جبنة في المصيدة

9

مشيت الحمام ، و جيت طالعه بالزقاق ،،
بس هجم علي زوول بي ورااااا
و خت يدو علي خشمو ، نهائي دا م طول حمزة ولو حمزة البخلي يجيني كداا شنوو ، بس بقيت ادفر فيهوو ، و داك بتلصق فيني زياده وانا بس علي بالبكاا ، لكن اصلو ما استسلمتا ، و دفرتوو بقوتي لمن فكاني ، وحاولت اتلفت اشوف دا منوو ، ما اداني فرصه و رجع مسكني تاني بقونو ، بس الحمدلله سمعت صوت الباب نع الحصا بتاع الحوش بيعمل صوت ، بس انتهزت لحظة ان الماسكني دا مركز في الباب والجا منوو ، دفرتو لمن اترتع ، وعاينت ليهو ما عرفتو دا منوو داا ، بقيت اقوليهو انت منو ، انت منووو ، بس و قام جراا ، الغبي بدل يجري ب اتجاه الزقاق ، جراا اتجاه الحوش حقناا ، و كنت خاته 100% دا حرامي ، و من الخوف بس برجف ، مشيت علي الحوووش ، سمعت صوت حمزة بتكلم مع زول ، اتلبدتا من الحيطة ،وبقيت بعاين ، لقيت في علامات استفهام في وش حمزة ، و بقوليهو انت الجابك هنا شنوو زي الوقت دا يا ياسين ،، ( انزكرتوهو ! دا ياسين ود خاله ناس حمزة ولد حنان لانو كبر ما عرفتوو واصلا كان رايح لي م لاقيتو غير هي مرة واحدة بس )
انا من الخلعه الدخلا فيني الزول داا لمن بقيت برجف و دموعي ديل ما وقفو ، مشيت علي المزيرة ، قلت لازم اغسل وشي عشان حمزة ، بس شلت الكوز ، عامتا انا من جيت بكفي الكوز علي وشو ، بس لقيتو عادي قاعد ،، المهم شلتو ودخلتو ف الزير و طوالي بقيت اغسل وشي و فجاه فكيت الصرحه دي بحس واااااااحد ، غي لحظة لقيت حمزة دا واقف
و بقيت بكورك بقولي في شنو اهداي ،
عاين لي شاف عنكبوته في وشي من الكوز وانا بخاف من الحشرات بس زحاها ، وانا لسه بكورك عديل ، بس بدا يقول لي ندا روقي خلاص دي عنكبوته صغيرة و انا شلتها ، خلاص ، كدا حتصحي امي مخلوعه ، قولي بسم الله ، لمن شاف مافي مني فايده فجاه لقيتو حضني و الله ، و يدو في راسي ، قالي روقي خلاص انا جمبك في شنو اسي ، عايني لي ندويه ، فتحي عيونك دي ما اتعودتا عليكذ خوافه كدااا ، وانا ماسكة فيهو بجد مرتاحه العملو معاي الكلب دا خوفني شديد ، كان عايز مني شنووو ،، بس وانا ببكي زياده عشان دا وهو يقول لي خوافه كل دا عشان عنكبوته ، لمن سكتااا ، فكاني ، طوالي مشيت ولا عاينت ليهوو ، ، ، وهو واقف مستغرب فيني ، وانا احااسيسي ملخبطه شديد ،، مشيت طوالي علي السرير ، رقدتا و اتكرفست تحت الغطااا ،، حسيت بي حمزة داا جاا قعد علي رجولو و ختيك يدو في راسي و قعد يقراااا لي بأيات ، قرابة النص ساعه
لمن انا نمته ،، صحيت الصباح اخر وحدة
لقيت الشاي جاهز و معاهو لقيمات مختوت ف التربيزة جمبي ، عاينت لقيت خاله نعمة دي حرارتا عاليه و ما طبيعيه و ما بتطمن
، بس بقيت بفتش في حمزة ولا عبودي ، م عندي طريقه لقيت نفسي برااي
مشيت بس علي الكمادات ،، و بقيت شغاله ليها كمادات من ما صحيت لحد الظهر ،، حمدلله حمزة وقت جاا كانت حرارتا نزلت ، اتخلع كداا و صممتا نمشي بيها دكتور
قلت ليهو عندي قروش انا ، قالي انا وديتا قبل تجينا بيوم و مشكله امي في العلاجات بس م كنت قادر اوفرا غاليه
قلت ليهو اديني الروشته ، دخل جابا ، قلت ليهوو هاك دي قروش م عارفه كم بس علي المعاك جيب ليها كل العلاجات ، قالي جبتي القروش دي من وين ؟ قلت ليهو امشي اسي بوريك لكن م اسي ،، قالي ندا جاوبيني
قلت ليهو في شنو يا حمزة والله جبتها بعرقي ما شحدتااا ، ممكن تتفضل تمشي و كان لقيت طريقه جيب لي معاك خضار ،
قالي دايرة حاجه معينه ؟ قلت ليهو لا بس م تتاحر يلاا ...
مشيت لخاله نعمة عشان عرقانه قلت ما بينفعا غير حمام بارد ، بس شلتا المرتبه من العنقريب حقي و جبتا المويه بالجردل و قعدتهاا حميتاا تمام ، و لبستهاا ، قالت لي انا لسه ما وصلتا السن دا استعجلتي ..
قعدت اضحك قلت ليها بعد خرف ان شاءالله لسة في عز شبابك ،، قالت لي انتي بتي
ربنا بعتك لي عشان اليوم الزي دااا .. قلت ليها بكرة تبقي تمام ، اشتقت لمن كنتي تسرحي لي والله ياخ ابقي كويييسه انا لسه م اكتفيت من حنانك داااا ،، ضحكت ، ضحكو كداا بدموع ،، مسحتها وقلت ليها الفرح بيشبهك ...
قلت ليها يلا عشان ادخلك البرندا هنا الشمس بعد دا تاني الا العصرر ،، دخلتها جوة و رفعتا الحاجات ، و اتزكرت ان ..........

استككانة❤¢~

يتبع .......