جبنة في المصيدة

20

بس حنان مسكت بتها من شعراا قالت ليهاا افهمي دا اخوكي مسسسسستحيل تحبيهوو دا اخووكي ود ابوكي،،، طبعا خالعه نعمة دي لمن قامت علي حيلاا و عبودي داااا بقي متصنم ،، و هي اتكلمت من غير وعي بعد ما قالت كلاما دا حتي انتبهت لي روحا هي قالت شنو ... خاله نعمة قالت ليها دا كلام يا نهلة ، بسم الله انتي جنيتي !!
ابو اولادك مش خليل ولا في شنو يانهله حاصل ، فهميني دا كلام شنوو ، و بعدين اولادي انتي عارفه ابوهم مقداد ما ميرغني ، ميرغني دا عمهم ، وانا لمن اتزوجتو كنت والدة حمزة و عبودي دا ياداب مولود ،، بس جرت بتها و دايرة تمرق ، وخاله نعمة خالتا تقطع القلب ، فهميني بتقوليها يا حنان ماشه وين تعالي فهميني عليكي الله ،،
حسيت الوضع داا ما بينفع يستمر دقيقه واحدة ، جريت علي باب الشارع و بقوتي رزعتو قفلتو ، ولاول مرة اعلي صوتي كداا ،، قلت ليهاا خاله نعمة بتتكلم معاكي ي حنان و اظن من حقهاا تلقي اجوبة علي اسألتها دي ،، قالت لي اناي يا بت الشوارع تتلمي و ما تدخلي ، قلت ليهاا حمدلله انا متلمية لكن الدور والباقي عليكي كل جنا عندك من زول ، اهااا ممكن توريني الما ملموم و ما محترم فينا منو ؟ ( قليل منكم حيفهمو انا ليه قصدت اسيئ ليهاا ، انا حاولت استفذها عشان تتكلم ديل اولاد منو بالضبط ، و من هنا حاله نعمة تلقي اجوبة علي اسألتها ) 

بس طبعاا الصوت هبشااا ، و بقت تنبذ فيني يا بت الكلب و يا بت الحرام و ياالي و يالي ...الخ ،، قلت ليها شكراا برضو ما حكون وصلت مرحلتك ، قالت لي انا ميرغني دا متزوجني علي سنة الله ورسوله وقسيمتي في الدولاب و انا متطلقه من خليل دا لي زمن ، ووو ... ' سكتت '
قلت ليها سكتي ، مالك ! لانك كذابه صح 
حمزة و عبدالرحمن ابوهم مقداد ، يبقي ما ترمي بلاويكي علي النااااس اذا ميرغني راجلك اذن لا عبدالرحمن لا حمزة ليهم علاقه انتي بس حزري بتك تبعد عنه من غير م تصلي مرحله زي دي ، عشان دي عقابه عند ربنا عسير و انتي ما قدر الحساب دااا ..
قالت لي انا ما قعد اكذب و دا السبب المخليني ماسكة ميرغني من يدو التوجعوو ،، قلت ليهاا كذاااااااابه ( حركة استفزاز عشان تنفعل و تحكي ) ،، البت قالت ليها يمة ، انتي ليه بتعملي كداا ، حرام عليكي تلعبي بمشاعرنا كداا ،، قالت ليها دي الحقيقه و عبدالرحمن بس هو اخوكي ، قلت للبت م تصدقي امك دي ،
قالت لي ليه م تصدقني ، ميرغني دا ايام كنا في البلد قبل وفاة مقداد في نفس اليوم مقداد كان راجع من السفر ، و ميرغني دا كان سكران ، و دخل علي نعمات دي و عمل عملتو ( حتقولو كيف يعني هي ما عارفه راجلاا و لا حتي لم ميرغني جا ما اتعرفت عليهوو ،،
حنشوف نعمات اذا حتتذكر ولالا ) 
و سكتت علي كداااا ... و جرت بتها وانا زحيت من الباب ، لقيت خاله نعمة في حاله كدا غريبه كأنو القالتو حنان دي صح بس سكتت و ما اتكلمت ،
و انا عاجزة شديد دا كل الحاساهو في اللحظة دي ،، طلعت من البيت مشيت بيت خاله نهله ، فتحت لي خدامتهم ، قلت ليها نادي خاله نهله ضروري .. 

دخلتني الصالون ، لمن جات خاله نهله .. 
قلت ليها انا اسفه جيت في زمن داا ، بس محتاجه مساعدة منك ،، قالت لي طوالي يا نداا ، قولي .. 
قلت ليها بدون تفاصيل عندنا مشكله مع ست البيت الانحنا فيهوو و انا حابه نطلع بس كنت حابه اتسلف منك مبلغ ، نأجر بيهو شقه و اعتبريهو دين واسحبي من راتبي ، قالت لي معقول يا ندااا ،، طيب لحظة 
مشت وجات لابسه اسدال الصلاه قالت لي تعالي ، و طلعت ثعاي خشم الباب و بقت تنادي يا عم عباس ، لمن جاا ، قالت ليهو عارف شقتي الفي ال(..) ، دا المفتاح وصلا هناك هي واهلها ... عاينت ليها بذهووول
المرة دي طينتا شنو يا ناس زول يفهمن ، ولا ليه هي بتعمل معاي كدااااااا !!!!!

استككانة☕~

يتبع ..........