مشاعر

خطوبة ..

الفصل التاسع و العشرين

بس حالتي كلش سائت صدك صرت مخبلة ..
و اجتنه فد يوم همسة و گالت ليش ما تاخذوها الشريفة بنت الحسن دخيل جده .. بلكي تتحسن .. تره راح تروح اختنه من ادينه ماما ..
و اجه ابو طيب ...
شلونچ زوزو ...
هلا عيني ها بشر ؟
و الله يا عيني بالگوة دبرت ١٥ ورقة ..
اممممم الله كريم عيني يدبر الباقي ..
اي صح بس باچر اول يوم دوام الي و حتى ما الحك ابيع المحل ..
زين لعد شلون ؟؟
خابرينه بسمه بلكي عدها ؟؟
الو هلا بسمه حبيبتي شلونكم ؟؟
هلا ب زوزو انتو شلونكم ؟؟ ولدچ شلونهم و ابوهم ؟
كلنه بخير عمري .. فدوة اريد طلب منچ
ادللي عمري و اذا اگدر عليه ليش لا
اريد ٥ ورقات ارجعهم الچ بعد شهر ..
هي المن تريديهم ؟؟
و الله لابو طيب علمود تعينه ..
اي مدام اله قبل الشهر ترجع .. اذا هو يخاف ياكل لا يصرف هههههههههههههه ... يلا بسيطة شوكت تريديهم ..
هههههههههه ضحكتيني حقيرة و الله يا ريت اليوم ؟
اي قلبي تعاي اخذيهم ..
و رحت و اخذتهم و انطيت اله و ما فكرت اعيره مثل ما هو دومة يتهمني !!!!
و راح ثاني يوم و اتعين و لگه خوش ولد يلزمله المحل الصبح ..
و ارتاحيت شوية من نگه يرجع الظهر تعبان ياكل و ينام بس كلش قليل و يرجع هو يلزم المحل بعد الاربعة و نص .. و هكذا ..
تقريبا مرتاحين الحمدلله.....
و رحنا الشريفة بنت الحسن و اول ماشفت مقامه ظليت ابچي .. يا شريفه جيتچ متعناية ادعيلي اشفه ..
بجاهچ عند ربچ و الله تعبت و اذيت اهلي وياية ..
و شافتنه مرة عجوز بره ..
يمه هاي بنيتچ عدها تابعة  ... و حله تشتريله ملابس جديده  و بدون ما تلمس هيه و تروحين لاي مقام و الافضل اهنا ..
و اطب اصلي ركعتين تحيه للمقام الطبته و المسجد المقام بيه ...
و تذب كل هدومها القديمة و تلبس الجديدة و تحرگون القديمه حتى لا تصير باحد و تصلي ركعتين شكر لله و رسوله و ااممته و الشريفة حفيدة رسول الله ..
و تزوجيها وراه بسرعة لا تتاخرين عليه .. تروح ترجع مرة لخ ...
و راحوا امي و خواتي و اشترولي ملابس و سوو مثل مكالت المرة ..
و رجعنه البيتنه و بديت اصلي و اقره قران و ماگطعت بيوم .. و طلعت نتيجتي و اجه انمار يباركلي و اني صار الي ٣ سنوات زعلانه منه و ما نحچي وي بعض ..
هلا بزوزو شلونچ ؟
الحمدلله بخير انت شلونك ؟؟
الحمدلله مبروك نجاحچ وردتي
ههههه الله يبارك بيك .. بس ما اعتقد اني وردتك ..
و الله حزن انت دومچ عزيزة و غالية عندي و تسوين كل البنات الي اعرفهم
هههههه و الي متعرفهم شلون ؟؟؟
ههههههه و الله ما ادري يجوز ابدل ...
لا لعد اذا تبدل متفيدني ...
هههههههه اتشاقة وياچ زوزه .. اني باليوم الي اختارچ و توافقين عليه .. كلشي اترك و اعوف كل الدنيا ..
اممممم يعني هسة اگدر اعتبر هذا عرض جديد ؟؟
اي اكيد .. زوزه اني من گلت الحجاية القديمه على بسمة جنت تعبان و مقهورة منچ حيل .. لان اني سنة ادري و اعين و اعطف و احن و قبلهم احب و انتِ و لا ويايه ..
اني وياك چنت و بديت انچذب الك .. بس لا يمكن اني بيني و بين احمد ينسي باللحظة.. و لهذا اتركني افكر و اردلك خبر ..
صدك زوزه ..
ها عيني ..
انتِ كلش حليانه و صايرة صدك وردة ...
هههههههه خوش شكراً الك انننمممااااارررر
و شددت على كل حرف ..
ههههههه خوش زوزه الغالية....
و اجه و خطبني ووافقوا اهلي و بعد اسبوع خطوبتنه ..
و رحت اجرت بدلة حمرة .. عدلة لحد الركبة و بعدها تعرض من جوة و بيه لمعة خفيفة ذهبي و تسريحتي رفعت شعري الي بقيته قصير ابد ما طولته و خصلته بعد و مكياج حلوو سويته و حمرة حمره ...
يعني طلعت حلوة و كلها تخبلت عليه ..
و من دخل هو انجن بيه و ظل بس يباوع ..
بس اني و الكم الضحكة مدا تطلع .. الابتسامة ماكووو ..
احس مو ديخطبوني .. احس ديموتوني ...
و اهلي و امي كل شوية
 اضحكي يمعودة فضحتينه عليچ الله ابتسمي
و گولات و هلاهل .. و اني احس باذني وششش
و صدگوا مسمعت و لا اغنية ..
اني اكتشفت نفسي بهذا اليوم مريضة كلش ..
و مرضي اسمه ( احمد )
و بعدها اجه السيد و عقدنه و مفروض ١٢ مرة يلا اجاوب و اگول نعم و مطلعت الحچاية الى ان دغتني امي و گرصتني ..
و عطت انت وكيلي .. و ضحكوا النسوان عليه و ما يدرون بالنار الي بيه
و اجه ديلبسني الحلقة و بداخلي اگول .....

و فالقصة حزن و سعادة ... و سعادة و حزن.