مشاعر

زعل بلا سبب

الفصل الرابع عشر

مو هستوچ دعيتيله
شمدريني عبالي يسويهه لوجه الله
بشرفچ هو هسه اكو احد بالعراق يسوي لوجه الله
اي عيني ليش لا .. لو خليت قلبت
المهم هسة عوفينه من امثالچ اني فكرت ابيع المحل شنو رئيچ
زين و اذا بعته و انطيته اله و مسوالك التعيين منين نعيش
يا مره فال الله و لا فالچ .. صديقي يگول الولد مضمون
زين ليش ما اطلب من امي و عود من يطلعلك التعيين بيع المحل و انطيه
يا مرررره انتي شبيچ مليون مرة اكلچ ما اخذ من اهلچ افتهمي ادري بيهم زناگين بس مااااا اريد
يابه على كيفك هو اقتراح قابل شفتني شايله الفلوس بيدي
تره لو ما العتب و الشكوى الي دا اشوفه بعينچ مجان سويت هاي الخطوة بس ادري بيج تريدين تكملين بيتج و الي ديجيبه المحل يا دوب عيشة ..
هاهي عيني خلص الي تريده سويه
انت ابو البيت
اريد اروح انام بلكي اخلص من عقلچ الي راح اموت و بعده ميفهمني
اسم الله عليك نوم العوافي
كمت طفيت التلفزيون و لميت العشة و غسلت المواعين و كنست ..
حتگولون هاي شكد نظيفه
لا و الله يابه مو قصة نظافه بس بيتنا مچان عدنا فلوس انكمله هو بلوك و بعده صب فيرادله تنظيف كومة لان يطلع سمنت بالكاع و لازم تعقيم لان عدي اطفال و حتى لو اني و زوجي بس خو انام على الحشرات ..
المهم كملت و كمت صليت ركعتين لوجه الله و دعيت كومة و بجيت
يا ربي طلعه من گلبي ريحني تعبت مدا اتحمل و صبرني يا اللهي و سيدي و مولاي ..
و كمت قريت شوية قران و رجعت اتمددت بفراشي
و رجعت ليورة بافكاري كالعادة
و رحنه ثاني يوم بسيارتة و عمتي ما قبلت الا اكعد يم احمد بالصدر و كعدت هي و امي ليورة
و رحنه وصلنه السوگ الكاظم ذبينه السيارة بالكراج و الطريق كله لازم ايدي
و اجينه لابو الذهب اخذلي حلقه و تراچي و زنجيل بيه آية الكرسي گتله شمعنه هاي الاية
حتى اذا اموت تحرسچ و تبعد عنچ الشر
اسم الله ليش هيچ تگول ..
كلنا على هذا الطريق حبيبتي
و اشترينا كم شغلة داخليات و طقمين طلعة هو على ذوقة و اشترالي لبس نوم يجنن لونه تركواز ستن من الصدر و اسقيات رفيعة و من وره اكس يصير و ينزل بعرض شوية طويل من ورة و قصير من گدام وامي كالت
بعد وكت على هاللبس
اي خالة ادري بس حبيته
و گالو امي و عمتي خلي نفوت انزور..
و دخلنه زرنه و انطوني عباية و فتت للامام الكاظم سلام الله عليه ..و حسيت قشعريرة بجسمي مو طبيعية و راسا بجيت ووكفت لزمت الشباك ما اعرف شبيه حسيت قلبي يوجعني
يا الكاظم بجاهك عند ربك فدوة احفظلي احمد و لا تشوفني بيه شر
و مغطية وجهي بالعباه ما اريد امي و عمتي يشوفوني
و طلعنه شافني احمد
هاي شبيه عيونچ زوزاية
لا هيچ ماكو شئ اتذكرة ابوية
لزم ايدي
حبيبتي بأذن الله اكون الچ كل الدنيا و ما اقصر ابد
و نمشي و هو يتلفت على الولد و كل ساع خازر واحد
صعدنه بالسيارة و امي و عمتي يسولفن
اتقرب عليه
تدرين زوزاية من نتزوج حتى الهوة اوخرة و اخليچ تتنفسين من خلالي
ههههه هاي وين لگيته شنو انت اوكسجين
اي اني الاوكسجين مال زوزاية وبس
هههههه الله كريم
و ما اخليچ تطلعين من الغرفة و حتى اني انظف وي امي ابدالچ حتى متحچي عليج
اي و الله هاي اني اريده لان كلشي ما اعرف اسوي
هههههع تدللين عمري حتى غرفتنه انظف الچ اريد تبقه هاي الايد و لزم ايدي اليسار حلوة و بيضة و ناعمة
هههههه الله كريم حبيبي
و رجعنه للبيت عمتي راسا راحت و هو بقه يمنه حتى نتفق على الحفلة و الاجار و الصالون و هذا الحجي جان يوم الاثنين ..
 اريد اروح للصالون اكص شعري و اخصله
شنو كالعقلچ هذا مالتي و يبقه مثل ما اني اريد
شنو مالتك انت اشتريتني
اشتريتج شنو .. اني حبيبج و حصير خطيبج
اي بعدك مصاير
هاي شبيج احنه تره من زمان مخطوبين و هاي شكليات و انتي مالتي و اني مالتچ
اي بس اني عاجبني قابل يومية مخطوبة
هلو ياب و شحدج يومية مخطوبة غير اموتچ و اموت نفسي
هاي شبيك انت الظاهر تحب العركات اني الي اريده اسويه محد يمنعني و عفته و صعدت..
خالة اني رايح
وين حمودي ابقه اتغده دلو و بسمه مسوين خوش غده
لا خالة اروح يلا الحك اكمل شغلي على الخميس
الله وياك يمه
و مر الاثنين و الثلاثاء و الاربعاء و صاحتني ماما
زوزو وينچ حبيبتي مو كلتي تروحين تكصين شعرج
لا ماما غيرة رئي ما اروح
شبيچ اشو مو على بعضج ماما
لا هيچ ماكو شئ شوية متوترة
اجتي دلو يمي
شبيچ زوزو مو اني صديقتچ عود .. طلعتي ضامه حبج ال احمد عني و رضيت بس مال تزعلين و ما اعرف السبب تره ميصير
كمت ابجي احنه متعاركين اني و احمد و يجوز باجر منسوي خطوبة
لا ماكو هيج حجي ما اعتقد دخليني انزل جوة ارتب وياهم
يمعودة شترتبين و انتي صايرة بطيخة
هههه يوم الچ و تصيرين مثلي
هههههه الله كريم
و لبست جبته دلو و عبرت على بيتهم ورة ربع ساعة اجتي
اكلج زوزو احمد يكول يا ريت تقبلين تصالحيني اني احبچ كومة و ما اريدچ تزعلين و اذا بقيتي زعلانه اريدچ تحالليني و توهبيني الدنيا كلشي بيه و احنه نبقه على موعدنه باچر
اني گتله اسم الله عليه
امين هسة شتكولين ...؟؟

و للقصة حفلة و گولات تخبووول