ما قدرتاا اتزكر لمن حسيت راسي دا تقيل شديد و مصدعه ، قمتاا عاينت للساعه لقيتا عامله 10 و انا مواعيدي في الشغل 9
سمعت صوت بوري ، م اديتو اهتمام ، لمن لقيت الصوت بزيد ، عاينت من البلكونه لقيتو محمد ولد خاله نهله ،، عاينت استغربتا عدوي دا الجابو هنا شنو الا كان مجبور ،،
عاينت في المرايه لقيت وشي زي الطماطم من البكا و الضغط ، و الصداع داير يفجر راسي بخليني لا ارادياً بدمع ،، غسلت وشي
و شلت شنطتي و نزلت ليهو ..
لقيتو قاعد جوة العربيه ، خبطت ليهو القزاز ،، نزلو ، قلت ليهو البوري دا لي ولا عندكم زول معانا في نفس المبني ، قالي اذا ماليكي نازله بشنطتك مالك ؟ قلت ليهو شوف حقيقي الليله فيني المكفيني و ما عندي قابلية اني اتحمل كلامك داا ،، عن اذنك ..
نزل من العربيه قالي تعالي تعالي ، اتلفت
قالي : امي اتصلت علي قالت انك اتاخرتي علي الشغل ممكن تكوني م عرفتي الطريق
.. قلت ليهو لا انا اصلا حصلت لي ظروف اخرتني ( م بحب الكذب بقول الحصل دغري)
،، قالي اطلعي طيب
رجعت تاني ركبت ورا طبعاا .. طول السكة دموعي دي ما دايرة تقيف ، كدا حسيت بي امل انه عندي اهل ، بس لمن اجي اربط الاحداث الاتذكرتها بي احتمالات بتعب شديد ، بفكر لو انه اهلي ديل لا قدر الله ماتو في الحريق و الله لمن شهقتا من البكاا ، من غير م احس ،، لدرجة محمد وقف العربيه و متلفت بعاين فيني و انا ما جايبه خبر بس ببكي بحرقه ، الاحساس دا اكبر مني و تقيل علي شديد ..
محمد قالي يا بت ، انتي يا بت المات ليكي منو ؟؟ عاينت ليهو قلت ليهو بس مصدعه شديد ممكن تديني اي حبه او نقيف جمب الصيدلية معلييش ،، نزل من العربيه
مشااا ، ورجع جاب لي بنادول ، ومويه قلت ليهو شكراا ،، قالي حتمشي الشغل كدا ؟؟
انا شايف احسن ارجعك البيت ، قلت ليهو لالا انا دايرة اتكلم مع خاله نهله ،،
قالي هي عند خالتي ، الليله صعب تشوفيهاا
قلت ليهو طيب ، رجعني البيت انا بكلما تخصم يوم الليله ،، لف عربيتوو و رجعني
شكرتو و نزلتا من العربيه ،، و طلعت البيت بقيت ما قادرة اعمل اي حاجه والدموع دي م دايرة تقيف و استسلمت لفكرة اني يتيمة.، مشيت علي البتوجاز تاني و شعلت النار للاخر عشان يحصل لي القبيل حصل ، بس م حصل لي اي حاجه ، القبيل دا زي الكان ردة فعل ،، بقيت داخله و طالعه ، لقيت في محفظة في الكنبه وجمبها ورقه مطبقه ،،
المطبقه عرفتها بتاعت خاله نعمة ، قلت نستا و مشت كيف من غيرها ، علي حظي السمح الورقه دي فيها عنوان و علي حسب توقعاتي دا عنوان الناس البتشتغل عندهم ،،
قلت انا لازم اشغل نفسي امشي اساعده قالت عندها شغل كتير ، شلتا مفتاح البيت و قروش و نزلتا ، بس الغريب اني لقيت عربيه محمد لسة واقفة.، عاينت من القزاز لقيتو راقد في الدركسون ،، خبطت ليهو القزاز اكتر من مرة قلت معقول دا لسه هنا م مشا كل الوقت دا و سايب سريرو و جاي ينوم هناا ،
خبطت تاني شديد لمن اتخلع ، و بقا بمسح في وشو بتوتر ،، قلت ليهو افتح لي الباب ،، فتح لي سبقني قالي مالك النزلك شنو تاني ، قلت ليهو سبقتني قبل اسالك انا ، انت المقعدك هنا شنوو كل الوقت دا ، قالي اتخيلي شالتني نومة ، قلت ليهو سبحان الله قربتا اصدقك ، وشك بيحكي عن قصه ،، قالي سبحان الله نفس وشك بالزبط برضو بيحكي عن قصه ،، قلت ليهو شوف انا عارفه في بينا كداا ،، يعني م عارفه اسميها شنو زاتو لكن علي الاغلب كراهيه كدا لله في لله ، و عارفه ما انا الزوله الممكن تحكي ليها قصتك دي ، و الدموع الما دايرة تقيف مني دي بمسح فيها والله غصب عني بتنزل ، حاسه اني عايزة احكي لزول عشان يخفف علي اي زول ، اول مرة احس بالوحدة كدا ،،
غيرا الموضوع ومديت ليهو الورقه ، قلت ليهو معليش ااتقل عليك لو العنوان دا قريب من هنا ارجوك وصلني ، عاين لطرف الورقه قالي لي اي عندنا ناس هناك ،،
ااتحركنا و م انتبهت لنفسي اني راكبه قدام الا بعد مسافه ، بحاول اشغل نفسي ب اي شي عشان م ابكي لان الصداع زاد علي بزياده ، لدرجة بتفرج في الشارع ، شويه كدا قالي منزل رقم كم و انتي ماشه لمنو ؟
قلت ليهو ماشه محل سغل امي اودي ليها المطبقه دي نستا في البيت ، قالي بس المنطقه دي كلها بيوت ،،
قلت ليهو اي هي شغاله في بيت ،، سكت مسااافه ... قالي اها
انا لي زمن م جيت المنطقه دي ،، قلت ليهو ما لازم تلف الخرطوم كلها ، قالي اسي البيحرج التاني منوو ، قلت ليهو اقوليك شنو يعني ي محمد طبيعي في احياء كتيرة ما بتزورها الا للضرورة القسوة ، قالي لالا انا غير
المهم ، اديني رقم البيت كم ؟ قلت ليهو لحظة ،، عاينت للورقه قلت ليهو رقمو 815 ، قالي ششش شنو ؟؟ قلت ليهو هاك مكتوب كدااا ، مالك في شنو ؟؟ قالي عايني انا اسف والله يا ندا ما بقدر ، قلت ليهو ما بتقدر شنو ؟ قالي ششش شش شوفي
الشارع التاني من شارعنا دا ، بيت ناصيه كبير كله حجر جبل و سيراميك بالبني ، و حتلقي مكتوب رقمر815 ، انا اسف م بقدر والله اوصاك انزلي تمي برجولك ، ،
قلت ليهو محمد خلعتني في شنو ات
وترت كدا و بتتمتم في الكلام ، و انت قبل شويه قلت لي المنطقه دي ما بتعرفا وجيتا من مدة اخر مرة ، قالي ندا ما تساليني ما تساليني امشي
، قلت ليهو لا ما حمشي وريني مالك انت ،، قالي انتي شنوو من يوم ما شفتك رجعت لي الكآبه و الغم غير الحزن ما شفتا شي حلو من يوم شفتك رجعتني سنين لي ورااا ،، انزلي انزلي انززلي ( بي اعلا حسو) ....
استككانة اخيرة 🐒
يتبع ......
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
