مشاعر

قمر ليلي

الفصل السابع عشر

اول مدخلت صعدت فوك و ظليت ابجي لحد ما نمت اجتي دلو عليه
وچ زوزو گومي نتعشة
ما اريد حبي نعسانه باچر ورانه گعدة من الصبح
اجانه ثاني يوم الصبح لبست نفس اللبس مال البارحة الي اخذت بيه الصورة و همين بس ذبيت الشال على راسي
و اجه و صعدنه و خنزر عليه بالزايد و اني و لا همي..
يعني شنو عباله بس هو بالدنيا تهي بهي
المهم رحنه كملنه المعاملة و ما اباوع عليه
حروح اجيبلكم مي و عصير
و لا درت بال اله ..
نعمة اختي تحجي ويايه
هاي شبيچ وي احمد
ماكو شئ بس حتى يتعلم مينطيني اوامر سخيفه و براحته
بكيفج عيني على راحتچ بس تره احمد قلبه طيب علكيفچ وياه
اهووو كلكم گلبه طيب گلبه طيب شنو اني قلبي حجر خبصتوني
هاهية حبيبتي اسفه ادخلت
اداركت روحي تنرفزت على اختي الچبيرة بس نوعي ما اعتذر..
اي صحيح ادخلتي بس مصار شئ عادي
المهم استلمناها و رجعنه للبيت بال٢ الظهر تغدينه و نمت كعدنه اتعشينه و بعدها كل واحد راح الغرفته اني بقيت گاعدة بالمطبخ . طبعا احنه خالين بالمطبخ تلفزيون و قنفه يعني مسوين بيه كعده كانوا هول و هو شوية چبير ..
زوزو حتبقين گاعدة
اي ماما شوية و انام .. يصير اخذ مبايلچ العب بيه شوية
اي اخذي خالته على الشحن يمچ على الطبله
چانت الساعة بالعشرة بالليل دا اتفرج بالتلفون و منطيه ظهري للباب الخارجي مال المطبخ و چان يجي احمد من وراية و خله ايده اثنينهم على عيوني
اني فزيت و ردت اعيط جان ينزل اليمين على حلگي و حچه بأذني اليسار
احبچ يا قمر ليلي و شمس نهاري .. و شتسوين ويايه ابقه اموت عليچ
انداريت عليه و دفعته على كيف
المفروض الواحد من يجي يدك الباب مو هيچ يفزز العالم و بعدين اني ممسويه شئ
مو احبچ غير
رجعت دا افصل الشاحنه من الكهرباء و جان يجر واير الشاحنه و انجريت وياه و قربني عليه عيوني صارت بعيونه و خشمي طخ خشمه و كمت اتنفس قوي و اديناته على خواصري و اني اديه على اكتافه كأنُ دا أدفع بيّ
تدرين مفروض اعصب على تصرفاتچ ويايه بس دوم كفة حبچ هي الي تغلب و چان يبوسني..
و بلحظته ذبت معت محسيت على نفسي يمكن دقيقة و چان ارجع ادفعه
هاي شبيك احمد بلكي احد اجه شتگله
اكله حبيبتي و ام بيتي اقصد غرفتي هههه و اذا معاجبكم هسة اخذه
لا بله شگد سهله عندك...
ههههه احبچ..
اوكي احمد حبني بس ميصير هيچ تعصب
اگلك ممكن سؤال
تفضلي حبيبة قلبي
شنو تريد يكون اول طفل النه؟
مممممممم و الله اريد بنوته مثلچ حلوة و جميله و طيبه بس مسوي روحه قوية و بطلة
ههههههه اني همين اريد بنت و اسميها طيبه
شمعنه هذا الاسم
مو كلها خبصتني قلبه طيب و قلب طيب فگلت اسمي هيچ
زين انتِ شنو رئيچ قلبي طيب لو لا ؟؟؟
الحقيقة انت ماكو اطيب و لا احن و لا احسن من قلبك
ممممم خوش لعد .. اني حبيت هذا الاسم و راح ابقه بس اعضعض بالطفلة
ليش عود ؟؟؟
مو طيبه على امه
هههههههه شگد حقير انت
ديلا كوم روح يروح يگعد احد و عبالهم اني متفق وياك و فتحتلك الباب ميدرون انت مثل الحرامية دخلت عليه
يعني انتي بگتي قلبي و عقلي و روحي و مو حرامية و اني من اريد اشوفچ اصير حرامي
و الله يا عراق كلشي انگلب بيك
ههههههه ديلا روح وراك كعدة على الشغل يلا حبيبي
على كيف ليش ادفعين ؟؟؟
يلا يا بعدي دروح فدوة .. احبك يا عمري
و اني اموت عليچ
و عاط سعودي الارعن ..
ها ولك شبيك خيرك
امممممه اممممممه امممممممه
نعم شتريد مو دتاكل ...ههههههه فدوة الربك شگد احبك
ديلا كافي تعال اغسلك و العب بحجتلك بين ما يجي اخوك و نروح ...
و اجه طيب و بدل اكل و رحنه البيت اهلي
هلو عمة حبيبتي
هلووو يا روحي شلونك حمودي و حضنه قوية الحمودي ابن حسين
شلونك حبيبي بالمدرسة؟
زين عمه ماشي حالي كله ميات
عفية حبيبي شاطر على عمتك
هلو ماما شلونچ و بوسات و حضنات للكل
و ظلينه انسولف و الجهال يلعبون و ماما و دلو مسوينه احلى دولمة و مقلوبة ...
عاشت ايدكم الاكل يخبل
و اخذتني نعمة على صفحة ..
ها زوزو شلونج وي زوجج ؟؟
يعني شتعرفين عايشين و خلص مثل اي اثنين متزوجين
ادري احنه كلنه عايشين..اقصد المناگر مالتكم مبطلتوا؟
حبي شلونه انبطله و هو كل الي اسوي يعتبره لا شئ و كلشي يسوي اليه يحملني منيه و لا عبالك زوجته و ام جهاله...
ادري هذا شجاه مو چان يحبچ و يموت عليچ و اتحده الدنيا و اخذچ شجراله ؟؟
هو محملني منيه لان سوه هيچ علمودي و لان طلعنه من بيت اهله و لان .. و لان ... و لان ......
كومة لان .. خلينني حبيبتي .. الحمدلله على كل حال .. شلونچ بالكلية انتي و شلون امدبره امورچ ؟؟؟
ماشيه حبيبتي هي هاي اخر السنه
و يارب امتياز مثل كل سنة
امين يا رب اجمعين ..

و للقصة زعله ما اله راس و لا رجلين و ربنا اليستر منه