاعر

زعل الام

الفصل الحادي عشر

رجعنه البيتنه ثاني يوم .. و عمتي اجتي ويانه جابتلهم كاهي و گيمر ..
نزلو اكلوا و كعدو شوية ويانهو بعدها راحت عمتي و صعدوا فوك و همسة رجعت وي زوجه لعياله ..
و خواتي كامن ينظفن دخلت ماما الغرفتها عود تبدل ..صاحتني
حززززززن بصوت عالي اني رجفت ..تعاي اريدج
نعم ماما
الي ديصير بالايام الفاتت و الي صار البارحة شنو
شنو ماما مدا افهمج
حزززن اني مو غبية و چبيرة و افتهم .. شنو بينچ و بين احمد
ماما ماكو شى احمد شنو؟
تحجين لو اصعد اصيح حسين ؟؟
حبيبتي ماما ماكو شى احمد يريد يخطبني بس لان شوية ظرفه صعب ديجمع حتى يتقدملي
ها و انتي ليش هيج وياه لو منتظرة يشوفج احد من كرايبنه و تنكلب الدنيا و تطلع سكينه معرفت تربي بناته مو ؟؟
لا ماما فدوة لا تكولين هيج و الله احمد حباب و انتي اعرف بيه
الظاهر اني ما اعرف احد جنت
احمد حباب و انتي محترمه و صاينه نفسج و ملتهية بدراستج و مستقبلج طلعت كلشي ما افتهم
لا ماما حشاج انتي تفتهمين لا تزعلين مني فدوة
و رحت حاولت احضنهه رفضت ووخرتني نزلت بوست رجله
و الله ماما اني بعدني بنتج حبيبتج و الي تريدي اسوي بس لا تزعلين مني؟
اي اذا هيج خوش .. راح اخليج تحت التجربة و اشوف بنتي المدللّــه شراح تسوي
اريد بعد ما يجي البيتنه و انتي تكوليله و اذا يجي لاي ظرف متطلعين ابد ؟
بس ماما يعني شلون اكله عيب
هذا الي عندي حزززن من ينوي يخطب افتحله بيبان البيت كله ..هسة لا ......
حاضر ماما الي تريدي يجرالج💔 حسيته قرار كلش صعب عبالك نفسي انگطع و اني اگوله بس لازم اراضيه تروح اتگول لحسين و كلشي نخسر ..
المهم ظل ميجينه و لا اعرف عنه شى بس مرات من اصعد بغرفتي اشوفه من الشباك لان غرفتي كبال غرفته ..
المهم بعد اسبوع منحجي وي بعض اجانه انمار ابن عمتي
السلام عليكم شلونج خالة ؟؟
اخبار حسين عريسنه الجكليته امي ضحكت
الحمدلله حبيبي بخير يوم الالك ..
انمار ابن عمتي مواليدة ١٩٨٧ حنطاوي عيونه واسعه و طوله وسط جتفه عريض و كلش حباب و يسمع كلام امه و ابوه حيل هههههه ديدرس جان هستوي مكمل امتحانات سادس اعدادي و دينتظر النتيجة
اشو هذا يحجي وي امي و يباوع بنظرات غريبه على غفله و كلي
سمعت بيج مو كلش زينه بالانكليزي تحبين ادرسج و من تباوع امي عليه يأشرلي براسه كولي اي
اني بداخلي كلت هذا شبيه تخبل بس لا يحبني ..
المهم كلت خلي اشوف شنو بيه
ماما كالت اي حبيبتي شكو بيه استغلي العطلة احسن من الكعدة و تباوع عليه و تعوج بحلگهه قصده على احمد
گتلهم اي شكو بيه
كال لعد خلي اروح اجيب الملزمة و اجي
راح جابه طلقه و همه بعد عنه ٣ شوارع حسيتهم بصفنه من سرعته ههههههه
المهم كعدنه بالمطبخ عود كدام عين امي ..
ظل يدرس و يفهم بعدين كلي هذا الواجب اقري باجر اسمعه الج و خلالي ورقة بنص دفتر الواجب خنزرت عليه
اشو تحولت نظراته للتوسل و شفايفه اتگلي عفية اخذيه ..
المهم اخذتهم صعدت فوك و جان تطلع رسالة من احمد
( حبيبتي الغالية روح قلبي النفس الي يصعد و ينزل مشتاقلج بگد رحمة الله و اكثر .. و محتاجج بعد اكثر و ادري خالة منعتج مني و حقه بتهه و تخاف عليه بس اني ما اگدر ما اشوفج يا ريت تگدرين تجين فد يوم ابيت خالة ام انمار و اجي اشوفچ فدوة الگلبچ يا عمري انتي
احبچ موت و لا يمكن انساچ لحظة )
تدرون شنو طرت ظليت اكمز بالغرفة مثل الخبله ..
اجتي بسمه ها شبيج خبلة ربي يشفيج ههههه
احبچ اختي و حضنته قوي ههه
گالت مو دا اگول ربي يشفيچ ههه
و ظليت ارتب نفسي لليوم الموعود و من اجاني ثاني يوم انمار ..ديقريني علساس كتبتله بالدفتر كولي ما اگدر اجيج هذا الاسبوع كله لان عدي تعديلات بالبيت وي ابوية؟؟
اشرلي براسه حاضر
خلصنه : زوزو تره هذا الاسبوع ما اكدر اجيج
يمعود الحك انسه المادة... زين شنو رئيك اجيك بنص الاسبوع اختار اليوم الي يعجبك ههه
كلي اوكي الاثنين تعالي ..
امي دا تطبخ كالت و منو يوديج عيني ..
بسيطة خالة عود اگول الحسين يجيبه علينه
و اتفقنه و تواعدنه و ظليت انتظر الاثنين بفارغ الصبر ..

و للقصة انتظار