مشاعر

صدمة من الامل الجديد

الفصل السادس و العشرين

و طلع انمار من البيت و لحگته امي و اني لحگتهم بس ختلت وره باب الصاله حتى ما يشوفني
انمار يمه تعال انماااااار
ها خالة شتريدين  أآمريني ؟
خالة فدوة لا تزعل من زوزو بس هي ما عده علاقات و ما تعرف احد مو قصده اني متاكدة ..
خالة اني كومة سويتله و حبيته صدك مو قصة عطف والله .. بس هيه مدا تساعدني و لا تساعد نفسه
اي يمه حقك بس وين تروح و انت حتى بيت ابوك ما تگدر اطبه
اروح يم خالتي ام احمد شسوي و ادزهم على ابوية خو اظل طول عمري ببيوت العالم ..
لا يمه عفى عليك ليش احنه عالم .. احنه اهلك و ناسك ..
لا خالة العفو مو قصدي .. بس تعبان و الله اروح لاي مكان ارتاح ..
و طلع و راح و ما گدرت اوكفه .. ومرة كم يوم و سمعنه انمار راجع البيتهم و بعد اسبوع اجه خطب بسمة ولد وياها بالكلية و رفضوا ينطوه الهه .. عماتي وولدهم و عمي الي ما نعرفله شكل بس بالفواتح انشوفه و كالو احنه اوله بيه من الغريب ..
طبعا امي و حسين ميردون مشاكل .. بس هي كلش تعبت و تاذت و اني حبيت اردلهم جزء من الجميل الي سوو ويايه من جنت تعبانه ..
و جريت عباية نعمة و رحت البيت عمتي ام احمد ..
دكيت الباب طلع محمد .. ها حزن خير ؟؟
ظل باله خطية تفاجاءة صار سنتين ما فايتتلهم ..
ردت عمتي بشغلة
اي تفضلي ...
هلو عمه ؟؟
و ظلت عمتي صافنه ..
خيرج حزن .. الچلب الي عضچ كتلانه ..
عمه فدوة و الله العتاب مو وكته و جايتج بشغلة مهمه و اترجاج ما ترديني ابمعزت احمد ما ترديني
خير احجي يمه ..
و گتله القصة كلها ..
كالت دا اوگفي خلي البس عباتي و اجي وياج نروح البيت عمتچ ام انمار لان سمعت عمچ يمهم اليوم عازميه على الغده ..
اي عمة ربي يخليچ ..
و صاحت محمد ووصلنا على السريع
دخلنا عليهم تفاجاءو بينه ...
و چان ابوهم كاعد و الحية مرته و انمار و اسامه و عمي و وولده ٣ ..
كالتلهم عمتي يمه حرام عليكم خلو بسمة تروح الحالة ميصير تغصبوه على شئ ... و الزواج بالجبر حرام و ميمشي عد الله ..
جاوبت مرة عمي السعلوة : و منو كال نجبره ولدنه خمسة تختار منهم ..
و جان تردها عمتي ..
ذوله مو ولدچ و لا يمتولچ بصلة ..
و الله زين خية ابيتي و تهينيني بس اني حسكت لان زوجي كاعد و احترمه ..
و هي نبشته الزوجه .. و اسامه اللوكي ..گال
خالة هاي ام خواتنه يعني امنه ما يصير هيچ الحچي وياها ..
خوش خالة اوجه الكلام العمك و الكم يمه حرام هالحچي انطوه و خلوها تعيش سعيدة ..
و چان يوكف عمي التحفه ..
اذا انطيتوا بسمة للغريب بعد متلگون رجال عدنه ياخذ بنات علي الباقيات ..
و چان يوكف انمار و يگول .. اني وي عمي بهذا الكلام .. خوب انطوها الي اني اولى بيه ..
و يباوع عليه و يحچي و اني عبالك اجه احد و فتح جرح احمد و خله بيه تيزاب مو ملح ...
يلا عمة خلي انروح الكلام ميفيد
اي بت اخوية ميفيد الكلام ..
و طلعنه اني و عمتي وديته البيتها و رجعت امشي و دموعي تنزل .. شفت احمد خليتني بيد اليسوة و الي ما يسوة ..
لو باقي انت جان ما عشمني و جرحني بأختي انمار ..
و رجعت و حچيت ال امي كلشي ..
و بطلت بسمة متزوجت الولد .. لان هيه اصلا مچانت تحبه بس لان ولد شريف و اختاره من دون الكلية عجبه ..
و بعد شهر اجتي خالتي خطبته لابنه و ووافقت و تم الموضوع و ما عزمنه احد من اهل ابوية غير بيت عمتي ام احمد ..
و فزيت من نومي و گعدت غسلت و صليت الفجر و كعدت ابو طيب كوم عيوني صلي و توكل على موعدك ..
و اتريك و قبل لا يطلع اني كاعدة . ... اجه و رفع راسي و باسني من گصتي
اريد دعواتچ انتِ مو هسة صايرة علوية
هههههههه اي دا احاول اصير و ربي يوفقك و ترتاح
و راح و تم موضوع التعين و خابرني فرحان ويگلي قبلوني زوزو و باچر اسوي فحوصات التعين و خلص .. لا تسوين غده اني اجيب ..
و اجه و اول مدخل حظني قوي .. و شالني و يفتر و صار ٧ سنين زواج ممسويه بيوم ...
و يحچي و يضحك ..
وچ الظاهر انتي صدك صايره علوية ..
هههههه اي ديربالك مني تره اشور ..
يمه الستار لا عيني اني خوش رجال .. مدامچ خوش مره ..
هااا يعني لازم اني همين ...
و اكلنه تخيلو جايبنه مشاوي .. كباب و تكه و معلاك و اكلنا الحمدلله و زاد و شربنه چاي و نام هو و الجهال ..
و اني گعدت انظف و اتذكرة فرحتي بالقبول ..
من طلعت القبولات و طلعلي تربية رياضيات و اول يوم دوام دا اروح اقدم اوراقي ..
اجتي ويايه جيرانه القدامه بذاك البيت ام زهراء ..
و دا اقدم .. انطيت اوراقي ..
و اسمع صوت للموت ما انساه و اصلاً ما اگدر انساه ... بلا زحمة ممكن تنطيني مجال اريد اقدم اوراقي و اندار و اشوفه .............

و للقصة مفاجاءة غريبة