مشاعر

رجل جديد

الفصل الخامس و العشرين

صدك تحچي انمار لو تشاقة ...
انت جنت روح بالروح وي احمد تربيتوا سوة و بنفس المنطقة و قريبين على بعض خير وين عقلك
زوزو اني چنت احبچ مثل اختي .. بس من راح احمد تغير الموضوع
حبيت بيچ غير الاخلاق و الشكل الحلوو حبيت وفائچ ال احمد .. احساسچ بيه .. خوفچ عليه ..
حبابه حزن لا تحرميني من المحاولة .. اريد احاول اريحچ و اسعدچ لانچ متختلفين عن اي بنية و انتِ تستاهلين كل خير و الله ..
ساعديني و لا تحرميني و تحرمين نفسچ من هاي الفرصة ..
شوف انمار انت دوختني .. من رخصتك ..
صعدت فوگ و ابدال ما ابدي عطلتي بالدراسة بديته بالبچي و الحسرة ... وگفت كدام المراية ..
ليش يا ربي ليش اني دون البنات يلزموني اثنين و يبوسوني اثنين و يحبوني اثنين ..
ليش مصرت وحدة عاديه ..
كل من وراك احمد .. عمتك الفلوس و رحت بيه
لو متاخر زواجنه احسن اه و الف اه .. اه يا وجع قلبي الي متريد تخلص اااااااااااااااه
 چم تعال ! وچم دخيلك من عفتني ®
 يل خذت كلشي برحيلك ماخذتني ..😢
اوف لو ماخذني وياك احمد اووووف ...
و چان انام .. و شفت احمد بالمنام بعد سنة و تسعة اشهر ..
شفته واگف يم بابنه البره بس عينه على بيتنه و اني و انمار واگفين يم باب الصالة ..
و يضحك و يباوع علينه و اني حزينة بس انمار يضحك ..
و كعدت و همين بچيت كومة ....
و نزلت غسلت وجهي و جان اسمع امي تحچي وي انمار ..
ها انمار شنو صار ؟ حچيت وي حزن ؟؟
خليت ايدي على حلگي و ظليت اسمعهم ..
اي خالة حچيت وياها بس شكله كلش ضاجت و ما اعوقد توافق ..
اي يمه لعد شلون كل السادة كالو اذا متزوجوهه تسودن و تنتهي .. يعني اني ام شنو اسوي ؟؟ اذا ماتت منتحرة يگولون معيوبه و انتحرت ..
لا حشاها خالة ..
و اذا بقت بحالته يكولون مخبله و لا هي تتزوج و لا خواته .. و انت شفت حاله و حنيت عليه و شفت الحنية بعيونك و گتلك هذا الرئي
اي خالة لا يظل بالچ نبقه نحاول و بأذن الله تقنع و نتزوج و نفرحچ
و اني سمعت الكلام كله و حسيت طلقة بصدري صارت اهلي ملو مني بسبب وضعي ..
كافي حزن لازم اديرين بالچ على اهلچ .. كافي انانية ..
و دخلت عليهم بالمطبخ ديتغدون و البنات و دلو و حبيب عمته حمودي..
هاي يمه اشو مگعدتي قريتي ..
راحت عليه نومة ماما بس اكل هسة و ارجع اقره
كعدت اكلت و هو يباوع عليه بخوف .. و اني اسوي نفسي مشايفته ...
و كاموا كملو و غسلو المواعين و كل من راح يرتاح بغرفته ...
بقه هو گاعد ...
انمار اني قررت انطيك و انطي النفسي فرصة ..
اي بيها الخير خوش حچي ..
بس هسة كلشي ما اريد .. اريد بس اقره و اذا صدك انت تريدني انتظرني اكمل امتحانات و ربك كريم ..
خوش اتفقنا و جان يگوم من كرسيه و اجه عليه ..و رفع راسي من حنچي و اني كاعدة على الكرسي ..
و باسني من راسي ..
يا رب ما اخيب ضنچ و افرحچ زوزو ..
الله كريم ..
يلا زوزو متروحين تنامين ؟؟
هااا اي جايه ابو طيب ..
اكلچ ؟
اي عيني گول
انتِ تحبيني ؟
طبعاً احبك هو اني شعندي غيرك ؟
ليش عندچ طيب و سعودي و امچ و اخوچ و خواتچ ..
اي صح عندي كل ذولة .. امي و اخوية و اختي لازم احبهم اهلي ..
وولدي لو ما انت منين اجوي ..فلازم احبك حتى اقدر احبهم ..
بس تره مو شرط المرة تحب رجله حتى تحب جهاله ..
حب الام لاطفاله فطره ..
صحيح انت تحچي بس اني احبك .. و لو ما احبگ مچان تزوجتك ..
همين مو شرط .. كومة بنات يتزوجن علمود لا يبقن عوانس ؟؟
اكلگ شتريد ابو طيب ..
لا ما رايد شئ بس اريد اعرف شلون تحبيني ..
ابو طيب لو تروح تنام احسن الك مليون مرة ..
هو رايح انطمر يا ..... زوزو
استغفرلله يا رب .. شبيه هذا ليش يدور على العركة من جوة الگاع ...اوف يا ربي صبرني و عيني ...
و كالعادة و الروتين اليومي سويت كلشي و رحت دا انام بفراشي لگيته كاعد ...
ها ابو طيب ليش ما نايم ...
و چان يلتف عليه و خله ايده اليمين على جتفي اليسار ..
حزن اني احبچ حيل و اتقرب عليه صار سانتيم البعد بينه ..و سألني ؟؟
و انتِ ؟؟
و اني همين احبك
لعد ثبتيلي هسة ووووو .................
و نجحت من السادس و طلعت ٧٩% و على ظرفي كلش نعمه .. و امي طارت و مصدكت ..
و بيوم النتيجة طلعه الي انمار من النت و فرحت كلش الصدك و نسيت احمد لوهلة .. و كله فرحانه و تكمز حتى حبيبتي دلو و يبوسون و يحضنون بيه.
و ذب الحاسبة انمار و كام عليه ..
و اتقرب و باسني من خدي مبروك زوزاية ( الدلع الي بس احمد يدلعه الي و محد اجرئ بعده يصيحني بيه ) ..
و اني من دون وعي گتله ..
شكراً احمد .. الله يخليك اليه ..
و سكتت و سكت انمار و صار البيت اتذب بيه الابرة تسمع صوته ..

و للقصة صدمة چبيرة كلش