مشاعر

ما يرجع بعد

الفصل الواحد و عشرين

باليوم الرابع كمت احس عمتي متريد تشوفني و متباوع عليه و من اصير بمكان تطلع و لليل اجتي ماما عليه
يمه حزن كومي خلي انروح للبيت اغسلي و ارتاحي شوية...
ليش ماما فدوة بقيني اهنا .. يروحي يجي و ميلگاني و يزعل حبابه ماما
حزن امشي وياية لا تعانديين احسلچ اروح
حاضر ماما بس اسلم على عمتي
و رحت اسلم على عمتي حضنتها منزلة اديه
حبيبتي عمه اروح للبيت ابدل هدومي و ارجع
الله يصبرني على فراگ ابني فتحت عيني
و كمنا رحنا اول ما وصلنا للبيت
حزن ماما بعد متروحين البيت عمتچ
ليش ماما شمسوي اني
عمتچ تعبانه و تگول حزن اتذكرني اب احمد ما اريد اشوفه عالاقل هالفترة
ههه عادي ماما هي بقت على عمة عادي
احچي و دموعي تصب صب... ماما حضنتني
بنتي هي ام و قلبه ملچوم و الجرح قوي
و گمت اعيط
ماما لعد اني شنو ؟؟ ماما احمد چان خطيبي و حبيبي و ابوية و كل ناسي
ماما چان يفهمني بنظرة عين
ماما چان الامل بالحياة
حبيبتي هذا الامر مو بدينه و بعدين ليش تفاولين على الولد هسة يرجع و ما بيه شئ بأذن الله
و بحرگه و بقلب مكسور و عياط و بچي
ماما قلبي يگلي بعد ما يرجع مايرجع ما يرجع احمد ماما راح بعد...
و امي حاضنتني و تبچي و خواتي يبچون و حتى حسين يبچي و يمسح بدموعه حتى محد ينتبه عليه
و سابع يوم على اختفائه نزلت من الدرج و اسمع حسين و ماما يحچون بهمس بالمطبخ
يمه هوه اني متأكد بس ابوه يكذب روحه
يمه خاف انت غلطان قابل تعرفه اكثر من ابوه
يمه مو شغلت اعرفه اكثر من ابوه .. بس ابوه يغالط نفسه صح هو شوية وارم لان باقي بالشارع تلتيام بس هو اني اعرفه حنچه اذانه لحيته عيونه خشمه شعره اديناته كله يوم هو احمد
و چان راساً اعيط احممممممد و وگعت من الخمس درجات الباقية للگاع و اجت امي و حسين و نزلوا نعمة و بسمة
و شالوني و بس ابچي بهستيريا
گتله ها ماما مو گتلچ ميت مو اعرف اني ظليت ابچي و اسمع عياط و بچي من بيت عمتي امه متقبل تصدك و ابوه كذلك و مجابو الجثة من الطب العدلي و لا صار اله گبر و لا شئ..
كتلهم اريد اغسل تعبت
اي ماما روحي اغسلي تريدين افوت وياج
لا ماما ماكو داعي
و غرفة ماما بصف الحمام.. دخلت اخذت المقص و فتت للحمام .. و وكفت كدام المراية و الزم بشعري و اكصه و ابچي بلا صوت و وي كل خصلة قلبي يرتاح
روح ما اريدك ما اريد احد يلزمك غير احمد ..روح روح اريد ارتاح روح
و قصيت شعري لحد اذاني
و غسلت و طلعت و لافه راسي و بعد ربع ساعة وكع الخاولي من راسي
يمه صخام عزه بعينچ حزن وچ شمسوي روحچ تخبلتي يمه
ما اريده ماما هذا مال احمد و راح وي احمد
لا اله الا الله شبيج يوم وحدي ربچ حرام الي دا تحچي و تسوي
ماما اني نحس و فگر مو صحيح ؟
لا يمه استغفرلله بس الماعنده عقل هيچ يگول .. انتوا كلكم نعمه من الله الي ..
و اجه محمد علينه ... الحك حسين داليا دتولد و اني امي متقبل اروح اوديه تخاف عليه
اي جيت
اني همين اجيت وياك يمه .. ديربالكم على اختكم..
و راحت دلو و خطية كلش اتعسرت بالولادة لان دخلت بالعاشر و جابت ولد و سموه احمد و عمتي و زوجه رفضوا يكولون احمد عايش ما انريد احد ياخذ ابسمه ...
و راح ثاني يوم حسين للمشفى و غيره سواه محمد ..
و من رجعت دلو حسين ما قبل تروح الاهله
حبيبتي انتي والده و تعبانه و مراح تسويلهم شئ اذا رحتي ارتاحي و بعدين كومي روحيلهم قابل همه بعيدين اشو همه اگبالنه
و امي همين حچت وياها و قنعت خطية و بقت ابيتنه و اجه ابوه جاب ذبيحة خطية..
اما اني حالي كلش صار مو زين و احس بذنب چبير كونه راح و مزاعلي
و گمت ما اكل قليل كلش على گد الحركة البسيطة و عيوني راحت اللمعه منه و وجهي شاحب ما احب اشوف احد اريد بس انام و همه عايفين نايمه ..
اريد انهزم من الدنيا و الناس ما اريد احچي و لا اشوف احد اريد ابقه بعالم الاحلام بس اشوفه و زادت عندي الحالة كلش و الله گمت انام باليوم ٢٠ ساعة تقريباً..
و فزيت على صوت التلفزيون
طالعة اغنية شيرين ( مشاعر )
يا ربي من وصلت المقطع ( كل حاگه ناصه حاگه و انت مش گنبي حبيبي نفسي اعمل اي حاگه بس ترگعلي حبيبي )
و صدك هيج جان حالي مدا اگدر افرح ابأي شئ من اختفى احمد من حياتي لسه..
اه يا ربي اسمع الاغنية و دموعي تجري و كاني هستوني سمعت خبر احمد
و دخلت انام و كالعادة دموعي على خدي
و كعدت الصبح و نفس كل يوم و كعدت ابو طيب
اليوم عدي موعد وي الولد انطيني المستمسكات الاربعة و سيرتي الذاتية
اي هسة لحظة ..
و اخذهم  و ديطلع وگفته
و اخذته ايده لزمته ظل هو صافن كتله ربي يوفقك حبيبي
هاااا اييييي تسلمين ام طيب الغالية و باس راسي و طلع
 نظفت البيت و كعدوا الجهال اتريكوه و غسلتلهم لان جمعه  و كعد طيب يباوع كارتون و سعودي بالعربانه يمهه يباوع و يناغي روحه ..
طلعت بامية فروزن و خليت اللحم على النار و كملت البيت
و سويتلهم كاستر و النفسي قهوة و كلت سعودي و اشرب بفنجاني ..
و رجعت ليورة حالتي كلش سائت صرت هيكل عظمي و بس نوم..

و للحكاية الم ما اله نهاية