لا تتركني (الجزء الاول)

الفصل الرابع عشر :

اثناء مكالمة اسلام و عمرو ...

عمرو : مش هاضم الحكاية دي
اسلام : ولا انا.. مش حاسس في عنيها انها بتحبه
عمرو : ممم بس خلاص ولا يهمك متزعلش يا عم
اسلام : مكنتش متوقع اني لما اقابلها تكون ضاعت مني خلاص يا عمرو
عمرو : اعتبر انك مشوفتهاش ... انساها
اسلام : كان زماني نسيتها
عمرو :  بص انا مش مقتنع انهم كانو فعلا هيتخطبوا .. حاسس ان الموضوع جديد علشان انت رجعت
اسلام : تفتكر
عمرو : ايوه
اسلام : طاايب سلام لحسن سبت العمال تحت و طلعت علشان كنت متعصب
عمرو : ماشي سلام

كان محمد يتمشي بالفندق حين رأي اسلام قادم نحو بوابة الفندق فوقف و انتظر حتي اتي و...
محمد بحفاوة و هو يسلم علي اسلام : ازيك يا اسلام ليك واحشة يا راجل
اسلام بمزاح : انا موجود و الله بس انت اللي مطنشني
محمد : لا يا عم هو انا اقدر ... انا شفت يارا امبارح الصبح .. ايه انتو رجعتو لبعض
اسلام بإبتسامة مكسورة : لا يارا خجوبتها يوم الخميس
محمد بإندهاش : يا راجل .. مع مين ؟
اسلام : مع واحد زميلها اسمه خالد
محمد بإستغراب : غريبة بس علي حسب علمي يارا لسة جاية شرم من اسبوع بس يعني لحقو ايه السرعة دي
اسلام : تصدق فعلا .. ايه ده احنا في عصر السرعة يا راجل
محمد : و النبي انا عاوز دعاك معايا علشان اعرف ارجع لسلمي
اسلام : في ايه يا حضرت الظابط .. احنا هنضعف ولا ايه
محمد : عمر الحب ما كان ضعف
اسلام : يا سلاااام علي الحكم ... بص يا اسطاا لو عاوز ترجع لسلمي اقنع يارا بالحوار 😂
محمد : لا و الله
اسلام : اها جرب و هتدعيلي
محمد : ماشي نجرب مش خسرانين حاجة
اسلام : ماشي يا محمد انا رايح بقي الموقع لحسن عندى شغل
محمد : موقع ... موقع ايه ؟!
اسلام : موقع بناء المنتجع الجديد ... انا المهندس المسؤل عن تصميمه
محمد : طاايب كويس عاوزين شغل حلو بقي مش اي كلام
اسلام : طااايب من عنيا

ثم غادر المكان و هو لازال يفكر بما قاله محمد كيف لم يخطر علي باله هذا ... و كيف وف يخطبون بهذة السرعة .. لا يفهم ماذا يدور من حوله

جلست يارا و خالد في مكتب سلمي بعد ان حكوا لها ما حدث و بدا كل من خالد و سلمي باختيار مستلزمات الخطبة و هي شاردة البال تفكر به .. لقد حطمت قلبه و قلبها معه .. هي انتظرت كل تلك المدة ليكي تتزوج بغيره ايضا ... ايعقل هذا ..هي لازالت تحبه و نظراته لها تأكد لها انه لازال يحبها .. و لطن خالد ليس له ذنب في ان تتوقف عن الخطبة الان .. لن تحطم قلبه ... فهي تعلم كم يؤلم هذا الشعور بالوحدة و كسرة القلب

اثناء كلامهم سويا هاتف اسلام سلمي و ...
سلمي : الو
اسلام : الو ايوه يا سلمي .. ممكن تيجيلي علي موقع البناء
سلمي : مممم ماشي يا اسلام جاية اهو
و بعد ان اغلقت ...
يارا : اسلام اللي كان بيكلمك
خالد : عاوز ايه الاستاذ
سلمي : عاوزني اروحله علي الموقع
يارا : طيب يا سلمي ... روحي شوفي عاوز ايه
سلمي و هي تأخذ حقيبتها : ماشي يا جماعة مش هتأخر لو عاوزين تروحو تتمشوا شويا اوك لغاية ما اجي علشان نشوف باقي تفاصيل القاعة
خالد : ماشي .. هنروح علي الswimming pool

ذهبت سلمي و اغلقت الباب و رائها و استقلت سيارتها حتي موقع البناء و....
سلمي : اسلام
اسلام : ايه اللي بيحصل ده يا سلمي
سلمي : في ايه
اسلام : انتي فاهمة كويس
سلمي : لا و الله مش عارفة بتتكلم عن ايه
اسلام : ايه علاقة يارا و خالد
سلمي : عادى هيتخطبوا يوم الخميس
اسلام : و ده مش حاجة غريبة حبتين
سلمي : ازاى
اسلام : انتي قولتي ان يارا جاية هنا في نفس اليوم اللي انا جيت فيه ... يعني مكملتش اسبوع ... في ايه بقي لحقوا يتعرفو و في ايه الخطوبة الخميس
سلمي : و الله ده مش ذمبي ... بس يعني فعلا هي كل حاجة مشيت بسرعة
اسلام : هي بتحبه
سلمي : مش هكدب عليك ... لا هي مبتحبهوش هو عندها في الfriendzone
اسلام : بس هو شكلو بيحبها
سلمي : اها هو فعلا بيحبها
اسلام : انا قابلت محمد انهردة
سلمي بشرود : و قالك ايه .....