Eureia: The Undiscovered Planet

4. Epacs and Fifth

Chapter 4.

'Epacs and Fifth'

— Phoebe —

Mag-isa akong kumakain sa cafeteria dahil wala si Aether. Hindi ko alam kung anong ginagawa niya pero may kutob akong tungkol pa rin iyon sa pangha-hack niya sa blocker. Hanggang ngayon ay iniisip ko pa rin ang nag-iisang kuwarto na walang CCTV. Walang cameras sa bathroom, of course. But I know na may nag-iisa talagang kuwarto na walang CCTV. Kailangan ko iyong alamin.

"Phoebe!" Nag-angat ako ng tingin nang maghila si Eros ng upuan dito sa table ko.

"Yea?" I asked.

"Wala lang. Hindi mo yata kasama 'yong nerd? What's his name again, Aether?" tanong niya at tumango ako.

"Hindi ko alam kung nasaan siya. Why are you here, anyway?" tanong ko sa kanya.

"Wala naman. I know he's up to something. And you, too." Bigla akong nasamid dahil sa sinabi niya. Ino-obserbahan niya ba kami?

"Ano bang pinagsasabi mo?"

"Maaari ninyong ikapahamak ang mga ginagawa ninyo. May tamang oras para sa pagtakas," mahina niyang sabi upang walang makarinig sa pinag-uusapan namin.

"Wala kaming ginagawa." Tumayo na ako bago pa man humaba ang usapan namin ni Eros. Ngunit wala yata siyang balak na tantanan ako kaya nakasunod siya sa akin hanggang sa labas ng cafeteria.

"Phoebe, you need to listen to me," pagpupumilit niya pero hindi ko siya pinapansin.

"Ano ba— Ah!" halos mapatili ako nang matisod ako sa bato na hindi ko napansin kaya natumba ako sa lupa.

"Are you hurt? Good. Dadalhin kita sa clinic." Nagulat na lang ako nang binuhat ako ni Eros at nagmamadaling itinakbo sa clinic.

"What the hell, hindi pa ako mamamatay!" reklamo ko dahil nawi-weird-an na ako sa kanya. Ni wala nga akong galos dahil hindi naman gano'n ka-grabe ang pagkakatumba ko.

"Nurse! Nurse!" nasa labas pa lang kami ng clinic ay nagsisigaw na siya. Ang weird niya. Natatakot na ako sa kanya.

Sinalubong kami ng nurse at napangiwi siya nang makita si Eros. "Ikaw na naman, Mr. Fuentes?" pikon na sabi ng nurse.

"My friend's injured. Pakisuri naman ang paa niya. Natapilok siya, e," malambing niyang sabi.

Tinignan ako ng nurse. "Is that true?"

"Ha?" Hindi ko alam ang sasabihin.

"Ako ba pinagloloko ninyo? Bumalik na kayo sa mga kla—"

"Aray!" napasigaw ako nang kurutin ni Eros ang braso ko na hawak niya dahil buhat-buhat niya pa rin ako. What the hell is he doing?

"Kita mo na? Napapasigaw na siya sa sakit. Wala ba kayong gagawin?" seryosong sabi ni Eros ngunit alam kong umaarte lang siya. Ano bang nasa isip niya? Bakit ang hirap niyang basahin?

"Ipasok mo na siya sa loob," napipilitang sabi ng nurse at agad naman na pumasok si Eros. Inihiga niya ako sa isang ward at inayos ang kurtina na siyang nagsisilbing divider. Tumingala si Eros at nagpalinga-linga sa paligid. Napako ang tingin niya sa CCTV na nandito sa clinic. Hinawakan ko siya sa wrist.

"Anong plano mo?" seryosong tanong ko sa kanya.

"May kailangan lang akong makuha." Tanging sagot niya at hindi man lang nagbigay ng detalye. Hindi na ako muling nakapagtanong pa dahil dumating na ang nurse. Nilagyan niya lang ng bandage ang paa ko at tumayo na.

"I think she needs to stay here for quite long. Sasamahan ko siya," sabi ni Eros at napairap ang nurse.

"Gagawin mo na namang tambayan 'tong clinic. Bahala ka sa buhay mo!" Inis na naglakad palayo ang nurse. Grabe 'yong galit niya kay Eros. Parang sobrang nakukulitan na siya rito. Marahil ay laging nandito si Eros dahil nga sa may pinaplano ito. Napatingin ako sa kanya. Nakatitig ito sa CCTV at nandito lang ang focus niya.