مشاعر

موت و دموع

الفصل الخامس ..

شبيه عبدلله خيره ؟؟؟
عبدلله طلع بيه سل و حالته خطره بالمستشفى و حتى ما يخلوني ازوره ...
و احنه نبجي كلنه على بجيته ..
و ماما ظلت تصبر بيه و تگله ربك كريم لا تزعل هسه يشفي و يرجعلك ..
و عبدلله ماكو اسبوع و راح ابويه عليه و اصر يدخله بالعزل و عبالك هذا الچان منتظره و خلاه بحضنه و باوع على ابويه و طار وي طيور الجنة و عمره ٤ سنين ..
و رجعنه والدي منهار كالعادة و امي اداري و احنه عقال و ساكتين و مقهورين على قهرته اكثر من موتت اخونه الي ما شايفي اصلاً..
و بيوم اجانه والدي دينطينه المصرف و اجيت كعدت بحضنه
كالت امي وج كومي كبرتي على هالكعده و مهتميت اله
حبيبي بابا نور عيوني انت
شعدنج حزن شتريدين ؟؟؟
فدوة القلبك انت مو تحبني هواية
اي احبج اجحي ؟؟
باباتي خلي بسمه ترجع للدوام ؟؟
و جان يريد يعيط و خليت ايدي على حلگه ..
فدوة باباتي و الله هي شاطرة بلكي تصير شى و انت ترفع راسك بيه و هيه حتقره بالبيت خارجي الثالث و جربه اذا نجحت و معدل زين خليه اتكمل السادس همين الله يخليك باباتي ...
اوف منج حزن شلون السان و شلون تحجين يلا ميهم خلي اتجرب بس اني معليه لا اقدم معاملة و لا اسوي شى ..
شوفي لو اخوج حسين لو خالج عمار ..
و بوسته و حضنته و اشرت البسوم تجي تشكره و حبيبتي خجلانه ..
اجت على كيف تمشي شكرا بابا الله يخليك النه
و رجعت و سواله المعامله حسين طبعا هسة هو كام يشتغل سايق مثل ابوية و يساعدنه بالعيشة لان الي ينطي ابوية قليل و الحمدلله ..
و نجحت من اول دور و الكل تعجب عليه ..
و غفيت و اني اتذكر و فزيت على صوت سعودي الساعة ٧ الصبح كمت رحتله بدللتله و انطيته ممه و توضيت صليت الصبح و سويت ريوك لابو طيب .. و كعدت
كوم عيني ابو طيب
اي جيت كملتي الريوك و حضرتي الحمام ؟
اي عيني كلشي جاهز ..
اني ما امدحلكم بروحي بس اني اسوي كلشي لان اخاف لا انهان و كرامتي عزيزة عليه لا يمكن اسامح
و اجه و اتريك وراح للمحل ..
و رجعت كعدت طيوبي و ريكته و بدلتله و راح للدوام و نظفت البيت و خليت الغده على النار و حطيت سعودي بالكاروك و اهزه و اشرب بفنجان الكهوة و رجعت الوادي ذكرياتي
بيوم كاعدين و اجانه حسين حزين
شبيك يمه حسين اسم الله عليك من الحزن ؟؟
يمه ابوية مريض ؟ و امي راسا ضربت على راسه
اذا اكلكم امي تموت عليه روحه هو نفسه متصدكون مشفت هيج مره ياذيه رجله و تبقه تحبه
ليش يمه شبيه ؟ يا بعد روحي علاوي بيه و لا بيك يا روح سكينه انت ؟؟
يمه ابوية بي ..............

و للقصة دموع و اآللام ..