مشاعر

الزوجة الصالحة

الفصل الثامن عشر

حبيبتي انتي لازم تبقين تحاولين وياه تره اني متاكدة منچ دتسوين كلشي ممكن الزوجة الصالحة تسويه .. بس اذا كله تسوي ابيدچ بس و بدون حب بداخلچ تره كلش يبين...
و الله نعومه ما ادري اني همين كلش تعبانه و متاذية و هواية مرات ابچي و دا ادعي كومة و ملتجئة الرب العباد لان اعرف بس هو الي يحلها اليه و حتى بديت اقره قران و احفظ بيه...
حياتي حفظ القران مهم بس العمل بيه اهم و لازم تثقين انو انتي حتتغيرين .. تره انتِ الي اختاريتي ابو طيب محد گلچ شئ عليه...
صحيح الله كريم محتاجة دعواتكم اليه كومة
ربي يسعدكم الخاطر اولادكم
و بقينه گاعدين للتسعة گلت الماما
ماما لازم اروح خطية ابو طيب يرجع و لازم اسويله عشة لان متغدة بالبيت
اي عيني روحي ديربالج عليه خوش ابو طيب
و كامت تفر بحلگه ...
و وصلنا حسين البيتنه و چان بعده ما واصل ابو طيب وصلت و سويت چلفراية للعشة و خليته على النار ديستوي و بدللت للجهال و سويت ممه السعودي و خليتهم كل واحد بفراشه و رجعت غسلت و بدلت و تعطرت و لبست بجاما جوزي نص ردن حافة الردن جلد النمر و البجاما نفس الحافة .. و اجه
الله يساعدك حبيبي
هله
خير يا عمري؟
سلامتچ
سويت الچلفراية الي تحبه من ايدي
هاااا بس حرامات اني متعشي
شعجب؟
متغديت و قبل ساعة اكلت لفه للعشة و الغده
هاااا الف عافية
شنو القصة اشو راجعة حنينه كلش
و الله حبيبي دا اني احاول اسوي كل الي يريحك و يرجعك تحبني مثل قبل
و منو گلچ اني بطلت احبچ
التصرفات هي الي دتگول انت ما بطلت تحبني انت قللت حبك الي
لا .. هاي اوهام اني بس الدنيا شوية شاغلتني ووضعنه و حياتنه
ربي يسهل و يرزقنه .. العافية درجات حبيبي و اهم شى الستر و السگف الي فوگانه منحير اب أجار
صحيح بس الانسان دومه يطمح للاحسن.. و ميعجبني فد يوم اشوف نظرة تحسر بعيونچ
تسلملي ربي يخليك اليه
زوزو اني عفت اهلي علمودچ و بعت سيارتي و اداينت كومة حتى ارضيچ و اطلع منهم
مو بس علمود ترضيني علمود المشاكل الي دتشوفه دتاذيني و بالتالي تأذيك مثلي
المهم .. سويت الي انتِ ردتي
صحيح و النعم منك و ربي يخليك النه
زين هسة ممكن اغسل
اي محضرتلك الحمام حبيبي
و راح فات غسل .. ظليت صافنه على كلامه صح بيه منيه بس حباب و بهدوء يا رب كون مدام اني بديت احاول اصلح حالي تصلح ويايه يا اللهي
و طلع من الحمام و رحنه الغرفتنه و اول مفتنه حضني
زوزه اني كلش احبچ و لوما احبچ مچان اتزوجتچ
ادري اعرف
و باسني حسيت كهربائية بجسمي اول مرة احسه و اتقرب اكثر و اكثر  و كملنه و خلص ...
بس هالمرة احساسي چان غير وياه...
و كمت غسلت و توضيت و رجعت صليت ركعتين شكر لله و دعيت و بچيت كالعادة و طلعت كعدت بالهول اگلب بالتلفون مقدرت انام ...
اجانه الاثنين الظهر اتغده يمنه و ظليت اسولف وياه راحوا ناموا الظهر بس ماما ظلت تغفي على القنفه ..
خالة روحي لفراشچ ليش كاسرة رگبتچ
لا اني منايمه دا اباوع المسلسل
هاااا خوش لعد براحتچ خالتي
اكلچ هيه صح منايمه اشو شخيره واصل السابع جار
ههههههه لك كافي حقير
لزم شعري و عرفتوا بعد عادته شنو
تدرين شگد احب شعرچ يمممممه اموت عليه
شنو ؟ تموت عليه لو على شعري
الصدگ !!! اثنينكم
مممممم مو خوش مفروض اني اكثر
اكلچ ديربالچ تسوين عركه فدوة الربچ
ههههههه لا عيني اتشاقة وياك هو احنه البارحة تصالحنه بس تمر ٢٤ ساعة عود احضرالك وحدة
صدك ؟ بشرفچ دخيل الله بلا زعل
هههههه احاول
تدرين اني احس حبچ يمشي وي دمي و احس من قلبي يدك يسوي زو زه زو زه زو زه
هههههههه يمه من السانك شكد ينگط عسل
تريدين تضوگيه
لااااااا بابا انت خبل و امي وين اوديه
هاي شبيچ ليش راسا تصدگين
لا والله انت تذبه و تريد تشوف ردت فعلي
وچ لا تگولين هيچ .. ان بعض الظن أثم
اممممم خوش يلا استغفرلله .. انت حباب و وردة
اكيييييييد ... تدرين احنه ليش رغم زعلاتنه من بدينه نحب بعض لسه ليش بسرعة نتراضه ؟؟
اي عيني ليش يا فيلسوف عصرك ؟؟
هههه حقيرة ... لان متفاهمين بعيونه و بعقولنه و ارواحنه ملتقية دوم ..
خوش صحيح هاي اشهد الك بيه...
اتقرب عليه و لزم ايدي اثنينهم و قربهم يم شفايفة و يبوس بوسات خفيفة
احبچ زوزاية كلش فوگ متصورين و الله .. اريدچ توعدين وعد ..؟؟
اي ادلل ... غير تريد ابقه احبك .. اعرف اعرف
لاااا مو هيچ .. اريد اذا صار عليه شئ امانة الله متلبسين اسود
و خليت ايدي اليمين على حلگه راسا
اسم الله اوي ليش هيچ تكول ؟؟
يابه حچايت التنگال هاي شبيچ
و اتقرب اكثر زوزاية مدا اتحمل اشوف هالحلگ الحلو و ما ابوسه صار قريب عن وجهي كلش
تريدون اسويلكم چاي
شنو
شنو
اثنينه كلنناها من الفزة و خربنه ضحك ههههههه
لا خالة حروح اني ارجع الشغلي
اي يمه احسلك ارجع الشغلك حتى بسرعة تاخذه البيتك
ههههههه حاضر عمه تدللين...

و للقصة سكوت صعب بعده اي كلام