جبنة في المصيدة

١٢

شغلي امشي اطلع م تأخر البت ..
و فجاه م حسيت الا بي انفاسو دي في وشي ، لزيتو لورا ، قلت ليهو انت جنيت ولا شنو ؟
دا شنو الانت عملتو داا ،،
قام طلع هو زاتو مخلوع ، فضلت واقفه مكاني مخلوعه ، دا شنو العملو حمزة داا ، و في شنو انا مالي ، كل البحصل معاي غريب 
، بالجد دي اكتر لحظة انا حسيت فيها بالوحدة ، حاسه اني دايرة اطفش ، لاول مرة احس اني عايزة اعرف اهلي الانا م متزكرة عنهم اي حاجه ، كان عندي اخوات ؟
اهلي وين في الخرطوم الكبيرة دي ؟ ليه انا ما متذكزة ، غير الجرحه الكانت في ركبتي لحد اليوم سايبه لي علامة ..
بالجد الاحساس الانا فيهو لا احسد عليه ، اليوم دا خلصتا الاكل ، و قعدت اقرا غي روشتات خاله نعمة ،
لمن المغرب اذن صليت ، وصحيت خاله نعمة و منها جا عبودي ، ختيت الاكل و قعدنا ناكل و اديتا الدوا حقهااا ،، 
خاله نعمة كلاما بقا قليل ما زي زمان ، طوالي في حاله تركيز في السما اذا كنا في الحوش ، او بتعاين في الحصير حق البرندة ..
مرات بخاف عليها ، بس قلت اصبر كم يوم بعد نشوف نتيجة الادويه دي ، و بعد نمشي للدكتور بسالو ان شاءالله ...
في اليوم دا انا كنت صاحيه لحد 12 حمزة ما جا البيت نهائي ، قمت كالعادة بمهامي زي كل يوم ، بس بقيت في حالة خلعه ان ياسين دا ممكن يجيني في اي لحظة ، زي الموسوسة ، وصراحه اشتقت لهدي و ايمان صحباتي ، م عارفه غايتو ، و ف اليوم دي زي الساعة 10 حمزة جا البيت ،
والله ما اتكلم معاي رغم اني مقلقه عليهو ، و رغم الحصل ، ذهل البيت عادي اطمن علي امه و استحما و غير و طلع ،، و هكذا استمر الحال لمدة خمسة يوم ، لا بكلمني لا بكلمه و هو المنفس الوحيد لي و صحبي من شفع ، انا م عارفه هو عمل كداا ليه ولا ردة فعلو دي خجل ولا زعل من كلامي القلتوو ..

في اليوم الخامس ، صحيت الصباح شربت الشاي مع خاله نعمة ، و ماشاء الله ماشه في تحسن ، فطرنا وخلصنا ، قلت ليها انا لقيت شغل و مفروض من امس كان انزل بس نسيت ، قالت لي شغل شنو لا ، انتي صغيرة و ما بتعرفي الخرطوم كويس ولا بتعرفي تتعاملي مع الناس يا نداا ،
انا عارفه شيلتكم هم و حمل اكبر منكم ، بس خلاص انا بقيت كويسه برجع لشغلي ،
قلت ليها لا طبعاً اكيد م حترجعي للشغل لسه ما اتعافيتي تماماً ، وعمرك ما كنتي هم ولو كنتي حمل فاا انتي حمل خفيف والانتي ما بتعرفي انتي امي الاتحرمت منها ، و انا افديكي بي دمي وروحي والله ، يوم اشوف ضحكتك دي بحس بي اني ملكت الدنيا دي كلهاااااا ،، عشان كدا انا لازم اتعلم 
و احاول اتعايش و اتداقش جاي جاي، لازم
لانو عاجلاً ام اجلاً انا حاخد الخطوة دي ، فا احسن اخدا من اسي و شجعيني و اديني نصايحك كداا ، انتي غدوتي ....

بالجد الابتسامة الفي وشها دي مهما وصفتها ليكم بجد م حتتخيلوها ، خاله نعمات جميله شديد بالجد يمكن تكونو شفتو جمال اواهر التلتينات بيكون حلو كيف ، بس الله لا كسبو شوها و شوه وشها ، اصلا هي كانت كتيرة عليهووو ،، بس باذن الله حترجع وردة زي م كانت دايماً ... 

قالت لي انا م دايرة حاجه غير تخلي بالك روحك ، م تعملي حاجه مالقيتي نفسك فيها ، افرضي شخصيتك علي الضعيف والقوي ، خليكي واثقه في نفسك و ما تتمسكني عشان حقك ما يروح ، بس بي دا كلوو خليكي طيبه و قلبك كتيرر زي م انتي ...
قلت ليهااا حاضر ،، يلا انا بمشي ، الساعه 12:00 كوو ، تاخدي من العليه الحمرة حبة ونص و المويه جمبك ، و في سندوتشات جمبك برضوو ، و دي السنادة توصلك للحمام ، انا ما رشيت الحوش بي جاي عشان م يزحلقك ...
قالت لي ندي بالغتي ، امشي .. يلااا
طلعتااا ، و بحاول اشوف لي طريق غير طريق الدكان داا ،، تاني قلت ليه اخلي ليهو شارع بحالووو ،
طوالي مشيت وعيني ف الارض ، شارع في شارع لمن وصلتاا ، وقفت كداا قدام الباب مترددة ، بين ارن الجرس و ما ارن الجرس

..... 
استككانه🍌~

يتبع ......