لا تتركني (الجزء الاول)

الفصل الثامن :

في مكتب سلمي ....

محمد : سلمي ... علشان خاطرى اديني فرصة
سلمي : امشي يا محمد و اعتبر انك ملاقتنيش
محمد : في يوم هتحتاجيلي يا سلمي
سلمي : و انا هحتاج لظابط ليه .. حد قالك بتسجن كتير
محمد : الايام هتثبتلك انك محتاجاني بجد في حياتك سلمي : ماشي انا هستني الايام .. و معلش اتفضل .. علشان انا ورايا شغل
محمد : لا
سلمي بعدم فهم : هو ايه اللي لا ...
محمد بمزاح : يقطعني لا هو انا مقلتلكيش
سلمي : لا مقلتليش ... خير في ايه تاني
محمد : انا جاي علشان حاجة كمان
سلمي بعدم فهم : اللي هي ايه
محمد : انا عاوز احجز اوضه عندكم واخد اجازة شهر من الشغل و هنزل هنا اغير جو
سلمي : نعم ؟؟ هتقعد فين يا بابا
محمد : هنا يا روحي
سلمي بغضب : اووووف متقوليش يا روحي
محمد : بتدايقك يا روحي طب ياروحي يا روحي ياروحي
سلمي بتأفف : محمد لو هتفضل هنا ياريت ملكش دعوة بيا و انا هنتجنبك خالص و مش عاوزة اشوف وشك .. و لو سمحت بطل تدايقني اكتر من كده و اتفضل روح شوف هتهبب ايه
محمد : ماشي ماشي بكرة تندمي
سلمي : مبندمش
تركها محمد و غادر الغرفة بإبتسامه و ذهب لموظف الاستقبالات ليحجز غرفته في حين انتطلقت سلمي كالسهم علي غرفة اسلام بالفندق و دقت الباب بقوة و ...
اسلام بعد ان فتح لها : ايه حيلك حيلك جيلك هتكسري الباب في ايه
سلمي بغضب : انت عملت كده ليه
اسلام : عملت ايه
سلمي : لا انت هتعملي فيها عبيط
اسلام بغضب : سلمي اظبطي كلامك كده في ايه
سلمي : انت كلمت محمد ليه
اسلام : محمد ؟! و الله ما حصل و انا هكلمه ليه
سلمي : علشان ييجي يحرق دمي
اسلام : و انا ايه مصلحتي في كده
سلمي : مصصصصلحتك .... نش عارفة الصراحة
اسلام : شوفتي بقي يا هبلة انا مالي اكلمه ايه اصلا
سلمي : امال هو جالي ليه ماهو اكيد مش من نفسه
اسلام : هو جه هنا
سلمي : اها .. و عمل مشكلة مع موظف الاستقبال علشان مرداش يدخله ليا
اسلام : ممممو قالك ايه بقي
سلمي : قالي عاوز يرجعلي
اسلام : هاااايل و انتي طبعا رديتي زي الدبش يا دبشة صح
سلمي : اها طبعا قلتلو لا هو انت عاوزني ارجعله بعد اللي عمله فيا هو و امه ولا ايه
اسلام : انتي عارفة ان امه كانت مسيطرة عليه يا سلمي و اديها ماتت و ارتحنا
سلمي : لا يا اسلام مستحيل انا عندي كرامه لا لا لا
اسلام : خلاص براحتك انا مالي
سلمي : ماشب انا نازلة علشان عندى شغل

مشت مسافة قصيرة ثم رجعت له مسرعة قبل ان يغلق الباب و ...
سلمي : صحيح نسيت اقلك
اسلام : ايه
سلمي : هيقعد هنا شهر كامل
اسلام : هنا في شرم عامة ولا في الفندق هنا
سلمي : لا للأسف فوق دماغي في الفندق علشان كل يوم اشزفه قدامي و اتنرفز
اسلام : انتي متنرفزة خلقة اصلا مش محتاجة
سلمي بحدة : تصدق انا زبالة اني اتكلم معاك .. سلام

عند يارا و خالد ....
يارا : انا بجد زهقت اوى
خالد : خلاص استحملي كلها بكرة و نرجع الفندق
يارا : لا بجد مش مستحمله الجو خالص
خالد : خلاص رزحي اقعدي شوية في التكييف في الاتوبيس علي ما السياح يخلصو غدا و نطلع علي ابو سمبل
يارا : ماشي

بعد مرور اليومين بلا جديد غير ان طاقم عمل اسلام قد وصل و باشرو البناء و محمد يلقي السلام علي سلمي كلما يراها و هذا يسبب غضب سلمي فتنهره و اما الان فيارا و خالد و الوفد في طريقهم لمطار شرم الشيخ ليوصلو الوفد الي طائرتهم و يعودو الي الفندق بعد انتهائهم و ....
يارا : انا حاسة اني بقالي سنة منمتش مش مصظقة ان احنا وصلنا بجد
خالد : يلا حمد لله علي سلامتنا ما شاء الله محدش جه يستقبلنا حتي 😂
يارا : بيعشقونا عشق فظيع
و حينها كان محمد يخرج من باب الفندق و يارا تدلف الي الداخل فوقفوا و..
يارا بصدمة : محمد ؟ انت ايه اللي جابك هنا
محمد : و انتي ايه اللي جابك هنا
يارا : سلمي عارفة انك هنا
محمد : اها عارفة
يارا : طااايب

ثم ذهبت و ذهب ورائها خالد و اوقفها عند مدخل الفندق و ...
خالد : نين دي يا يارا
يارا : ده .... ده .. ده واحد معرفه سابقة استغربت لما شفتو هنا
خالد : اها ماشي
يارا : ماشي انا هروح اشوف سلمي
خالد : هو انتي ممكن تخرجي معايا بالليل
يارا : اخرج معاك ؟
خالد : اها في موضوع مهم عاوزك فيه
يارا : موضوع ايه
خالد : هقلك بالليل
يارا : ماشي يا خالد

ثم تركته و ذهبت لمكتب سلمي و بعد انا طرقت الباب و فتجت لها سلمي و بعد ترحيب حاد بين الصدقتين جلستا علي الاريكة و ...
يارا : انا شفت محمد
سلمي : دي بلوة و اتحدفت عليا يا يارا و الله
يارا : ده ايه اللي جابه ده
سلمي : عاوز يرجعلي
يارا : اييييه ؟ عاوز ايه
سلمي : يرجعلي
يارا : و ده مامته عارفاه و لا من وراها
سلمي : مامته ماتت
يارا : و هو طبعا ما صدق 😂
سلمي : اها كانت متحكمه فيه و طابقة علي نفسه يلا بقي الله يرحمها
يارا : طب ما ترجعيله يا سلمي
سلمي : بلاش اقوم اضربك يا يارا و انتي لسة جاية من رحلة طويلة و تعبانة ....