لا تتركني (الجزء الاول)

الفصل السابع :

اثناء مكالمة اسلام مع عمرو ...

اسلام : بقلك يارا طلعت في شرم يا عمرو
عمرو : ايييه ؟ ايه البي جابها شرم دي
اسلام : جت تشتغل tour guide في شركة سلمي عاصم
عمرو : حاجة غريبة باباها ازاى وافق علي حاجة زي دي ده كان رافض انها تشتغل .. دلوقتي وافق انها تشتغل و كمان في محافظة تانية خالص
اسلام : باباها توفي و هي جت شرم
عمرو بأسف : لا حول ولا قوة الا بالله .. الله يرحمه .. دي اكيد متدمرة علي الاخر دي كانت روحها فيه
اسلام : ماهي سلمي بتقول ان حالتها وحشة
عمرو : ثانية .. ثانية احنا الكلام خدنا و نسينا المصيبة .. يارا في شرم يعني ممكن تتقابلوا
اسلام : يارب
عمرو بعدم فهم : يارب .. يارب ايه ؟
اسلام : يارب اقابلها
عمرو : اقسم بالله انا هتشل
اسلام : ليه بس
عمرو : ليه بس ايه .. انت مش كنت مش عاوز تنزل مصر علشان خاطر ماشوفهاش دلوقتي تقولي يارب اقابلها .. و بعدين تقابلها هتقولها ايه .. ولا انت ناوي تقولها الحقيقة
اسلام : الحقيقة ... انا .. الصراحة .. هو .. يعني
عمرو بنفاذ صبر : ما تنطق يلاااا في ايه
اسلام : انا قلت لسلمي علي كل حاجة امال انت فاكر اني عرف ازاى
عمرو : اشتمك دلوقتي يا اسلام ليه قولتلها
اسلام : كده احسن حسيت ان كان في حمل كبير علي قلبي و انزاح و بعدين دي كانت بتأنبني في الراحة و الجاية و انا زهت
عمرو : فكك من كل الحوارات دي انت رحت شرم علشان تشوف الشغل مش تقعد تحكي مع سلمي
اسلام : ماشي خلينا في المفيد .. طاقم العمل هيوصل امتي
عمرو : هيركبو الجمعة بالليل يعني هيكونو عندك السبت الصبح
اسلام : ممم طااايب كده تمام
 عمرو : انا احتمال انزل بعد اسبوع كده ولا حاجة علشان مصر وحشتني اوى و متقلقش هظبط الامور قبل ما انزل
اسلام : ماشي يا مورا انا هنزل اتمشي تحت بقي شوية
عمرو : اشطاا ... سلام
اسلام : سلام

عند موظف الاستقبال بالفندق و قف احد الاشخاص يتنازع مع الموظف و....
موظف الاستقبال : لا يا فندم معلش مش هتقدر تدخل لأستاذة سلمي مينفعش طول ما حضرتك معاكش معاد منها شخصيا
الشخص بصوت مرتفع و حاد : ايه اللي انت بتقولي بقلك لازم اخشلها دلوقتي حالا ...
مزظف الاستقبال : ماليش دعوه حضرتك دي اوامر

خرجت سلمي من مكتبها علي صوت النزاع و ....
سلمي بصدمة : محمد .. انت جاي هنا ليه
الشخص ( محمد ): انا عاوزك في كلمتين يا سلمي
سلمي بنرفزة : مينفعش تعمل اللي بتعمله ده انت كده بتقلق راحت النزلاء
محمد : يوووه بقلك عاوزك في كلمتين لوحدنا
سلمي : طب اتفضل نتكلم في مكتبي خلينا نشوف اخرتها

ثم ذهبت سلمي معه الي مكتبها و جلسو و ....
 محمد : مش هترجعيلى؟
سلمي : انا شفت منك ايه حلو علشان ارجعلك
 محمد : بس انا متاكد انك بتحبينى
سلمي : اللى كنت بتعملة فيا قتل حبك جوايا
محمد : يعنى خلاص كرهتينى كده!
سلمى : الكرة شعور فانا مابقتش بحس بنحيتك باى حاجة
محمد : ياعنى ايه الكلام ده
 سلمي : يعنى انت بقيت ولاحاجة بانسبالى
محمد : طب انا لسة بحبك ازاى هنساكى !!انا مش مصدق القسوة اللى انتى فيها !!
سلمي : القسوة اللى انا فيها دى بسببك !!انت عارف ان مكنش فية اطيب منى معاك
محمد : انا حاسس انى بكلم وحدة تانية خالص !ايه اللى غيرك
 سلمي :هههههههههه معلش ربنا يكفيك شر الطيبة لما تجييب اخرها
محمد : طب وكل اللى بينا نسيتية ف ثوانى!!
سلمي : اه عادى اصل كان بنسبة 95فى 100نكد وهم وعياط وحرقة دم وانا قررت انى اعرف قيمة نفسى يعنى ومزعلهاش تانى
 محمد :مستحيل تنسى اللى كان انا عارف انك مش هتقدرى!!
سلمي :لا هقدر لانى ببساطة مسحت كل حاجة تربطنى بيك
محمد : بس بردو هفضل فى قلبك !!
سلمي : لا عملتلة عملية تنضيف وشلت منة كل اللى مايستهلش علشان افضى مكان للى يستاهل!!
 محمد : طب ايه مبقيتش باجى ع بالك حتى !
سلمي : اه ولله سعات كده بس بتف ع شمالى 3مرات واستعيز بالله من الشيطان الرجيم😊
 محمد : هى وصلت ل كد يا سلمي !!!
سلمي : وهتخلص على كده يا محمد .. و اتفضل روح مطرح ما جيت علشان انا ورايا شغل و ياريت مشفش وشك تاني
محمد : حرام عليكي بجد انتي مش فاكرالي اي حاجة حلوة عملتهالك
سلمي : لا مش فاكرة بعيد عندك جالي زهايمر
محمد : يا سلمي متعمليش فيا كده
سلمي : و انت عملت فيا كده ليه
محمد : انا اسف يا سلمي ... انا عاوز ارجعلك انا اسف .. انا اتغيرت و انت كيد شوفتي بنفسك و انتي عارفة ان محمد القديم عمره ما كان هيقعد ولا يقول اللي انا قلته
سلمي : مش قادرة اصدقك
محمد : متأكد انك بتحبيني
سلمي : متأكده ليه
محمد : علشان متجوزتيش بعدي
سلمي : علشان كرهت كل صنف الرجاله ... عقبالك
محمد : سلمي ... علشان خاطرى اديني فرصة
سلمي : امشي يا محمد و اعتبر انك ملاقتنيش
محمد : في يوم هتحتاجيلي يا سلمي
سلمي : و انا هحتاج لظابط ليه .. حد قالك بتسجن كتير
محمد : الايام هتثبتلك انك محتاجاني بجد في حياتك سلمي : ماشي انا هستني الايام .. و معلش اتفضل من غير مطرود ..