قال لي وطي صوتك يا نداا ، امي
قلت ليهو م تقول لي امي عشان لو انت بتفكر في امي ما حتقول كدااااا ، انا بس نفسي افهم انت عندكك شنو في مصر ؟
ما رد لي و طلع خلاني واقفه ،، جاتني خاله نعمة قالت لي مالكم ؟ انا ف الحمام سامعه اصواتكم ، قلت ليها عادي نقار
قالت لي طيب ، انا الليله بمرق ، قلت ليها تمرقي وين ؟ قالت لي الشغل ،، قلت ليها اكيد لاا ، قالت لي ندااا كفاني قعاد انا بقيت تمام ،، قلت ليها دا اسمعو من الدكتوو هو اليقول بقيتي تمام و اذا صحتك حتتاثر بالشغل ولالا ، قالت لي ندا انا الكبيرة ولا انتي ؟
قلت ليها انا كمان كبرت ، عشان كداا ريحيني والليله اقعدي ف البيت انا بمشي الشغل و باخد اجازة ليوم بكرة نمشي مقابله ، قالت لي م محتاج ، قلت ليها محتاج عشان خاطري م تمرقي الليله استحمليني لمدة يوم ، قالت لي حاضر ، قلت ليها م تمشيني والله
انا حعرف لو طلعتي الجيران بيوروني ، قالت لي لا خلاص انا زاتي نعستا ، قلت ليها دي الحبه ،، المهم يلا انا بمرق بعد دا اتاخرتت زاتوو ....
مرقتا و طبعا اتعودت امشي بالمواصلات ، وعلي فكرة وليد يوم قالي بجيكي تاني يوم للكمبيوتر م جاني ، جازفتو برااي ..
( بالنسبه لبعض التعليقات ان الدار ليه رفضني في البدايه و بعداك رجعو قبلو بي )
في اغلب الدير ما بيقبلوو شافعه كبيرة ، الا هي بعد الخمسه سنوات ، لان عادي بقدر القا اهلي في اي وقت ، بس انا لحد الاحداث دي م كنت فاهمه السبب تحديدا و كان نقاش بين عوضيه و نعمات ، و انا لمن رجعت الدار ، خاله عوضية دي يومين و اختفت من الدار تاني م شفتها ليومنا هذااا ...
المهم وصلتا الشغل ، لاني متاخرة لقيت في امور جرد و زحمة و بضاعه جديده م كنت فاهمة حاجه ، بس طوالي دخلتا في النص و حمدلله اصلا كنت مجدوله و مرتبه اموري بخصوص الحسابات والجرد ،
كل شي كان مرتب و بالورقه والقلم وعامتا الجرد بياخد زمن ، لكن انا كنت مرتبه كل حاجه ،، ودي حاجه كانت لصالحي ،، ف اليوم دا كان اول راتب لي حمدلله ، انتظرت لمن خاله نهله جات و اديتا القروش السلفه ، ق
رفضت تشيلا مني ، طبعا انا اصريت علي راي شديد ، قالت لي اتا اصلا عايزاكي في موضوع ،، قلت ليها شيلي القروش بعداك بنتكلم ، قالت لي ندا ما تبقي عنيده ، و انا اصلا بعد اتكلم معاكي و نتفق ، ما حتفرق القروش دي ، قلت ليها حنعمل مشروع مع بعض ولا شنووو و بقيت اضحك ،، قالت لي ههه حاجه زي كداا ، المهم بكرة فطورك معاي و منو نتكلم زي ما وريتك ، قلتا ليها عديله
،، قاعده كداا جاتني وحدة من البنات ،
قالت لي غريبه ، قلت ليها الغريبه شنو ! ( اصلاا سلام ما بسلمو علي لا هي لا التانيه يحدرن فيني بس )
.. قالت لي استاذة نهله دي ما بتدينا وش و تهظر معانا كدا ليه زي ما بتعمل معلكي انحنا لينا سنوات في الشغل داا غير الاورامر ما بنلقي منها ،، قلت ليها علي حسب تعاملك الانتي بتفرضي علي القدامك ، قالت لي انتي قاريه كمبوني صح ، اسي خريجة وين ؟
قلت ليها ولا هذا ولا ذااك ، قالت لي غريبه ، طيب انتي بتبقي شنو لاستاذة نهله ؟
قلت ليها ما بقبا ليها حاجه ، يلا عن اذنك مواعيدي جات ،، قالت لي
انا طبعا اخدت اجازة ، نتباقا بعد شهر ،، قلت ليها ، عافيه ؟
قالت لي لا عافيه بس مسافرة مصر اجازة وكدااا ،، طوالي اتزكرت موضوع سفر حمزة
قلت ليها : انتي مصر دي فيها شغل يعني للسودانين وكداا ؟
قالت لي والله الا تجارة و دكاكين دكوة وزيت سمسم و حاجات زي دي ، لكن ناسنا ديل ما بسافرو الا عشان يقطعو البحر دااا ..
قلت ليها سجمي ، كيف يعني ؟؟
قالت لي والله عديل بقطعو البحر يعني بسافروو اروبا بطريقه غير شرعية من هناك السفر ساهل ، بس اغلبيتم ما بيوصلوو
غايتو البيصل داا بكون محظوظ .....
كلاما دا حسيتو خرم طبلة اضاني و وجعني شديد ،، معني كدااا حمزة ........
استككانة💔~
.... واكرر تفاعلكم 0% و شكراً ، و دي اخر روايه اكتبا الفترة دي .. مفروض كان حتنزل الروايه الكلكم صواو عليها بالايجاب اللي هي ( اعتداء المحارم ، تبع سلسه روايات #علاقات_محرمة) بالتفاعل الضعيف داا حأجلاا ...
يتبع ....
#
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
