مشاعر

زوجي تغير

الفصل الثلاثون

و هو ديلبسني حسيته ديكص اصبعي و بالگوة لزمت روحي لا اعيط گمت اني انطيه الذهب ديلبسني ..
بس الغريب بالحفلة مرة ابوه ما اجتي .. و الله شنو عود مريضة ..بس قلبي ما صدك ..
و بعد ما انتبهت ماكو احد يمه لا امه و لا مرة ابوه و لا عمتي ام احمد الي هيه خالته الوحيدة ما گدرت تجي من قهره على ابنه و اتعذرت منه.. انقهرت عليه كلش .. و گلت بيني و بين نفسي
يا رب ساعدني اكون اله الزوجة و الحبيبه و الام مع انو محد يصير مكان احد .. بس قررت احاول ..
و اجه ابو طيب .. و صار اله شهرين يداوم .. و مرتاح الحمدلله
شلونچ زوزاية ؟؟
الحمدلله عيني انت ..
لعد شبيه وجهج مخطوف ..
تعرف حبيبي المرض النسائي ..
الله يعينچ .. زين ممكن تروحين تحضريلي الحمام ..
اي هسة .. و بيني و بين نفسي ( يعني ما تگدر تروح اتخلي الطاسة و تحضر هدومك .. بس يلا على الاقل طلبهم ابادب )
اجيت للمطبخ ..گلي روحي للغرفة عدي شغلة وياچ ..
اخذت سعودي گال لا عوفي ...
عفته بحجلته و رحت ..
اجاني مسويلي چيس مي حار ..
و اني عيوني هيچ صارت 😨 معقولة هذا شبيه ..؟
هاچ قلبي هذا الچيس و هذا كوب النومي بصرة ..
تسلم حبيبي ليش تعبت نفسك اني هسة اسوي الروحي
و بيني و بين نفسي ( لا ممعقولة هذا شبيه الرجال .. يا ربي تخبل لو اجته الحاله ) ...
و كلي نامي و ارتاحي حبقه يم سعودي لحد ميصير موعد المحل
بس مو خطية انت تعبان ..
فدوة حبيبتي هو بس مرة بالشهر .. قابل يومية .. مو انتي شايلتني و شايله جهالي بعد شريد...؟
هاااا اي صح!!!!!!!!!! .. رحم الله والديك ربي ميحرمنه منك..
و صدك نمت و لا حسيت على نفسي الى ان فزيت واحد يباوع عليه ...
شلون صرتي حبيبتي ؟؟
( ظليت افتح بعيوني و اسدهم و بدون وعي گتله )
و الله عبالي حلم ...
ههههههه هاي اني شگد محظوظ لعد الي تحلمين بيه و اني يمچ ..
ههههههه صار موعد المحل ؟
اي حبيبتي .. هسة مگتيلي شلونچ ؟
زينه حبيبي
الله هاي الكلمة هواية احلى من عيني
ههههههه خوش لعد حبيبي حبيبي حبيبي
يبووو عليك ابو طيب شگد داعيتلك امك
هههههه دروح عاد راح تتاخر على الولد خطية
اي صحيح ديربالچ على نفسچ و اني راح اعزل من وكت و اجيب العشة ويايه ..
هاااا اي خوش رحم الله والديك ..
بس ؟؟
هههههه رحم الله والديك حبيبي
هههههه اي عفية و هو المطلوب
و راح ابو طيب و اني صافنه صفنت ابو صابر حشاكم هههههه ربي يهدي ..
و گمت و بوضعي سجدت الربي ..
الحمدلله و الشكرلله يا رب على كل نعمك .. صدك بيدك الهداية ربي ديمه نعمه و احفظه من الزوال ...
و مرت الايام و كل يوم يزيد ويايه ابو طيب بخيره و فعله ..
و فديوم اجاني هو الجمعة ميفتح المحل من تعين گام يعتبره راحه اله و للعامل ..
اكلچ زوزو انطيني سعودي و طيب اريد اطلعهم
زين و اني ..
هذا اليوم الچ بكيفچ شتريدين تسوين سوي
شنو 😨😨😨 ؟؟؟ اي خوش .. بس خاف يعذبوك ..
لا يمعودة قابل شيسون حروح البيت اهلي و افرفرهم شوية و نجي ..
بس عمري اذا ردتي تطلعين گوليلي
هسة ابدللهم حاضر ..
و بدلتلهم و راحوا ..
سويت فنجان قهوة و صعدت بالسطح ..
اليوم السما صافية مثل قلبي .. الله يا سماية شگد حلوة .. يا رب السعادة الكل خلقك و اني منهم
و رجعت بفكري لايام الخطوبة ...
و بدة يبين انمار على حقيقته بخيل بالفلوس و المشاعر ووضعي محتاج كل المشاعر اكثر من الفلوس و مر شهرين و ماكو لا كلمة حلوة و لا طلعة و لا هدية و لا كلشي ..
بس من يريد يلزم ايد لو يبوس يصير كلامه عسل ..
حسيته حيوان تمشي رغبته و اني لا شئ و رجعت اتعب و افكر اب احمد و احچي عليه ..
و كلت الامي : اريد افسخ ..
انتِ كل عقلچ شنو ابن العالم لعبه ..
يمه كلشي ماكو اي مشاعر و حب ماكو كلشي مدا الگه منه ..
عيني ام الحب اشو اني متت على ابوچ و بالخطوبة اول مرة اشوفه ..كافي اذيتينه موتينه انتِ ..
كولي اتحمل الخاطرهم .. كل المشايخ و السادة تگول راحتچ بالزواج .. و هذا من عدنه و بينه و يعرف وضعنه انتكستي .. صار اي شئ و رجعتي لوضعچ ها منو يتحملچ غيره فهميني ؟
اه امي محد ديحس بالنار الي جواية ..
يمه هاي النار انتِ الي دا اتعلگيه يومية و تزيديه حطب .. يمه اني مدايمتلچ و اخوچ هسة مرته حامل بتوم حيصيرون ثلاث جهال و خواتچ بقت بس نعمه و مخطوبة ..
وين تولين منو الچ ..
الرجال يجي بالمسايسة شغلي عقلچ و لا تصيرين مثلي بس قلبي و اكلته و للموت متروح من بالي ..
اه ماما اه .. احاول يا رب يعيني ..
هسة دكومي حيجي فد شوية يشوفچ تبچين ريحي روحچ يا اخر عنگودي اللولي ..
ههه حاضر ماما ..
و اجه انمار .. و دخلنا للصاله وحدنه و جبت عصير و اجيت گعدت يمه ..
هلا هلا بزوزايتي
و لزم ايدي .........

و للقصة موقف يستاهلوا اثنينهم.