مشاعر

وينك حبيبي ؟

الفصل التاسع عشر

و راح طلع و نزلت بسمة زوزو اني رايح البيت خالة ام زهراء..
ذولة جيرانه حايط على حايط و حبابين ..
بتهم بكد بسمة اختي فناس تروح على ناس بس كلش قليل اكثر شئ يحچون من الحايط
اي روحي شعليه بيچ ؟
مو اريد البس القميص الي لبستي البارحة مال جهازج
اي عادي البسيه بس ديربالچ عليه..تره هذا مال احمد يعني غير..
و راحت بعد ساعتين رجعت و صعدت فوك راساً اشو بس سلمت و ركض فوگ
بسمة هاي شبيچ ركضتي
لا ماكو شى ماما
جان تصيح زهراء من الحايط
خالة امي اتگول خلي اتجيبه القميص بسمة و هسة هي تصلحة
بسممممممممة شبيه قميصي ؟؟
ما بيه حبي بس من دا اطلع چلب ابابهم مال المطبخ و الله مو قصدي و ارعط
يعني مو كتلچ ديربالج عليه ليش هيچ...خربحظي
هسة اشتريلچ نفسه والله
يابه دروحي مو گتلچ من احمد و هو يحبه
ليش هيچ سويتي ؟؟
المهم فورت صرت نار
طبعا اني بالبيت كلشي ما اسوي ابوية دللني من رجع النه و بعده بقوا الكل على نفس المنوال...
بس خلو عليه اترس المي قبل لا يكطع و احط بالثلاجة و افتح الماطور ..
يعني مسؤولة عن المي...
فاني عصبيه و دا افور چانت بثمانية و ربع بالليل دا اخلي مي بالفريز و جان يدخل احمد
هلا بالحلو مالي شلونك حبي
اني انداريت عليه باوعته من فوگ ليجوة
هله
و رجعت اترس بالمي هو بقه واكف تقريبا ٥ دقايق
و اني بعدني منداره
ما اسمع الا رگعت الباب
ركضت وراه لا شعورياً لكيته صعد بالسيارة
احمد ماما تريدك
باوع عليه نظرة كلهه حزن و ملائمة و راساً شغل السيارة و راح...
انداريت لگيته ماكو كلت وي نفسي ( اي و شدعوة عليه زعل غير يسالني شبيچ ليش هيچ تحچين اشو هذا بعدنه مخطوبين و يزعل بسرعة )
ما شفت روحي شلونه هنته بنظرتي و بكلمتي السخيفه و هو داخل عليه بكل فرح و سعادة و راحة ...
المهم بقه يومين ما يجي علينه و اني اسمع هورن سيارته من يرجع البيتهم و اكابر و ما اطلع ..
اكول اني رحتله من طلع و هو عاند و مرجع ويايه للبيت .. يرجع هو عليه مثل كل مره
و طبعا البيت كله حس اكو شى بيني و بينه
بس محد ادخل لان يعرفوني راح اعاند بالزايد
و حتى دلو خطية تمر على بيتهم تشوفه و تجي تحجي كدامي و اني قلبي حجر..
و بيوم الخميس ١٩/٧/٢٠٠٦ بالعشرة بالليل اندكت باب البره قوي و راسا امي و خواتي و حسين و دلووو ..
اي هذا اكيد احمد اجه كومي افتحي الباب زوزو
اني كلش فرحت بجيته بس كلت الامي بصوت ناصي..
اني اريد انام ماما حصعد فوگ
صعدت اول درجة و بقيت واكفه اسمع شنو راح يكول شلون راح يسأل عليه و اني مشتاقة الصوته كلش
اكلك حسين احمد ما مر يمكم
ليش محمد ؟؟ لا ممر صار يومين و اليوم الثالث ما مر علينه خير شكو شبيه احمد؟
احمد من الظهر لسة اندگ عليه تلفونه مغلق
حسيت و الله و چن احد لزم قلبي بيده و عصره و كعدت راسا على نفس الدرجة و صافنه....

و للقصة الم ربي لا يشوفه الاحد