اتزكرت ان ، بيت المناسبه الامس
طلبت مني امشي ليهاا عشان شغل ،، اسي اسوي شنو اناا ، راسي ضرب ...
قلت خاله نعمة اصلا بقت تمام انا امش سرعه واجي ، قلت لخاله نعمة حجيب حاجه من الدكان واجي ، لبس التوب وجري مشيت ، بس في بتاع دكان كدا بقعد براا ، قليل ادب خلاص امس برضو لاحظت ليهو بس قلت يمكن انا عيوني كعبات ، صعلوق وقليل ادب ما بوضح اكتر من كداا ،،
هرولتا بسرعه ، لمن وصلت البيت و زحمتو قلت عن امس ، المهم دخلتا لانو الباب فاتح والبيت فيهو ناس ، جيت داخله كدا لاقاني محمد الامس حبوبتهم قالت لي ناديهو لي
وقفنيز، قالي قصتك شنو انتي ، قايله دا بيت ابوكي ولت زريبه داخله مارقه علي كيفك ،، طبعا غاظني شديد وانا م بعرف ارد وكدا بس اتحمقتا شديد ، قلت ليه هو كداا
والله دموعي جات في طرف عيوني ، و طوالي من دربي داااك رجعت علي الباب الجيت منو ،، الا اسمع ليك وحدة بتناديني يا ندي ،، اتلفت ، و مسحت عيوني ،،
قلت ليها حبوبه انتي عرفتي اسمي من وين ؟
دفرت محمد قالت ليهو زح كدا يا جنا من الدرب ، تعالي انتي ماشه وين ؟
قلت ليها جيت بس اسلم وراجعه ، قالت لي لا تعالي ، و الله لو عندي امور الحقارة كان حدرت ليهو لكن دخلتا وانا مكسورة خاطر
(بقلم/سحر سمير ) .. ذخلت معاها في بيتهم السمح داا ،، قالت لي انتي امس رصيتي الارياح؟ قلت ليها اي
قالت لي رتبتيهم حلو والله انا لامن سالت نهله بتي قالتلي انتي ، قلت ليها الله يديكي العافية ،، اها دخلنا و بقت تنادي في بتها ، لمن جات والحته ملانه حريم ، والله من شافتني سلمت علي بحرارة
( م اكذب عليكم ، مرات بقول انا عملت شنو حلو ف حياتي ربنا برسل لي ناس كويسه في طريقه سبحان الله ) ..
اها قالت لي تعالي اكلي ، قلت ليها لالا شبعانه ، قعدت في اقرب كرسي ، جاتني وحدة من الحريم ديل ، قالت لي انتي من بنات العشي ؟ قلت ليها ما فهمتك ! قالت لي اها لالا انا بكون مشبهه عليكي ،
بقت تعاين في يديني ، لاحظت ليها ،،
دسيت اصابعي في التوب ، قالت لي مخطوبه انتي ؟ قلت ليها لا لسه بدري
قالت لي بدري شنو عروسه وحلات الدنيا عليكي ، قلت ليها تسلمي ،، جاتني خاله نهله دي ، قالت لي تعالي ، مشبت وراها دخلنا الغرفه ، امها ( الحبوبه امها لنهله ) جات داخله ، رقدت في السرير
قالت ليها يا نهله يا بتي اسي ولدك دا كان مجنون ما بعرفو , اسي لو جاب ليهو بنيه شبه ندي دي مالو كان الله بحاسبو ..
قالت ليها يا امي عليكي الله ما تمغصيني اكتر من ما انا ممغوصه ، خلاص هو براهو مصر عليها وانا وعدته اني م اتدخل في زواج واحد فيهم بعد دا خو حر انا العلي عملتو ، عرس ما يحلمو بيهو شباب كتار في عمرو ،، قالت ليها غلطتك انتي دي اخرة دلعك
قالت ليها وينو الدلع دا ؟
الرباهم منو يا امي ؟ سنوات انا بقيت ليهم الام و الاب ، عليك الله ي امي م تقلبي علي المواجع ، قالت لي ندي قربي جاي
قربتاا ، قالت لي شوفي ديل ، دي تياب تمام ، يلا انحنا عندنا محلات تياب و بنشتغل عموله برضو ، يلا اناي لسه صغيرة نضافه البيوت و الخدمة دي حرام ، وانا عارفه لو انتي ما محتاجه ما بتعملي كداا ..
اها يلا بعد عرس ولدي دا ينتهي ، تجيني و تنزلي معاي ، قلت ليها بس انا ما بفهم حاجه في الشغل دا ، حتي تعليم م قريت مدارس بس براي اتعلمتا ، قالت لي معقول !
قلت ليها ايوة ،، قالت لي يعني انتي اسي مافي جامعه ؟ قلت ليها لالا ،، سكتت و شردت كدااا ذهنياً ...
قالت لي م مشكله اصلا انا دايراكي تقيفي في الحسابات و كداا ، قلت ليها باذن الله ، بعد دا انا بمشي و بعد اسبوع ان شاءالله بجي عليكي ، قالت لي اربعه يوم بس ، قلت ليها اتفقنا ،، جيت امرق من الغرفه ، ادتني قروش ، ابيت اشيلا ، بس نقه و نقاش قالت لي خلاص اعتبري سلف لمن تشتغلي رجعي لي ، قلت ليها لا ولا سلف الموت والحياة م معروف ،، انبسطت كدا قالت لي حبيتك عشان شفافيتك دي ، بس بعد الشر عليكي ولو حصل انا عفيت ليك ،،
مشيت ، لمن وصلتا باب البيت ، بس اسمع صوت دوشه و اتلفت القي صينيه الاكل كلها اتكبت فيني من الاسمو محمد دا ، الله اعلم متعمد ولا صدفه ، بس كان ينبهني
بس ابتدا يتطاول علي ، قالي عميانه انتي ماشه تتقدلي قدامي وانا شايل صينيه قدر دي ، اتقول بيت ابوكي ،، الله جرحني للمرة التانية م حصل حسيت اني بكره لي زول قبل كداا ، بالجد زرع جواي احساس م حلوو ، قمتا ولا اتكلمت معاهو وانا عارفه انها غلطتو
بس قمت وكملت مشي رغم ان في حاجه حارة اتدفقت في كف يدي وحاسه بيها حرقاني،، مشيت وقفتني وحدة
قالت لي حتمشي وين كداا ملابسك دمعه و خدرة ، تعالي ، قلت ليها البيت قريب م تشيلي هم .. و مشيت ولا حتي م عاينت ليهو
،، مشيت وانا بالجد مزعوجة ليه هو ممكن يكون انسان سئ للدرجة دي ..
وصلت البيت حمزة شافني جايه مصادفين داخلين مع بعض البيت
عاين لي بي خلعه ، قالي دا شنوو داا مالك انتي ! دا شنو الفي ملابسك دا والطلعك شنو انتي ، ساكته ، بس و دخلتا مشيت علي زقاق الحمام ، استحميت و
كان عمدي جلباب في الحبل شلتو لبستو ،،
مشيت علي حظي الحلو خاله نعمة كانت نايمة ، مشيت المطبخ لقيت حمزة ، قلت ليهو اجل اي سؤال لبعدين اسي م رايقه
قالي لا ما بأجل ، قصتك شنو انتي و قاعده تمشي وين ممكن اعرف كان بتتقلبي كديسه انتي وريني ، عاينت ليهو و ضحكتا والله قلت معقوله مستوي تفكيرو وصل المرحله دي ، قالي لي بضحكك شنوو ؟
قلت ليهو ممكن اسألك سؤال ؟ قالي اها ،، قلت ليهو المقاسمين معاكم البيت
ديل منو ؟
قالي دا اصلا بيت خالتي حنان ، والنص التاني ديل هماا ( انا هنا ياداب وقع لي )
بالجد حسيت بخوف شديد
معني كدا ان ........
استككانة🌚~
يتبع ........
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
