قالت لي : طيب ي ندويه انا عايزاكي تسمعيني للاخر ، م تقلطعيني ، بعداك ردي ،، قلت ليها جدااااّ ،، اتفضلي
قالت لي شوفي : انا من اتولدتا ، اتولدتا مدلله في اسرة و عائله ماشاء الله مستواهم مادياً واجتماعياً ، حتي لمن اتزوجت اتزوجت وانا صغيرة ، وجبت اولادي كمان وانا صغيرة ، بس فشلت في تربيتهم وانا بعترف بالشي داا ، تربيه خدامات ،، م عارفه اذا عندك فكرة ولالا انا عندي بتين و ولدين ، الولدين قابلتيهم وليد و محمد ، و مهجة و منار ،، منار دي بتقرا الجامعه براا ، ومهجه م عارفه لاقيتيها ولا لا في المناسبه حقتنا ديك ،، و محمد و وليد ،، باختصار شديد
انا دايراك تقعدي معاي في البيت ،، طبعا بحلقتا عيوني لانه قالت لي م تتكلمي الا بعد انتهي ،، ما عارفه اقوليكي شنو والله يا نداا الكلام في طرف لساني لكن م قادرة امرقوو ،، ابتسمت ليها= امان احكي
قالت لي محمد دا معزبني ، اخلاقو ضيقه من صغير ، حصل ليهو حادث و من بعدها اتغير شديد ، و نفسي يشوف حياتوو بالجد تعبنا انا و حبوبتوو ، انا بسس .... انا بسس ...
اناا ااااا..ااا ،، صراحه يا نداا ، دايراكي لمحمد ولدي ، وحات الله انا لمن قمت ناطه متر لفوق ، قلت ليها شش شنوو !!!!
قالت لي ندا اقعدي بسم الله في شنوو .. قلت ليها طييب ، بس انتي بتهزري صح !
قالت ليه اهزر ي ندا ؟ قلت ليها البتتكلمي فيهو دا زراج مفترض هو اليختار الدايراا معليش يعني بس ما يتزوج باختيار امه ، و بعدين محمد ولدك داا يشوف العدو و ما يشوفني قدامه انتي اخترتي انسانه غلط يا خاله نهله ، و غير كدا انتي م بتعرفي عني اي حاجه ولا عن اهلي ،
يعني كيف تاخدي قرار زي دااا ،،
نداا ، محمد محتاج انسانه تخش حياتو غصب عشان يقدر يتقبلا غصباً عنه ، والله محمد طيب بس محتاج منك تستحمليهو و تقيفي جمبو ،، قلت ليها كلامك دا صعب بالجد صعب و اناااا ..( م عارفه ليه ف اللحظة دي فكرتا في حمزة ، حمزة اساسا بقي بيكرهني ، قلت بيني و بين نفسي م اعلق قراري بأي انسان ما اتحجج ساي )
خاله نهله لله في لله قابلتني بي وش حسن من اول لحظه من غير م تكون في مصالح متبادله رغم انها صارمة و شخصيتا قوية مع الناس التانين ، كأنها فتحت صدري و شافت قلبي متالم قدر كيف م زادت علي ، و من اول محاوله لي في فرصه شغل ربناا ختاها لي في طريقي ، و جيت لحاجه بسيطه ربنا كرمني بشي م اتخيلتو ..
قلت ليها ربنا يكتب الفيهو الخير ، بس اديني وقت اصلي استخارة وافكر ،، يلا عشان الليله في بضاعه جايه والشغل حيكون كتير ..
قالت لي ندا اقعدي لحظة ، الشغل دا انتي حتبقي صاحبتو و اذا ك عايزة تمشي الليله م تمشي امشي علي البيت ريحي و فكري , وبعدين فكري في مصلحه اهلك يعني حتريحيهم ( وانا من جواي دايرة اقوليها هما وينهم اهلي ديل ، بس الواحد يقول الحمدالله) .. واصلت كلاما ، و انا عندي استعداد ادفع ليكي الدايراهو ، طبعا زعلت والله قلت ليها خاله نهله معليش يعني ، اي نعم انحنا بنحتاج للقروش و بنتعب عشان نجيبا ، لكن كمان م كل اهدافنا المادة م كل حاجه ، في حاجات كميه القروش تعجز انها تشتريها ،، قالت لي ما بقصد شي انا والله ، و مسكت راسا كدا زي الدمعت حسيت بيها ،، قالت لي لو كنتي ام كان حسيتي بي ناري و انا والله ما بقصد اضغط عليكي ،،
قلت ليها انا اتفهمتك تماماً ،، الفيهو خير ربنا يجييه ان شاءالله ، ،
و قمنا مشينا علي المحل في عز الانشغال دااك ، جو بتين داخلات تبارك الرحمن عليهم روحهم حلوة كدا في ناس من تطل عليك تحس انهم مقبولين شديد ،، وحدة فيهم وقفت مع زميلتي ، و التانيه بتتفرج و انا كنت شغاله في الكمبيوتر ،، هي سابت زميلتي عن توب كان معروض بالاسود ، قالت ليها دايرة نفس النقشه بس احمر حق جرتق ، و ديك قالت ليها مافي ،، ف التانيه جات سالتني اناا و قلت ليها حشوفو ليكي ، و دخلت المخزن جبت ليها الالوان كلهاا ، قامت نادت ديك قالت ليها تعالي يا تمني ، جوو قعدو يتفرجو ، و تمني دي فجااه كوركت في زميلتي ، قالت ليهاا شكلك ما حبيتينا و ما عايزة تبيعي ليناا يا اخت ، تحبي اكلم ليكي استاذه نهله تطردك طرد الكلاب ،، ردت ليها انا جيت الدوام متاخرة و م كنت عارفه ان البضاعه الجديده جات ( وهي كانت موجودة بس دايما بتتعامل كدا مع الزباين)
قلت ليها حصل خير يا استاذة اسي دي كل الالوان من نفس التشكيله الطلبتيها و في حاجات تانيه لو حابه اتفضلي معاي ،، رغم ان دا ما شغلي انا شغلي حسابات بس ،، قالت لي لا شكرااا انا كلامي مع المشغلاكم ، قلت ليها م يستدعي الموضوع يوصله لاستاذة نهله لان انحنا م غلطنا معاكي وحالياً جبنا ليكم طلبكم ، اهاا جا وليد دااخل ..
ما تمني التانيه المعاها قالت ليهو اووووه وليد ، صدفه حلوة دي والله ، قاليها مهجه نورتينا والله ، تمني كيفك ! قالت ليهو كيف شنو والبت المشغلنها دي ما دايرة تبيع لينا اتخيل طلبنا موجود و قالت لي مافي ، و جات الاخت دي طلعتو ليناا ، قاليها طيب وطي صوتك دا محل شغل برضو ، قالت ليهو دا القد
رت عليهو !! قامت مرقت و ديك وراها ، و وليد مشا قعد ولا اشتغل بيهم ،، بديت اشرح لي وليد ، قالي ندا انتو م غلطتو انسي الموضوع ،
و ديك تحمر لي دايرة تاكلني ، قالت لي في داعي للعملتيهو دا و لا دايرة مشاكل وخلاص ، قلت ليها مشاكل شنو ؟ و ثم تانيا انا م عارفه انها سالتك واصلا دا م شغلي انا شغلي هنا حسابات ، دا جزاي قلت اساعدك عشان زميلتك مافي ،، قالت لي جزاك احتفظي بيهو لنفسك ،، قلت ليها جداااا ...
اصلا مواعيدي جات ودوامي انتهي ، شلت شنطتي و قلت لوليد عن اذنك و طلعت ، جا لاحقني ، قالي تعالي اوصلك عاني السماء محمرة كيف شكلو حتجي تراب شديدة ،، قلت ليهو مافي داعي انا بمشي المواصلات قريبه ، قالي انا جاي اصلا عشان امي طلبت مني اوصلك ،، ( صراحه احترت )
ركبتاا ،،
و ساكتين و بتلجد قافله معاي طول الطريق لا انا لا هو ما اتكلمنا مع بعض ،، لمن وصلني ، شكرتو ،، ونزلتا و كملت برجولي و نفس الشي الحصل الشكله قدامي ، دخلت جرري
سامعه حنان بتقول لنعمة لمي ولدك داا من بتي ، قالت ليها اولاد خالات فيخا شنو كان لقيتي واقف معاها ، ما طوالي عبده ددا معاكم في البيت قاعد معاكم اكتر من ما بقعد معاي ،، قالت ليها لالا البينهم دا ماخوة
البت قالت ليها فعلا يا امي مااا خووة ، قالت ليها يا بت الكلب كمان بتعترفي ، علاقتك دي مستحيله عارفه ييعني شنو مستحيله ؟
قالت ليهاا ليه مستحيله يا امي مافي شي اسمو مستحيل هو كمان دايرني و بحبني و م تقولي لي انتو لسه صغاااارّ
بس حنان مسكت بتها من شعراا قالت ليهاا افهمي دا اخوكي مسسسسستحيل تحبيهوو دا اخووكي ود ابوكي ..........
( كلنا انصدمنا ) ..
استككانة ....❤
يتبع .... للحلقات الاخيرة
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
