جبنة في المصيدة

14

اهاا محمد فات كداا ،
جاني واحد داخل ، قالي سلام عليكم ،، قلت ليهو ي مرحب وعليكم السلام ، اتفضل 
قالي لا انا ماشي طوالي ، بس جيت اسلم عليكي و اشوف نداا الحبوبه عذبتنا بيها ..
قلت ليهو بتعجب ، ههه حبوبه !!
والله ما فهمتك ، قالي انا وليد ، ولد نهلة الوسطاني ، سمعت من امي انها وظفتك انتي وانتي نفس البت البتتكلم عنها حبوبة ، صراحه جيت اسلم و ابارك ليكي الوظيفه بما اني كمت ماري من هناا ،،
قلت ليها للدرجة دي والله حبوبه الله يديها العافيه ، و تسلم كتييييير 
قالي يلااا ابقي قدرهاا ، قلت ليهو باذن الله ، قالي عايزة حاجه ؟ قلت ليهو اااي ساعدني في الكمبيوتر انا بس خايفه اهبش فيهو ويخرب ، قالي خلاص اذا م محتاجو ليهو الليلة ، بكر بجيكي ساعه كداا و اوريكي المفيد .. قلت ليهو عديله تسلم و معليش من اول مرة كدا شغلتها ليك ،، قالي هووي بديك كداا 👊 ،، بقينا نضحك و فات
الصراحة بقيت بفكر في ان محمد دا منفسن و جاي غلطه في دسة سواسيو كلهم لونهم اصفر الا واحد سيوسيو لونو اسود ,, 

يومي بعد كداا عدا عادي ، و البناترمنكمشات مني بس قلت لخير ، لسه جديده و ما بعرفوني ، الساعه 3 انا طلعتا طبعا م بعرف السكة و نسيت موضوع رجعتي ، وقفت كداا محتارة ، طيب والحل شنو .. 
اتمشيت كدا بكذا اتجاه في اتجاه بطلعني علي شارع زلط عام ..
وقفت بس لمحت عبودي ماشي ليهو مع مع وحدة و اخر ضحك و ونسه !! 
بعيد مني جبدة ، بس بقيت واقفه و انادي فيهوو ، يا عبدالرحمن يا عبده ، بدا يتلفت تجاه الصوت ، لمن عاين لي بقا مخلوع و فاتح خشمووو ، و جا علي 
قالي انتي الجابك هنا شنو كل المسافه دي ؟ و المعاهو تحمر و تحدر و تعاين لي من فوق لتحت ، قلت ليهو دا مكان شغلي ، قدام شويه ، قالي شغلك !
قلت ليهو ايوة ، انت وين لي يومين م شفتك ؟ النعاهو ردت لي قرعد معانا،، قلت ليهو عبودي ، سالت ما وريتني قاعد وين ؟
قالي عند ناس خالتي ، قلت ليهو خالتك دي مش قاسمة معانا البيت ؟ يعني م مشوار بس يرضو انت بتكون مافي ،، 
ديك ردت قالت ليهو والله يا عبودي اول مرة اعرف ان في زول بتدخل في حياتك بالطريقة دي ، حاشرة روحاا وانت زاتك تستاهل مادايها الفرصه دي ،، ( استغربت فيها دي بتفتن ولا فهماا شنو عشان اعرف )
م رد عليها و قالي : يلا بوصلك في سكتي ، قلت ليهو لا وريني اركب من وين عشان اتعود ، قالي لا المسافه طويله انا زاتو جيت هنا بالصدفة ، قلت ليهو عارفاها طويله يعني بس وريني حركب خط واحد و لا حابدل ولا كيف ،، قالي طيب حتعرفي اسي بس احفظي الشوارع ،، انا متعودة لمن امشي في الشارع بنتماسك خصوصا انا وعبودي ديل ، بمسكو من معصم يدو ، هو زاتو بقا اطول متي يعني البشوفو ما بقول اصغر مني ، المهم بعفويه مسكت في معصم يدوو ،، ديك قالت لي انتي متخلفه ولا شنو ما تحترمي نفسك كمان ماسكاهو من يدو ، عاينت ليها باستغراب الظاهر ان البت دي اصغر مني بس ما شافة التربيه ، عبده قالي الناس هنا متعقدة و زمان كنا و ...... قاطعتو ،، قلت ليهو هي عادي كان ممكن اقول م فاهمه حاجه لكن منك انت الكلام دااا ، الما بتعرفيهو انتي ، 
عبودي دا اخوي الصغير و متربين سواا ، قالت لي اخوكي من وين يا اللقيطه م معروف عندك اهل ولا لا ، جيتي و اتلصقتي في ناس خالتي ، وتربيه شنو البتتكلمي عنها دي ، خالتي نعمة ما بتربي تربيه زي دي ..
اي نعم كلاما حار و اهانه لي ، لكن م اترقعتا عبده يديها كف في نص السوق ،،
قاليها انا ساكت ليكي بمزاجي سايبك تطربقي علي كيفك ، لكن زودتيهاا ، احترمي نفسك و الزمي حدك ،، 
طوالي مشت ، قلت ليهو وقفا كيف تمشي براهاا ؟ قالي ما كل البنات زيك يا نداا ، دي تضيعني و ترجعني ، طمني بالك ، 
اها احكي لي عن الشغل ، قلت ليهو حلو والله و غير كداا بمرن لساني علي الانجليزي ، اتمنيت شغل زي دا يخلي عندي جراة اتكلم ، حمدلله ، قالي انحنا درسناهو لكن م اتكلمناهو ، قلت ليهوو انا فجاه بردت فعل مني اتكلمت مع زبون اجنبي ، انا لمن اتخلعتاا زاتو الحاجه دي ساهله شديد والله، قالي بختك ، قلت ليهو ليه وانت مالك التلاته اسسنا بعض فيها ، قالي انا ما زيكم ،، فعلا عبودي مخو صعب شويه عننا انا وحمزة و بالو في اللعب و الشارع اكترر... 
المهم ركبنا و وصلنا البيت، و لقيت خاله نعمة طابخه اتخيلو ، زعلت والله قلت ليها انتي عيانه البوقفك شنو في السخانه دي ، قالت لي انا بقيت كويسه والله ، قلت ليها انا حاسه بتقصير تاني عشان الشغل دا انا بطبخ حلة الغداا قبل اتحرك ، عشان م تكرريها واجعي القاك طابخه ،، قالت لي هوووي انتي كمان دا كلام شنووو ،، من حواي كنت مقتنعه انها اتحسنت بس برضو ما بلغت الصحه تماماً .. 
( في جانب تاني بعييييد ) 

* شوفي يا تمني الامتحانات دي خلااص زنقت زنقه شينه خلاااص 
_ اها نسوي ليها شنو يعني ، عادي بتعدي زيها زي اي امتحانات فاتت
*نفسي يكون عندي ذرة بس من برودك تاني
_ سمح الله يديكي 
* اهاا عملتي شنو مع زولك ؟؟
_ شوفي يا مهجة انا لو بحبو و حموت فيهو

لكن انا تمني ما بجري لي ورا ولد ، انا عارفه روحي غلطتا لكن كمان اعتزرتا مرة و براهو بتعزز والله اصلا كوني اعتزرت ليهو دي براهاا ما يحلم بيهاا ، شوفي اي راجل ما تدي اكتر من حقو بالله ..
* ما بسالك لكن ..
* اهاا العرس قرب ، مجهزين شعوركم؟
_ايوة كدا انتي تعجبيني ، جيبي لي المواضيع التبسط و ترد الروح ياخ ، انا كل ما اتزكر عندنا عرس في البيت وااااااااي الفرحه تغمرني..
*الله يديما عليك حبيبتي اناا 
_تسلمي ليا 💜

اما في جانبي انا ، يومي عادي ، كالعادة حمزة جاا ولا اتكلم معاي ،، اصلي م حسألوو
اليوم دا انتهي عادي جداا ،، فات اسبوع وانا علي نفس جدولي ، نوم اكل شغل،،

لحد مافي يوم الصباح انا لابسه و ماشه الشغل ، جاني حمزة في المطبخ ، قالي صباح الخير ،
ولا رديت عليهو .. قالي انا جيت بس اوريكي اني مسافر .. قلت ليهو مساااافر !!
اتزكرت الاوراق الشفتها ديك ، قلت ليهو مصر صح ؟ عندك شنو في مصر وانت راجل البيت الوحيد ، كيف تفكر بالطريقه دي انت ، امك دي كل يوم ماشه تكبر ما ماشه تصغر 
و م تقول لي شغل لان مصر معروفه م فيها شغل يا حمزة ....
اتنرفزتا كدااا و كوركتا ، قلت ليهو رد علي 

استككانة ☕~

يتبع .........