طبعا انا هنا فهمت الحاصل ..
و عبودي كان مافي في الوقت داا ، بس الموجود كان حمزة و واحد من شفع حنان ،
و حمزة ساكن سكون مبالغ فيهو ، جيت احل مشكله ، لقيت المشكله الاكبرة قدامي ..
الجدال طال بين حنان و بتها و ما كان في زول فاهم قصدها غيري ، اها بي انفعال حنان جرت بتها و مشو علي بيتهم ،، مشي قعدت جمب امي (خاله نعمة) واواسي فيها ،،
قلت ليها ما تشيلي هم ربنا في سماهو و انحنا في ارضوو وانا معاكي و زي ما اناي راعيتيني و بعدتي عني اي مكروه ، انا حأخلي بالي عليكي و ابعد عنك اي مكروه ، خليكي و اثقه فيني ..
عاينت لي حمزة ، قالت ليهو : عرفت لشنو كنت متمنية بت ؟ عشان البنات حنان ، رغم ان مافيهم قوة الرجال ، لكن بي حنيتهم و عنادهم بيقدرو يلونو السماء .. عاين لي و قبل وشو مني الناحية التانيه ..
مشيت غيرتا و صليت و جهزتا الاكل ، اكلنا ، قلت ليهو حمزو ارح معاي الحوش حابه اتكلم معاك ، خاله نعمة قالت لي ، كبرتو خلاص و بقت عندكم اسرار ،، قلت ليها العفوووو بس شكله كدااا ما عايزين نرفع ليكي ضغطتك ههه ،، قالت لي انتي ما بتشاكلي عارفاكي ، المهم يا اولاد قبل تمشو ، انا حبوبي دي مدروخاني وخلاص خلصتا الكورس حق الحبوب ، و كلمتكم من اسي ، انا من بكرة باذن الله ان ربنا احيانا ، حنزل شغل ، عند الجماعه الكنت شغاله عندهم ، قلت ليها طيب اصبري نشوف شغل تاني ، دا نضافه و شغل و انتي ياداب بقيتي تمام ، قالت لي لا ما نضافه انا بطبخ و مهتمة بالمطبخ ،، باقي الحاجات ديك هما عندهم حبشيه مستلمة الموضوع دااك ، قلت ليها كان كداا اتفقنا المهم خلي بالك عليكي ،،
حمزة دا ساكت و شارد ، امه قالت ليهو انت مالك يا ولد ، ماك حمزة ولدي البعرفو ، فيك شنو ؟؟ قاليها مافي شي ي امي بس نعسان و منتظر ندا تنتهي من كلاما معاكي واشوفا عايزة شنو عشان انوم ..
ما صدقتو انا طبعا لكن قلت ليهو طيب تعال..
(في جانب تاني )..
* نتلاقا الساعه كم ؟
_ والله يا توته زي ما دايرة ، لانه مواعيدك ما مظبوطه ، انتي بعد تصحي و تجهزي اتصلي علي بعد تطلعي بستناكي
* والله لكن داا كلا .. طيب انتي مجهزة شنو _ يا توته اجخز شنو يعني انتي مش قلتي اختك حددت لبس الاشبينات كسترواي ، تاني اجهز شنو ؟
*صحي والله
_انتي مالك في شنو ؟ صراحه وضعك دا ما عاجبني والله
*مافي شي يلا نومي ولا اتفيسي ، باي
_ توته اقيفي لا م تقفلي
*اها في شنو ؟
_ عايني انتي ليه بتكابري و بتنكري يعني الحب اصلا بيضعف دا ما عيب علي فكرة ، عيب انك تتجاوزي مشاعرك و تظلميها
* مهجة اسي الكلام داا لازمتو شنو ؟؟
_لازمتو انتي عارفاها كويس ي صحبتي العند ما حبابو ، يلا باي
* اوكي باي ..
اما في جانبي ، جمب حمزة بيحصل لي صمت غريب بس استجن
استجمعت شجاعتي و قلت ليهو : انت مسافر مصر عشان اقطع البحر صح ؟
اتخلع قالي دا ككلام شنو يا نداا ، جبتي الكلام دا من وين ؟ قلت ليهو اذن وريني انت .. سكت مسافه ....
قلت ليها بغض النظر عن سبب سفرك ، الداير تحققو برا السودان سواء في مصر ولا في اروبا ولا في غيروو ، بتقدر تحققو هنااا ، و عييييب ، عييب شديد لمن انا انبهك واقوليك فتح عيونك حوليك ، شوف الحاصل شنو، شوف الحفرة الواقفه فيها امك من زل و اهانه و ابسط مثال الكان حاصل قبيل دا ما بيرضي ربنا ولا بيرضي زول ، عيييب يا حمزة ، هاا ، عييب لمن تكون انت راجل البيت و امك متوسمة فيك الخير ، تدير ليها ضهررك ... فجاه قاطعني و هرشني
قالي شنو عيييب و حرام و ما صح و ما يجوز عامله فيها مصلحه اجتماعية و صدقتي روووحك و مكانتك يا استاذه ، و تعلمينا الصح من الغلط ،، انا عارف و شايف بعيني ( و بي صباعو في راسي) قالي زي ما انتي عندك مخ و عقل ، انحنا كمان عندناا ،، خليكي في حياتك ، وخلي الناس في حياتهم و ما تتحشري في مكانه اكبر من مكانتك ....
قلت ليهو حاضر :) ..
و قمت مشيت ، مليت ابجك مويه و ختيتو جمب امي ، و رقدتاا ،، صدقوني من صدمتي في حمزة لمن ما حاسه بي ألم ،،
ولا فكرتا ولا دمعتا ولا اتاثرت .. والله جد
جريت غطاي ، و رقدتا نمتا ..
استككانة 🐒~
يتبع ........
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
