جبنة في المصيدة

١

يويما ان شاء الله الساعة ٢ مساء
انتي عارفه يا مسوية انا امنيتي
اقرأ دفتر يومياتك داااا ، لا ونفسي اعرف ليه كاتبه علي الغلاف #جبنة_في_المصيدة !! ونفسي كمان اعرف الغلاف داا محتوي هموم و مشاكل و معاناة قدر شنو ،، عاينت ليها و ابتسمت ، قلت ليها :
طيب ممكن استأذنك تتفضلي براا و تقفلي لي الباب وراكي ، عشان حابه اكتب في هدوء ،، قالت لي شكراا علي التطردة ،، ابتسمت و ما رديت ، عارفين انا طلعتها برا غرفتي ليه ؟
عشان الليله قررتا افتح مذكرتي و احكي ليكم قصتي .. (متابعه ممتعمة/بقلم .. سحر سمير ) :) .........

يا نعمات انتي عارفه كويس انا ما برفض ليكي طلب لكن دا شغل و القوانين تشمل الكل ،،
__ انا ما طالبه منك حاجه صعبة ولا شي ما مقدور عليهو ، البت دي في خطر ،،
انا عارفه انها في خطر بس انتي عارفه العقوبه الممكن نتعرض ليها لو البت دي دخلت الدار و الفقر دي ما حترحمنا ، لحد اسي بتخصم من مرتبي و عقوبتي ما انتهت اتخيلي لو حات طابه علينا الصباح و لقت البت دي ممكن توريني حنتصرف كيف ؟
__ يعني يا عوضيه انتي دايراني اخلي بت في العمر دا براها انصاص الليالي !
استغفر الله العظيم و اتوب اليه ، يعني يا نعمة انتي شايفه في شنو في يدي انا ممكن اسويهوو ، براكي عارفه قوانين الدار
__ هو زاتو انحنا كان جينا للجد ، دار ايتلم ما دار مسنين ، و ما كل الموجودين هنا ديل معروف ليهم ولا اصل و فصل ، مافي دلعي داعي تختو قوانين صارمة زي دي ، البت لو رقدت جمب اي طفله ما حتزعجهم في شي لمن ندبر ليها مكان ، عشان خاطري لو فكرنا فيهاا بس مؤقتاً ..
خلاص رايك شنو تسوقيها معاكي البيت اساساً انتي ما عندك بنات و اكسبي فيها اجر
__ غريبه !!
الغريب شنو ؟؟
__ وواي يا عوضيه انا كيف ما خطر لي كدا في بالي !!
خلاص اذن كدا اتحلت
__ يا عوضيه انتي ناسيه ان دوامي بينتهي بكرة الضهر و اسي الساعه 11:30 بليل و انا وين و بيتي وين ، مافي حل غير تبيت هنا الليله و بكرة يحلها الحلال
شوفي ي نعمة انا بشتغل هنا ليل نهار و بكد الحجر كد ، عشان اطلع مصاريف اولادي و كفايه الجزة الختتا لي الفقر دي لي شهرين باخد مرتبي ناقص ، عليكي الله ما تجيبي لينا الكفوة ، البت دي اتدبسي فيها براك
__ جداً اكيد حأدبس فيها انا لان انا اللقيتا و مستحيل اجدعا في الشوارع انصاص الليالي
طيب شوفي اليس داك فيهو باقي العشا ختي ليها تاكل مسكينه بتكون ميته جوع ،،
__ هي زاتا قاعده تغفى فجاة وتقوم مخلوعه تبكي مسكينه والله محنناني م معروف اهلا وين ولا اسي بكونو بفتشو عليها ..
والله يا حليلا لكن هي ما صغيرة تقريبا عمرها عشرة سنوات كيف يعني حتي لو ضاعت اكيد بتكون متزكرة بيتهم وين
__ والله من لقيتا ما بتتكلم حتي بكاها بكا زول مغبون مافيهو صوت
كدي لاغيهاا ،،
__ بري ما بتتكلم والله
حلاتاااا لكن ماشاء الله ، كدي ارفعي بنطلون البجامه دااا
__ ياتا رجل ؟؟
ياخ دي اليمين عند الركبه
__ ووووااااااي ، احي يا قلبي ووواي يا عوضية ، انا كيف ما شفتهاا ، يا حرقة قلبي عليك يا بتي
وووين علبة الاسعافات حقت البنلت ؟
هدي لقيتااا
__ كدي اقيفي ددااا أثر حريق
عايني عايني السواد دا والجلد متأكل
وواي يا حليلهاا الله اعلم المرت بيهو شنوو
" جا دوري "
الخاله نعمة مسكت راسي و بتهز فيني ، لاني مريحه كداا و مغمضه زي نص نومة او نومة الغزال ديك ، بتقول لي اسمك منو انتي ؟
اسمك منووو ؟ الضربك ولا الحرقك كداا شنو يا بتي ردي علي ...... بس هما ما عارفين الحصل علي شنووو ،، عمري ما حأنسي التاريخ دا ولا اليوم دااا ، كان يوم 14/5/2004 ،، اي الكلام دا في 2004 و كان عمري تسعه سنوات ونص ، انا اتحدا اي وحدة متزكرة طفولتا قدري...
جاتني خاله عوضيه الله يجزيها خير بشنطة الاسعافلت عقمت لي مكان الجرح الفي ركبتي ، هه بس هما ما كانو عارفين انهم بعقمو لي في المكان الغلط ، الجرح مافي ركبتي ، الجرح متوسسسسط #قلبي ، قلبي البنزف ما ركبتي ، اتزكر لحد اللحظة دي جابو لي سندوتشات سلطه اسود ، م اكلتا حاجه ، كل الفيني دروخة و شبه اني حفقد عقلي ، ما كنت متزنة حاسه بعدم ثبات ..

االيوم داا ، اتزكر و انا قاعده جمب خاله نعمة في مسطبه عاليه في مكتبهم الفي الدار ، بعد عقمو لي غفيت في حضن خلله نعمة وهي مقعداني جمبها ، شالتني رقدتني في كنبه صغيرة ، و غطتني بالمصلايه متزكراها كمان لونا اخضرر ،،، و تاني م عارفه الحصل شنو !

تاني يوم تقريبا الضهر ، صحتني و غسلت لي وشي بي مووويه ، و ما فاهمه حاججه ولا عارفه شي ، كل القالتو اهاا يا عوضيه انا بتوكل بعد دا نتلاقاا بكرة ، قالت ليها تمام و في ميزان حسناتك ، و ماسكاني من يدي
طلعنا في حوش الدار انبهرتا بي كميه الشفع القاعدين يلعبو ، و هي جاراني من يدي و ماشين لمن طلعنا من الدارر ،
و مشينا مشوار و بعداك بقينا نزاحم في المواصلات ، لمن ركبنااا ، قعدت جمب الشمباك و قعدتني في رجولااا ، و تمسح لي في شعري و تتحسس ضفايري ، و تردد جم

لتا دي ( يا الله تلطف بيها ، يا الله ترعاها يا الله تيسرا علي وعليها ، يا الله تلطف بيها ياررب) و تتنهد مدددة ، زي الزول الشايل هم الدنيا دا جبل في راااسو ،، و انا طبيعتي سرحانه و مسهمه في اتجاه واحد ، بسمع بس اني اتكلم لااا ....

لمن وصلنا البيت ، و دخلنا من الحووش ،،
عندها شافع صغير ، قاليها يمة اتي جيتي ؟ قالت ليهو ايوة يا عبدالرحمن ، اخوك وين ؟
قاليها بيلعب بلي في الشارع ، قالت ليهو الغبي دا و مخليك براك في البيت ؟
قاليها انا كت نايم صحيت اسع دي ، قاليها يمة البت السمحه دي منوو ؟
قالت ليهو دي اختكم الجديده انتو مش كنتو دايرين ليكم اخت اهاا جبتها ،، قاليها و حتقعد معانا هنا و تاكل معانا ؟
قالت ليهوو ااااي ،، الولد بقا ينطط يا حليلو ، ساقتني جمب الحمام ،
جابت الطشت و صابونة اللوح و عبت الجردل و ملصت لي ملابسي , رغم اني كنت في عمر بيسمح لي اسوي كداا برااي ، بس الحصصل و ....... ' حتعرفو قدام '
قالت لبهو اجري عبودي حبيبي ، نادي لي اخوك دا الجو سموم بتجيهو ضربة شمس ، قاليها ثمح و جرااا
بقت تحمي فيني يا حليلا ، و تقول يا حليلك يا بتي ، خايفه عليكي من الدنيا ، يا ربي اهلك ووين و لا ساكنه وين واسي بفتشو عليكي ، اااااخ يا دنيا بالجد قاسيه شديد ، و منتبهه للحرقه الفي ركبتي عشان ما تجيب لي فيها موية ، حممتني تمام و مشت جابت البشكير بقت تنشف لي و .......

رجعنا للاستكانات 😂👋
...... يتبع ......