مشاعر

التعيين و رشاوية

الفصل الثالث عشر:

مثل ما دا أكولچ ..
اجتي عمة تخطبج ال أحمد
هيي هيي هيي أحبج أختي أم الاخبار الحلوة
و أحضنه و اكمز آني وياه
وچ يلا مو وكت اتكمز ..
ماما دزتني عليج حتى تبدلين و تنزلين يلا
اجتي دلو يلا عيني عروستنه و اخذناها بس فدوة ديربالج تسوين خطوبتچ وي ولادتي
هههههه لا حسويها قبل وين اتحمل
ديلا عيني يلا فدوة الأختي و زوجة اخويه
و بدلت على السريع و نزلت جوة و اول مشافتني عمتي
كلللللللييييييييش يمممممه فدوة البنت اخوية گيمر محروسة بالله يمه
آني خجلت كلش و أمي تضحك أجيت كعدت يمها حضنتني و بوستني و تشاورني
و الله يمه ردت هاليوم من زمان بس إبني جان يريد عود من چدة و تعبه و لوما زعلتچ عليه و لا چان رضى
حبيبتي ام حسين احلى بنات عندچ ربي يحفظهم و يسعدهم و يعلي بختهم
و الحمدلله تم الموضوع و اجه احمد و گال ال امي ها خالة أفوت عادي لو تضوجين
خطية أمي صارت طماطية
لا عيني فوت يا حبيبي شسوي غير الكلام يجي عليه و على اخوك حسين
لا خالة اتشاقه وياچ و حقچ الي سويتي و اني الغلطان بس انتِ أعرف بالظروف
هاهية حبيبي خلصت و ربي يسعدكم و انشوف جهالكم..
اجه كعد يمي و كلي الحلو شوكت يريد نروح نشتري الذهب باچر لو هسة احسن
اني ضحكت : و شدعوة مستعجل
ها و انتِ ما مستعجلة من زعلتي عليه مو ؟؟
هههههه اي لعد نبقى هيج يا حبيبي مو راح يصيرنه سنتين يا عمري
الله بده الكلام الحلوووو استمري استمري تره اذاني و كلي ديسمعوچ
هههههههه خوش لعد احبك موت
اسم الله عليچ حبيبتي .. من عمري على عمرچ
اهووو بدينه لا عمري و لا عمرك اثنين عمرنه طويل بگد عمر جدك
و ضحكنه سوة هههههههه....
و دك تلفوني
هلا ماما شلونج حبيبتي
هلو زوزو شلونج اخبار
حبايبي الحلوين شلونهم اشو مدا تجينه صار اسبوع لوما احنه شارع بيناتنه
و الله ماما اسفه بلكي باجر بس يرجع طيب من المدرسة اجيكم ملتهية بالبيت
و تعرفين بعده اصبابه و بلوك يرادله تنظيف كومة..
هو باجر لازم تجين لان هموسة جايتنه من الحلة و حتى بسمة و نعمة حيجون
اوكي ماما تدللين أجي بحيل الله
أكلج شلونه زوجج بعده اطباگات
هههه لا ماما احسن لا يظل بالچ
زين حبيبتي الله وياكم
انتبهت على الوقت صارت سبعة و نص
يلا الحك انزل اسوي عشة قبل لا يجي ابو طيب
نزلتهم ويايه و نزلنه فدوة الحبيبي سعودي
ماما و اني مو حبيبچ
هههه حبيبي طيوب انت روحي و قلبي مو بس حبيبي
يلا خلي اشد اخوك بالحجله بين ما اسوي عشة... شو خلي اشوف واجبك ..
فدوة الشاطر عاشت ايدك
يلا ضم كتبك و غسل بين ما اسوي النمنم هههه
ماما اني موصغير نمنم شنو
ههههه اي صدك حبيبي انت كبير اني اقصد على الزعطوط اخوك
سويتلهم مخلمة و گليت فنكر ..
وكلت الجهال و نام طيوب بقه سعودي القرد گاعد
و بدلت و غسلت و رتبت روحي و اجه ابو طيب
الله يساعدك عيني
هلا بيج
فات غسل و دنتعشة
امي خابرت اليوم تگول باجر خواتج جايات
هاااا و لازم تروحين مو ؟ لان اللمه متحله الا بيچ لان بوجههم عسل و بوجهي بومة
هاي شبيك يا رجال بعدني محجيت شئ
يابه غير تريدين تروحين روحي الله و محمد و علي وياچ
عيني اذا متريدني اروح و ضايج على شنو اروح ينجمعون غير مرة و اروح
لا يابه روحي غير تظلين تاكلين راسي شهر
هاي شبيك ابو طيب الله يخليك و الله ما اريد اتعارك و لا ازعل و گتلك لان اريد موافقتك يلا اروح
خلص افتهمت ..
اليوم اجاني ولد صديقي اعرفه من زمان و كلي اكو واحد واسطة يعرفه علمود التعيين
اي يا ريت والله .. الله يبارك بيه معناته خوش رجال
دنتظري يا مرة خليني اكمل ليش مستعجلة
من عاشر القوم صار منهم و غمزتلة
هههههه يابه ميخلص منج احد
المهم يريد الخوش رجال ٢٠ ورقة يلا يعيني
شنوووو و ضربت على صدري عزه بعينه
ههههههههههههه شكد احب هاي حركتچ...

و للقصة حب و امل و شوق...