مشاعر

اكتشاف الحب

الفصل العاشر
حَزُن : أني أحبچ ...
تدرون من جان يكول كل الكلام اني فرحانه بداخلي بس وجهي امبينه مستهزء بيه
من گلي هاي الكلمة حسيت الساعة وكفت و العصافير دتزقزق الي و قلبي راد يطلع من صدري و يروح يحضنه مقدرت اسوي الي اريده و ارده بنترة ظليت اباوع بعيونه و ساكته بس عيوني حجت الي لساني مگدر ينطقه
( اني همين احبك احمد و اموت عليك و من عرفتك عرفة معنى الرجولة حسيت بالامان عرفت اجه السند الي لا يمكن في يوم يعوفني )
ها زوزايه شنو ردچ ؟
و الله احمد فاجئتني و اني اشوف نفسي صغيرة على هيچ كلام و اريد كمل دراستي..
( جفصت مو )
زوزاية اني مرايد منج هسة موافقة و زواج اني انتظرج تكملين سادس و حتى اني الحگ ارتب اموري و نتزوج بأذن الله..
الله كريم احمد الي بيه الخير ربي يقدمه
و كعدوا خواتي و كمت من يمه ..
و بدينه بحبنه و سوالفنه و غرامنه بس الصدك جنت هواية ازعل منه و اتنعوص و ادلل عليه و هو حبيبي يعرف بس يبقه يحبني
يكلي لچ زوازية حبچ محفور بكلبي لو شنو تسوين ميشيله بالعكس يزيده و الله ..
كمت من ارجع من اروح للمدرسة الگاه بالركن ينتظرني و  بالرجعه كذلك ..
و اني يومية كل درس انتظر المدرسه تخلص حتى يجي البعده و نطلع بسرعة و اشوفه بالركن منتظرني ..
و بيوم اجانه جنت اقره و مكمت عليه لان عود دراستي اهم شى عندي..
حبيبتي شلونج ؟؟ محتاجة شى عمري
فاني بديت ادلل زايد ..
گتله ممكن گلاص مي
تدللين يا عمري
و راح جابلي كلاص مي و اجه لا و شربني بيده و الله حسيت دا اشرب عصير مو مي و خليت ايدي على ايده ..
گلي اروح فدوة للي يشرب المي و يلالي برگبته ضحكت
يلا روح عدي دراسة
حبيبتي ربي يوفقج و تصيرين احسن الناس..
و كملنه الرابع و جان يصير عرس دلو و حسوني و كلنا فرحانين و رحنا للصالون و قنعنه امي اخيرا و نزعت الاسود الي جانت لابسته وفاءاً الوالدي الي ما وفه وياه ..
و لبست فستان احمر طويل بيه جاكه من ورة للركبه و ضيق و بيه اسقيات على الچتف ..
و رجعنه كلنه و صارت حنة الولد و من شافني احمد تخبل كل شوية يدخل للمطبخ زوزاية متطلعين ديربالج احد يشوفج تره ازعل و الله و كل دقيقة نصيحة ..
رحت دا اغسل و همين مو تطلعين
اهووو يعني تالي مو افتهمت يعني الا تنغص عليه فرحتي
ها شبيج حبي و الله اغار عليج و اني احبج موت
اي مو فهمت اني مو طفله .. و اني اسوي هيج بدون ما انت تكلي تدري ليش؟؟ لان احسني ملكك الك بس
شنو ؟ عيدي مسمعت ؟؟
لان اني احبك احمد و كلش احبك فاريد ابقه الك بس
و جرني راسا دخلني الغرفة امي يم الباب و حضني جانت اول مرة يحضني حسيت بامان مو طبيعي لف ايديناته على خصري و اني خليت ايدي على اجتافه و حظني قوي حسيت روحي امتزجت وي روحه
وخر احمد كافي يروح يجي احد
وج شوخر حيصير سنه من كتلج احبج و هسة كلتيه و تريديني اسمعه و ابقه جامد
فدوة احمد تروح تجي امي لو وحدة من خواتي ووخر و عافني
و طلعت ركض للحمام غسلت وجهي ظليت صافنه بالمراية
عزه هاي شسوة احمد خربط احوالي بعد ابد ما اخليه هيج يسوي الى ان ننخطب و نتزوج ..
و صار ثاني يوم و تزوج حسوني و مگدرو يروحون للفندق لان الاوضاع جانت مو زينه بال ٢٠٠٥
و رحنا كلنه البيت عمتي ام دلوو و حبيبي احمد
و بقو همه بالبيت ..
و جانت احلى ليله اروح اجيب مي يجي وراية
احبك يا گيمر السدة
اضحك و ارجع .. اخر مره رحت للمطبخ لحكني
حبيبتي زوزواية و لف شعري على ايده ..
ديحجي ويايه و قريب كلش عليه و دخلت امي وخر عني بس شعري بقه ابيدي فعطت راسا ايييي ماما خنزرت عليه ..
راسا هو كال
تريدين شى خالة ؟؟
لا سلامتك احمد ابن حماتي الحامينه من يسافر رجل بيتنه😲 حست علينه و امي رغم فرحته بحسين بس ضاجت كلش من موقفنا و جرتني بگرصة قوية و گعدتني يمه ..

و للقصة امل بالحب الدائمي