من الهرشه لمن دموعي ديل نزلووو ، نزلت و قفلت الباب ، و جريت عديل في الشارع
مشيت زي ما وصف لي ، لقيت البيت زي ما وصف لي بدقه ، مكان زاتو هادئ و ما اي زول بسكن في المنطقه دي حسيتا منعزله .. عاينت ل الوحة لقيت الرقم 815 , و اصلا جوطة و الباب فاتح ( اتزكرت اول يوم لاقيت فيهو خاله نهله يوم المناسبه ، نفس الاحساس اتملكني )...
لقيت الباب فاتح ، دخلتا بتثاقل كداا و تردد
في احساس متملكني ما عادي بالجد حاسه بتقل و استسلام ورهبه وخوف حاجات مهما حاولتا اوصفا ليكم م حتقدرو تفهموني ..
كل زول كان مشغول بي اتجاه و دلوكة جايه من بعيد ( في البيت نفسه) ، قلت بسري يا ريت لو عندي جزو من فرحتكم دي ، بالجد قلبي واجعني لمجرد شوفة الناس دي مشغوله و فرحانه وعندهم مناسبه بقيت بضحك ضحك بي دموع عايزة افرح زيهم ، قلت خلاص افرح لي فرحتهم ،، لقيت الوضايه ، غسلت وشي و بقيت بفتش في المطبخ ، لمن لقيتوو دخلتاا بقلب مليان يا امي بقيت بنادي ، خالة نعمة ،، اتلفتت كانت جمب البتوجاز ، قالت لي ندااااا ( بخلعه)
انتي الجابك هنا شنووو ؟؟
قلت ليها جيت عشان اااااااا ، ااا ، قالت لي اااا شنو ، ومالك م مشيتي شغلك ، كلمتك 100 مرة محل شغلي م تجي ( بي جوطة كدا و وش اول مرة اشوفو ) قلت ليها براحه طيب انا جيت عشان ال ااااا ( نسيت المطبقه في عربيه محمد 💔) ، قلت ليها صراحه لقيت مطبقتك في الكنبة و قلت حتحتاجي ليها في الرجعه ، بس نسيتا في العربيه ،، قالت لي م مهم م مهم اطلعي بسرعه ارجعي البيت ، في زول شافك وانتي جايه ؟ قلت ليها لا ،، قالت لي ( حمدلله اطلعي يلاا ).. استغربتا فيها
،، بس للاسف قبل اطلع كان في صوت بنادي يااا نعمات يا نعمات ، والصوت م كان غريب علي نهائي ، بقيت واقفه كداا متصمغه ، ونعمة بتقول لي اطلعي اطلعي ، م رديت عليها لمن البتنادي يا نعمات جات داااخللله المطبخ ، و انحنا الاتنين وقفنا بذهول قدام بعض ، و كانت خاله نهله ، بصوت واحد قالت لي نداااا قلت ليها خاله نهله ،، في نفس اللحظة قلنا لبعض انتي الجابك هنا شنوو ؟ّ
قلت ليهاا جيت لامي ،، قالت لي امك ؟
قلت ليهو ايوة نعمات امي ،، خاله نهله قالت ليها يا نعمات انتي ما وريتينا انه عندك بت ، قالت ليها هه ما جات مناسبه والله ..
خاله نهله احتارت كداا ،، قالت لي الظاهر مقدر لي كل يوم اشوفك حتي لو بالصدفه يا ندا فعلا فقدتك اليوم ،، بس بتقولها وهي محتارة و بتعاين في نعمة ،،
نعمة تعاين لي و عايزاني امشي ب اي طرييقه و معرفتي بي نهله خلعتا شديد ،، المهم نهله قالت لي تعالي ،، نعمة قالت ليها لا هي حتمشي البيت قالت مستعجله ماشه الشغل ، صاحبة الشغل قالت ليها م تتاخري ،، خاله نهله وقفت كداااا مصدومة ، و انا زاتي زاتي استغربت في كلام نعمة كدا ورطت نفسها و م عارفه ان صلحيه الشغل عي زاتا نهلة ،،،، نهله قربت من نعمات ،، رجات وحدة داخله المطبخ تشبه خاله نهله شديد
المهم قربت منها ، و قالت ليها نعمات ، انتي مالك ؟ في شنوووو ؟؟ مالك بتكذبي
و ليه عايزة ندا تمشي ، قالت ليها لا والله فهمتيني غلط بس زي ما قلت ليكي الشغل وكداااا ،،، الجات داخله المطبخ ، قالت ليها يا نهلة مالك مع نعمات ؟؟ يا نعمات كم كيس شعيريه بيكفو ؟؟ نهله قالت ليها يا نهي اسكتي لحظة لو سمحتي ....
وخاله نهله قربت من نعمة شديد قالت ليها انتي عندك شنوو داساهو ؟؟ لانه الشي الانتي ما عارفاهو ان انا صاحبه الشغل البتشتغل فيهو نداا و عندي علم ان ندا الليله ما مشت الشغل ولا حتجي ،، وحات الله لمن خالة نعمة شهقت من الخلعه و بالجحد ختت نفسها في مأذق بس انا كنت فاهمة انها عايزاني امشي عشان دا محل شغلها وعلي حسب فهما انها م عايزاني اتواجد في المكان داا ..... خاله نهله جرتني من يدي قالت لي تعالي ، خاله نعمة بتقوليها عايزة منها شنوو ،، و نهي دي واقفه كداا زي العقلها ما معاها و جات جاريه ورانااا .. دخلتني الصالون و زحمة نساوين ، قعدتني في الكرسي ،، و محمد جاا داخل و عاصر علي نفسه ليمونة ، حاي امه وخالتو استغربو انت الجابك شنوو هناا ، زي صدمة ليهم ( حتعرفو ليه )..
قال لامه انا وصلت ندا ونست مطبقه امها الجايه عشانا في عربيتي م لقيت طريقه الا اجي ارجعااا ،، م ردت عليهو انتو متخيلين انا قاعده مخلوعه في كرسي من الكراسي الفخمة دي و خالنه نعمة قاعده علي ركبا في ارض=سجادة ،، و ماسكة يديني ّ
وتعاين فيني ، وانا مخلوعه حاسه زي الراسي وازم كل زول بجي بديني خبطة بعكاز من اتجاه (الاحداث الجايه دي والله زي ما حصلت بالضبط ) ، الناس زاتا مخلوعه و نهي واقفه جمبي و محمد جمبه خاله نعمة و مهجة ديك الجاتني المحل و ناس م بعرفا ( لانه بيت مناسبه لامي شديد ) .
هاله نعمة قالت لي : احكي لي قصتك تتزكري يوم عزمتك للفطور وقلتي اني م بعرف عنك حاجه ، اسي احكيها لي كلهاا ، قلت ليها دا م وقتو لكن والناس،، قالت لي ندااا ( بصوت عالي ) احكيها لي ،، خفتا كدا لمن تمتمتا ، رفعتا راسي بعاين في امي = نعمات
عاينت لصورة معلقه في الحيطة فيهاا طفلة و ولد جمبها ،، بس بقيت بصرخ والله بحسي و ماسكة راسي وبقول لا مستحيل ، و اتواصلت معاي احداث الحريق و الولد الفي الصورة ياهو زاتو الكان بقول لي تعالي م تخافي من النار ، تعااااالي ،،
بقيت اقوليهم الولد الفي الصورة دا منو لمن وقفت علي حيلي و بقيت اكورك دااا منوووو ؟ انا بعرفو شفتو دااا منوو دااا ،،
و نعمات دي تبكي بكااا م عادي ، نهله قالت لي دا محمد ولدي ، عاينت لمحمد ما لقيتو جريت براا الشارع حفيانه ، بكورك ليهووو لمن جاني طالع من العربيه ،، جريت عليهو جريتو من يدووو و بقوليهو تعال عليك الله تعال ، انت محمد صح ، تعال ، قالي نداا مالك بسم الله اجي وين ،، ببكي وبقوليهو حلفتك خش معاي جواا ثواني بس ، جاراهو من يدو لمن دخلنا جوا البيت ، وقفت ليهو تحت الصورة قلت ليهوو داا انت ؟
قالي ايوة انااا ، قلت ليهو والمعاك دي بت صح الشافعه دي منو ؟ نهي دي بجيها زي ربو كدا و بتخش في حاله ضيق نفس و عقلها م تمام زوله صدمة ، المهم بقت تفرفر كداا
حصلوها بالبخاخ، وبقيت جايطة كدا م قادرة اتزكر و خالة نعمة بقت في حالهرم يعلم بيها الا الله ، قلت ليهم انا حأجن ما عارفه في شنو ولا الحاصل شنو بالجد تعبتا قاعده اشوف حاجات من حياتي و ما قادرة افهم ولا اتزكر اي حاجه ،، نهله عاينت لي نعمات قالت ليها حتحكي الحقيقه متين ؟؟
كاتله ضميرك دا لحد متين ؟؟ ما خايفه من الموت الخطف خطف دااا ؟؟
سكتت ساي وانا كل فهمي بس عشان كذبت عليها ف المطبخ بسبب شغلي و كداا ..
خاله نعمة قعدت ،، و ابتدت تحكي ...
استككانة✋ للاخيرة
يتبع ....
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
