جبنة في المصيدة

18

صحيت الساعه 7، صليت الصبح 
لقيت خالته نعمة مجهزة الشاي و جايبه اللقيمات ، حمزة مافيش ، الفي عبودي و كان حزين شديد ( طبعا في حته ما عارفه نبهته عليها ولا لا ، بس الاحداث الحاصله دي قبل وقتنا الراهن بي سنة يعني في 2016 ).. 

صبحتا علي خاله نعمة ، والوقت لسه بدري علي دوامي ، عبودي دا مستاء شديد و قلعد في عتبه البرندة بعيد مننا ، امه نادتو للشاي اباهووو ،، قمت شلت كبايتي و كبايتوو و مشيت قعدتا جمبو ، قلت ليهو عبوووودي والله اشتقت للقعدة معاك هل تعلم ولت ما تعلم ؟ قالي تشتاق ليكي العافيه ..
و شو دا 111 ، قلت ليهو انت عارف و
انا اكتشفت حاجه : قالي شنو ؟ قلت ليهو ان الحياة دي جميله جدااا ً بس نعرف نعيشا و لو ما بقت كلها مشاكل وزهج وتضيق بينا والله ما حنحس بمتعتا ، اسي انا بستغرب لمن القا زول زهجان كدا وصاري ، بحس انه لو عرف قصتي حتهون عليهو مشكلتوو ، عاين لي قالي والله جد ياخ بس لخير عشان تبقي عندي اخت مزة زيك كدااا ،، قلته ليه هههه عيب ،
قلت ليهاا عارف زكرتني بي نكته كدا مسيخه ، قالي ليه علي اساس انا مسيخ ، قلت ليهو تبرا من المساخه ياخ ،، اهاا انا زاتي قايمة اجهز بعد داا ، زاتو معزومة فطوور ،، ( شهق شهقه كداا ضحكتني ) قالي مع منو يا نداا اهاا ..دا الكلام الما بينفع ، قلت ليهو فطور عمل انا م بتاعت الامور الفي بالك دي ، قالي م مصدق برضوو ، قلت ليهو اشرب الشاي داا عشان حتوصلني ، اصلك عاطل 
قالي م عاطل يخ ، قلتا ليهو هسس ، قوم اجهز مسافه اللبس ،، قالي مالي مزاج لي طلعه والله يا نداا يعني اوصلك انتي و بعداك اكيد حرجع برااي ، قلت ليهو ياخ م حتندم بس ارح ، قالي سمح ،، اها جهزنا و طلعنا متماسكين عادي و انا والله كل تصرفاتي دي بس عشان اخليهو يضحك ،، بس للاسف مشوارنا ما تم علي خيرر ، و لاقينا بت حنان ديك زاتا طالعه ،، وقفت حدرت فيني ،، عبودي اتجاوزا قال لي يلاا ، طوالي مزاجو اتعكر ،، اهااا قلت ليهو م تكونو بسبب الحصل ف السوق ي عبودي مقاطعا ، شوف هناا كله الا صلة رحمك يا عبده ، انا الجمبك دي متمنيه اعرف اهلي منوو و ووين لدرجة بشوف اي ام ولا راجل ولا اخ ولا اخت بقول يمكن دا يطلع اخوي ولا ود خالتي ولا دي امي ، انا حتي لو زول من اهلي شافني ما حيقدر يتعرف علي يا عبده لاني كبرت و ملامحي زاتا اتغيرت ،، اتعظ من الحاصل معاي و عز امك دي انت بقيت راجل ماشاءالله ، يعني عادي تمسك بيت شق طريقك ، جازف مالوو يعني ، و بعدين ماشاءالله وووسيم و حتي لو م عندك خبرة ف اي مجال بختوك لجلب الزباين ،، ههه قعد يضحك ، قالي عندك قدرة تضحكيني غايتو الله يسعدك ، قلت ليهو نتكلم جد شويه ، قالي شنو ؟ قلت ليهو الحزن الفيك دا سببو بت حنان ؟ سكت مسافه و قالي ايوة ، قلت ليهو اهاا ! قالي بحبها ، رغم البينا دا شبه مستحيل ورغم اني بتطاول عليها و هي زاتا قليله ادب لكن بحبها ، و عارف ان في عمري دا الكلام دا ممكن م يتصدق ، لكن دا الحاصل ،، قلت ليهو العمر م ليهو دخل في العلاقات والمشاعر ، بس خليك عارف بغض النظر عن المشاكل الحاصله دي ،، انه : انا أريد ، وأنت نُريد ، و الله يفعل ما يريد ،،، و خليك متيقن 
،،
بعد دردشة طويله وجميله وضحك و هزار ،
وصلني المحل ، رحبتا بالبت الموجودة طبعا التانيه ماخدة اجازة ،، عبودي دخل معاي كان موجود وليد ،، سلم عليهم و عرفتو بيهم وكلهم قالو لي اخوكي حلاتو لكن ما بتتشابهوو ،، قلت ليهم اكيد ما بنتشابه لان انا بنت و وهو ولد انا اجيب الدقن والشنب من وين ههههه .. المهم ضحكنا كداا وعبودي فات بس ختيت ليهو 50ج ف جيبو من غير م ينتبه ،، بديت الشغل 
و بقيت بفكر في موضوع اشتري لي تلفون بس الوقت م مناسب ، المهم جا قعد جمبي وليد ، و ابتدا يدردش معاي بخصوص الشغل ،، قالي انتي قبيلتك شنو ؟؟ 
اول مرة اتسأل كدا ، زياده علي اني ما عارفه طبعا ، حتي لو عارفه لزوم السوال دا شنو المهم سودانين ف الاخر .. 
قلت ليهو م عارفه المهم سودانيه ، قعد يضحك قالي كلنا سودانين والله ،، بس امه خاله نهله جات داااخله ،، سلمت علينا و قالت لي معليش اتاخرتا ، قلت ليها علي شنو ؟
قالت لي بينا مواعيد نسيتيها ؟
والله من جواي نسيتا رغم اني قبيل كنت متزكراهاا ، بس فعلاا جعتا زاتو ، قلت ليها لسه الوقت بدري ،، قالت يلا يلا 
جرتني بسرعه كدا غريبه ، اها ركبنا العربيه حقتا ، و مشينا مطعم كدا طبيعي اقوليكم ان اول مرة في حياتي اشوفو يعني ،، 
قعدنا و طلبنا الفطور واكل كدا غريب م عرفتو جبنه ولا بيض ولا وينو الرغيف زاتوو ، المهم اكلناااا ،،

قالت لي احلا شي ان انتي ما فضوليه ، قلت ليها لو لي نصيب اعرف الحاجه بعرفا في وقتها يعني و طالما انتي القلتي عنذك معاي موضوع اذن انتي وقت تحسي باللحظة المناسبه جاات اكيد حتفتحيهو ،، قالت لي والله انتي معجزة عديل ..
ضحكت و قلت ليها اذا الوقت خان ، اتفضلي .....

استككانة 🌚~