جبنة في المصيدة

٢

حممتني تمام و مشت جابت البشكير بقت تنشف لي و بابا الشارع اتفتح ، قامت سترتني بالبشكير لفتو فيني ،،
ديل اولادهاا ، قالت ليهو عبودي دا انت ؟
اخوك وين ؟؟ قاليها جاي وراي ...لسه م تم كلامو جاا داخل ،، من شافني وقف يعاين فيني و صاري كدااا ، عمرو يجي زي 13 سنة كدا ، امه قالت ليهو : انت يا ياحمزة مالك ما بتسمع الكلام ياخ عان لونك دا قلب كيفن من الشمس طول اليوم في الشارع اصبر خلي الواطه دي تبرد بعداك حوم و العب زي م داير ، و انا واقفه بسمع و بعاين ، هو امه تنهر فيهو و بعاين لي انا بي تعجب ، قاليها دي منو ؟
قالت ليهو حتقعد معانا لمن ربنا يسهلا كدي لمن يجي ابوك ، ساقتني دخلتني البرنداا ، و بقت تتكلم ، يا ربي اسي اللبسا شنوو ، جا ولدا الكبير شايل ليهو فنله و ردا ، قاليها هاك ديل اصغر مني و اكبر من عبودي لبسيهم ليها ، قالت ليهو اسي كنت حأناديك ، اها اكلتو حاجه ؟ قاليها لا
قالت ليهو والله سليتو روحي يا ياحمزة ما ممكن لكن ، انا مجهزة ليكم الاكل دا قبل امرق اذا انت ما عايز كان تحشي لاخوك دا ، قاليهاا دي اسمها منو ؟
قالت ليهو انت قصتك شنو انا اتكلم معاك ف حاجه ترد لي في حاجه تانيه ، قاليها اسف
قالت ليهو ما بعرف اسمها منو ،، قرب مني قالي اسمك منووو ،، ما بتكلم طببعاً
قاليها هي كبيرة مالا ما بتتكلم ؟ قالت ليهو م بعرف يا حمزة ما تسألني ، قام قاليها خلاص نسميها احناا اسي اذا داير اناديها ، حناديها كيف ، بقت تضحك قالت ليهو شايفاكم حبيوتوها ، و لمن اولاد خالتك حنان يجوناا تصرصرو فيهم مالكم مزاجات انتو ؟
الاتنين شلضمو و سكتووو ،،، قاليها ايوااااه ندي ، عبده بقوليهو لا ما ثمح ، قاليهو اسكت انت لسه صغير العرفك شنو بالاسامي ، اها و الشكله دورت ، و انا بعاين فيهو مسهمة عديل ، لمن عبده قعد يبكي ، انا بقيت ابكي معاهوو ، استغربو فيني وهو زاتو سكت ، طوالي سكتا ،، امه قالت ليهو خلاص سميها انت ،، قاليها اممممم ما عالف ، قالت ليهو لمن ما عارف مالك اسي ، خلاص ندي حلووو ، و بقو عليهو ، بس هل انا حأتعود عليهو !!!!
المهم ، غدتنا و ديل يتشاكلوو ، لمن بليل شديد ، رقدتني في البرندة و كل واحد في سرير ،، و راجلها جاا داخل
و سامعاهم بتناقشو في الاوضه ، اتخيلوو بس ، قاليها اديني قرووش ، قالت ليهو من وين اجيب انا ؟ قاليها انتي قايلاني غبي عارفك ما بتخلي جنيه هنا كله عند اختك حنان ، شوفي هنااا داا والله بكرة دي كان ما اديتيني القرووش حكسر البيت دا فوق راسك فاهمه ولا لا ( و هي صرخت زي الكان جاريها ولا ضاغط عليها بيدو وقوتو ) ، قالت ليهو ياخ كفايه ياخ ،
حرام عليك ياخ اختشي ، شوف اولادك ديل ابسط الحاجات المحتاجنها ما قادر توفراا ليهم ، كمان السنه دي قعدتهم من المدرسه عشلن ما قادرين ندفع حق المدرسه ، لحد متيييين ياخ لحد متين انا اشقى و اتعب و انت تشيل جاهز ياخ حرام عليك م كفايه الخرابه المقعدنا فيها دي ، ( و طاااخ ضرباا و كاتمة الصرخه عشان اولادهااا ، رغم اني لمن انقلبتا لقيت حمزة دا صاحي و بعصر في عيونو و دموعو نازله عامل فيها نايم ، لمن قام مشي رقد جمب اخوهو و خت يديهو علي اضنين عبودي و ضماهو عليهو ، و اصلا عبودي نايم ) ..... وحات الله اتألمتا شديد رغم صغر سني الا اني كنت واعيه شديد و عقلي سابق عمري بمراحل ، اتاثرتا و كرهتا الراجل دا شديد ،
بالجد احساسي تجاه الخاله نعمة م بتوصف ، لولها انا كان ضعتا ،
كان اتشردتا ، كان ممكن اتعرض لحاجات كتيرة في الشارع ، بالجد ربنا دا رحيم و انا طول ما انا عايشه عاهدت نفسي اني اقيف جمب خاله نعمة و اساعدهاا ، يمكن يكون كلام طلع ردة فعل مني او كلام طفولي ، لكن عاهدت روحي اني اكون قوتاا ...