جبنة في المصيدة

١١

خفتا شديد
معني كدااا ان ياسين داا ممكن يجي البيت في اي لحظة وانا معظم الوقت بكون براي يعتبر في البيت ، خفتا كداا لمن
حمزة لاحظ لي ،، قالي مالك انتي في شنو ؟
قلت ليهو لالا مافي حاجة ..
كنت عايزة اسالك سوال تاني ، قالي ندي قولي طوالي من غير مقدمات ، قلت ليهو براحه انت اسي منفعل مالك !!
قالي م متفعل ، قولي ،، قلت ليهو ، خاله نعمة وخاله حنان مش اخوات ؟ طيب ليه خاله حنان ما بتجي عند خاله نعمة و تمارضا ،، سكت كدا مسافه ...
قالي موضوع طويل ، قلت ليهو موضوع طويل كيف ، واسي انا من جيت عبودي دا انت بتقول عند خاله حنان رغم اني متذكرة لمن كنا صغار ما كان بطيقهم، قالي كبر و التفكير اتغير زاتو ،،
طيب و ابوك وين ؟ قالي قصدك ميرغني ؟
قلت ليهو ايوة ، قالي مسجون و هو ما ابوي ،، انا هنا لمن قمت ناطه !!
كيف يعني ما ابوك يا حمزة ؟؟
قالي براحه مالك ؟ قلت ليهو لا نا براحه لمن هو ما ابوك حيكون منو ؟ و لمن ما ابوك مالك ما قادر توقفوو لمن بضرب امك ليه انت ما راجل اسي بقيت اطول منو ،،
قالي روقي ، اول حاجه ميرغني دا عمي اخو ابوي ، ابوي لمن اتوفاا زوجو لي امي عمي ميرغني لا هي لا هو كانو راضين ، بس عشان يربينا و عندهم في العيله بزوجو المرة لاخو راجلاا ،، بالجد بقيت مخلوعه و فاتحه خشمي دا مترين ... بالجد اول مرة اسمع الكلام دا ،، حسيتو اتاثر كداا
طوالي غيرت الموضوع ، قلت ليهو انا لقيت شغل ،، قالي شغل شنو و وين و متين ؟
قلت ليهو لسه بعد كم يوم معرض ولا شنو م عارفه بتاع تياب وكدا بكون في الحسابات ، قالي يا سلاااااااام ، قلت ليهو والله
بس فجاه تلفونو رنة ( ربيكا ) ، عاين للشاشه كداا ، ورد
و سكت كان بسمع ، و فجاه رد ، قاليها
انتي اسي وين ؟ خلاص خلاص خليكي مكانك انا بشيل ركشه عم احمد و بجي اسوقك ، اقفلي ......
انا منططة عيوني ، لا و سابني من غير ما يقول شي طلع ... انا م عارفه بالجد اتغظتا و حموت واعرف دي منو ، زعلت منو لانو كان بتكلم معاي فجاه كدا يقوم يطلع ..

المهم واقفه في المطبخ ، بقشر في بطاطس
، بالجد حاسه ان البيت زي الزريبه ، عارفين ليه ؟ لانو جاني الفقري الاسمو ياسين دا عديل لقيتوواقف لي جمب باب المطبخ ، انا م عارفه بدخل كيف ،،
المهم طوالي بقيت ماسكة السكينه في يدي ، قلت ليهو خير !! قالي اكيد ما كلمتي حمرة عن امس صح ؟
قلت ليهو ليه امس حصل شنو ؟؟
ابتدا يجي علي وانا من مكاني م اتحركتاا ، قلت ليهو لو داير دا يبقي اخر يوم ليك في الدنيا دي ، حاول تهبشني !!
قالي م بقرب بس انا بحبك افهميني
قلت ليهو حب شنوو و كلام فارغ شنووو
انقلع من قدامي عشان اشقك بالسكين دا
وابقا راجل كرر العملتو امس
و والله العظيم يديك ديل اقطعهم واخليهم ليك للذكرى ... طوالي طلع

وانا العبرة خنقتني والله ضاقت بي شديد
برفع في الاكياس الجابا حمزة ، انتبهتا لي ظرف كدا كبير
لفت نظري يا ربي دا شنوو داا ،، اترددت كتير اني افتحو بس ما عارفه ما اطمنت و فتحتو
لقيت في اوراق كلها ليها علاقه بحمزة ، و تزكرة لي لمصر بالبر ، استغربتا شديد ، دا شنو دا وحمزة البسفرو مصر شنو ، واصلا جاب قروش للسفر من وين ..

فجاه جا راجع ، حتي م عاين في وشي جاا مربوش بفتش في الظرف ، قلت ليهو بتفتش في دا ؟ قالي جيبي انا مستعجل
قلت ليهو جداا ، حصل الماشي ليها و فنيتو ليهوو ،، عاين لي كدا باستغراب ، قالي مالك انتي ؟ قلت ليهو مالي ؟ قالي كدي عايني لي ؟ قلت ليهو زح كداا عليك الله خليني اتم شغلي امشي اطلع م تأخر البت ..
و فجاه م حسيت الا ب .............

استككانة 🏃~

يتبع ......