لا تتركني (الجزء الاول)

الفصل الرابع :

في مكتب سلمي وقفت يارا لتحادث خالد و...
يارا : احم .. حضرتك اكيد عاوز سلمي
خالد : اها انا فعلا عاوزها ... بس مين حضرتك انا اول مرة اشوفك
يارا : انا كمان اول مرة اشوف حضرتك ..بس علي العموم انا يارا صبحي لسة جديدة هنا هشتغل tour guide
خالد : هو حضرتك بقا اللي طالعة مع الفوج السياحي انهردة
يارا : اها بالظبط كده
خالد : مممم سلمي كانت كلمتني علشان اطلع معاكي علشان مش هينفع تعملي معسكر مع الوفد السياحي لوحدك ... اها نسيت اعرفك علي نفسي انا خالد سيف الدين ... ثم اكمل و هو يمد يده لها ليصافحها : فرصة سعيدة .. و الله تشرفت بمعرفتك 
مدت يارا يدها لتستقبل سلامه و ابتسمت و...
يارا بإبتسامه : انا اسعد
في هذا الوقت دخلت سلمي و ظلت صامته حتي شرح لها خالد الموقف قائلا : انا جيت علشان اقلك الوفد هيوصل بعد ساعة الا تلت و ملاقتكيش .. بس اتعرفت علي الاستاذة يارا و عرفتها ان انا هطلع معها
سلمي : اها انا فعلا نسيت خالص اقلك يا يارا sorry
يارا : لا عادى يا سلمي ... احم .. و مافيش داعي تقولي استاذة يارا خليها يارا بس انا مش بحب الالقاب و اسمحلي اقول لحضرتك خالد اصل مبحبش كلمه استاذ خالص
خالد بإبتسامة : يبقي افضل ... احنا لازم نركب الاتوبيس علشان نستقبل الوفد و نطلع علي طول
يارا و هي تجلب حقيبتها : ماشي يلا
سلمي : طيب يا يويو طمنيني عليكي
يارا و هي تسلم علي سلمي : ماشي يلا باي

عند احدى الطاولات بالفندق اتي احد العمال ليصتحب اسلام الي موقع البناء كما امرته سلمي فذهب معه ليعاين المكان

ذهبت يارا مع خالد لاستقبال الوفد و جلسو في الاتوبيس لانتظارهم و ...
خالد محاولا كسر حاجز الصمت : احم .. هو انتي كنتي شغاله فين قبل ما تيجي هنا
يارا : الحقيقة دي اول مرة اشتغل فيها
خالد : انا كنت في فندق في الغردقة بس جيب هنا من سنتين بس ... اسمحيلي اسال السؤال ده معلش لو في تطفل بس هو حضرتك مرتبطة
يارا : لا
خالد : احم ...هو انتي من هنا 
يارا : لا... انا من الفيوم
خالد : و ازاى اهلك سمحولك انك تبعدي عنهم
يارا : انا مامتي متوفية من و انا صغيرة و اخويا توفي بعدها ب 3 سنين و بابايا توفي من شهرين
خالد بحزن : البقاء لله انا اسف جدا اني فكرتك .. معلش مكنتش اعرف
يارا : حياتك الباقية ... لا عادى ولا يهمك
ظل ينظر لها بإبتسامة بلهاء .... لا يعرف ماذا حدث له عندما نظر اليها فقاطعت شروده هي و ...
يارا : احم.. هو في حاجة .. انت بتبصلي كده ليه
خالد بإحراج : معلش سرحت
يارا : طب هو الفوج هيوصل امتي
خالد و هو ينظر لساعتها : المفروض يكون وصل ... هتصل بمعتز اشوف في ايه
يارا : مين معتز
خالد : معتز هشام .. هو المسؤال يوصل الفوج من مطار شرم الشيخ  لحد الاتوبيس هنا و هو صاحبي من زمان  ... هكلمه اشوف في ايه
اثناء المحادثة بين معتز و خالد ..
خالد : ايوم يا معتز الفوج موصلش ليه
معتز : اتاخرنا في استلام الشنط .. لسة عشر دقايق و نوصل عندك
خالد : طيب ماشي في انتظارك
معتز : ماشي سلام

بعد انتهاء المكالمة نظر خالد ليارا بإبتسامة و ..
خالد : عشر دقايق و هيبقو هنا .. اتأخروا في استلام الشنط بس مش اكتر
يارا : مممم تمام
خالد : انتي عارفة program الرحلة
يارا : اها سلمي قالتلي هنروح المناطق السياحية اللي هنا و بعدين نطلع علي الاقصر و نعمل معسكر 3 ايام و نرجع
  خالد : ممم بالنسبة للمناطق السياحية في شرم هنروح
‪Ras Mohamed National Park و بعدين نطلع علي Tiran island و بعدين نفرجهم علي النافورة الرتقصة و بعدين علي الكنيسة القبطية و بعدين مسجد المصطفي بس كده في شرم .. و بعدين هنروح الاقصر نزور كل المعابد هناك ده غير المعسكر هتتبسطي فيه اوى
يارا : انا عارفة كل المعابد اللي في الاقصر و المحميات و الجزر اللي في شرم الشيخ درستها في الجامعة
خالد : اهااا انتي خريجة سنة كام
يارا : انا 2013 و انت
خالد : انا 2010 ... انتي كام سنة علي كده
يارا : هتم 25 الشهر ده
خالد : انا اكبر منك بسنتين
ثم نظر بجانبه رأي الفوج يهبط من الاتوبيس الذي اوصلهم من مطار شرم الشيخ  الي هنا ثم صعدوا واحدا تلو الاخر الي الاتوبيس الذي سيذهبوا به الي رحلتهم الشيقة .

في احدي السجون بمنطقة ما في القاهرة كان يجلس زائرا ما مع احد المسجونين و ...
المسجون : انت بتقول ايه يا فتحي اسلام نزل مصر
فتحي ( الزائر ): ايوه و الله وصلتلي معلومات انهردة انه نزل مطار اسكندرية و جاتله واحدة و خادتو علي فندق في شرم الشيخ يا اشرف بيه
اشرف ( المسجون ) : هو اللي نزل لقضاه ... عاوزك تقولي كل تحركاته و انا كلها شهر و خارج له و ان كان هرب مني في المرة الاولانية  فمش هيعرف يفلت المرة التانية من ايدي هخلص عليه و محدش هيعرفله طريق 
فتحى بمكر : ربنا يفك كربك يا اشرف بيه  و ينولك اللي في بالك
اشرف بتوعد : انا هدوقة مرارة اللي عمله فيا و فضحني و دخلني السجن و مش كفاية ان قتلتله خطيبته انا هدمراللي بقيله في حياته