خاله نعمة قعدت و ابتدت تحكي ..
*باك*فلاش*
في اليوم دااك 14/5/2004 ، كنت شغاله دوامين ، كنت شغاله في دار الايتام بعد اطلع من بيت استاذة نهي ، بمشي علي الدار ،، في اليوم داا ، لمن بت نهي الصغيرة كانت عندها
حمة و مدام نهي قعدتني معاها عشان اسوي ليها مكمادات و كانت بتطل علينا ، و استاذ عبد سراج الدين كان طلع ،، مشيت عشان اعمل لبن لبتك ، جيتي مالقيتيني جمبها و شاكلتيني ، اني ما مهتمة بيها في حين اني مهتمة بيها اكتر منك و انا طلعت عشان اجيب ليها اللبن ، و الله والله انا ما قصدت اعمل الحريق بس نسيت التمارة جمب اللبانة والعين فاتحه واللبن دفق والنار مسكت في التمارة ، في اللحظة دي استاذ سراج جاا و معاهو تمني و محمد و انا خليت الشباك بتاع الغرفه حق بتك فاتح قبل اعرف الحريق ، و جيت استاذنت منك و مشيت وانا طالعه شميت ريحة الحريق عاينت و قمتا جاريه و بقيت متدسيه ورا الشجرة عشان نداا ، قصدي اماسي ، تنط بيهو و تاني الحصل م عارفاهو ........ قاطعتها وانا ببكي
قلت ليها الوقت دا النار شبت في البيت و انا واقفه بين غرفتي والسلم وامي عاجزة م قادرة تصل لي و بتقح لمن فقدت الوعي و محمد جا سامعاهو بكورك لابوي عشان تطلعوها و نسيتوني ، الا محمد جا راجع تاني لمن فقدني و سمعني ببكي و ما قدر يصل لي و بقول يا اماسي انزلي انا هنا م تخافي و انا مترددة والنار ماشه في زياده ، لمن وقعت وجرحت ركبتي و النار وصلت لضهر محمد و لانو شافع جراا برا و بقا بصرخ ، وابوي م عارف انا في البيت و هو م امي ،، بعدها انا رجعت غرفتي و نطيت بالشباك ، و بعدها بقيت م متذكرة اي حاجه ولان الشباك بالجمب زول لاحظ لي .... نعمات تمت ،، قالت زول لاحظ ليكي غيري مافي وكنت عارفه دا الحيحصل و بقيت متابعاكي لمن لقيتك ف المكان اللقيتك فيهووو ،،، و كل داا عشان ما عندي بنات كنت متمنيه بت زيك ،،،، بس بقيت ببكي قلت ليها طول السنين دي اناي عارفه اهلي وين
و معذباني في دار الايتام و جرجرتيني حرام عليكي ، انتي اكتر انسانه انا وثقت فيهااا ، عشان كدا م كنتي دايراني اجي ف مكان شغلك ، نهله قالت ليها
لاحول ولاقوة الا بالله ، عايني حالة اختي لحد يوم الليله داخله في نفسيات بسبب انه بتها ماتت و ما قدرت تساعدا و ربووو و ضيق نفس ، ومحمد ولدي كل يوم بلوم نفسه انه ما استحمل النار و جراا برا البيت و خلا نداا ولا اقول اماسي ما عارفه ،، حرام عليكي انتي حتعيشي عمرك كلو مجهجه و ما حتلقي خير يا نعمات في حياتك دي ابدااااااا ..
مصدومة م قادرة اتخيل ، بقيت كدا م حاسه بحاجه انا انصدمت في خاله نعمات معقوله ، جريت علي نهي اللي هي امي حضنتها بقيت اقوليها انا بتك ما مته ارجعي زي ما كنتي ما تشيلي نفسك ذنب ،، و محمد داا واقف من الصدمة م اتحرك لا بكا لا كورك م عمل اي ردة فعل ،، بقيت م عارفه اسوي شنو ،، بس بقيت ابكي اشاكل منو ولا اراضي نفسي ولا اواسي فقدي ولا عذابي ، انا عندي اهل و اخوان محرومة منهم .. حمدلله علي كل حال ..
يعني نهله خالتي و وليد ومحمد اولاد خالتي نهله ، و نهي امي و تمني اختي والعرس دا عرس مريم اختي الكبيرة و قالو عندنا انس.. المهم اليوم داا فقدت الوعي تماما
نمته نومة علي اساس ان هي ليله واحدة لكن للاسف شهرر انا فاقدة الوعي و مرقدة و م عندي اي مرض ،،، بعد الشهر فقتتاا
و طلعوني علي بيتناا و في فترة الشهر دي محمد م خلاني زي الياداب قدر يرجع لحياتو و احساسو بالذنب اتخلص منوو ، و تمني و مريم اخواتي الكبار كانو فرحانين بي شديد في حاله صدمة ان تكون معتقد الزول دا مات و تتعايش مع حزنك و فقدانك ليهو بالسنين و تجي تتفاجا انو كان عايش و هو ما جمبك ، اكتر انسانه اتضررت في نظري هي امي ، و كنت خاته تربية نعمات لي وحسن ثعاملتا لي جنيل م حقدر اسدو طيلة حياتي واتعرضت للاهانه سنوات ، بس تربيتا لي كانت هي ملزمة بيهاا ،، رفضت انها تتعرض لاي عقوبات قانونية ، حتي لو هي عملت كدا لكن اولادا وخصوصا عبودي كان نعم الاخ ،، و ذنبي طلعتو اختها منها في زواجا من راجلا بالدس و لحد الان م قادرة تعرف و تتاكد عبدالرحمن دا ولد منوو ، و مالمت في بيتها شالتو حنان و حتي الايجار ماعندها حقوو ... بس م قدرت اخليها في الشوارع بعد قدرت اعتاد علي حياتي طلبت من ابوي الرجع من السفر مخلوع بي بته الماتت انها عايشه ، طلبت مته انه يوفر ليهم بيت صغير ، وفعلا ما قصرر ..
و انا حياتي العايشاها دي زاتا ما قادرة استوعباا عيون امي وابوي كانت علي ، و بقيت بسافر ةع امي مل فترة الاردن عشان تتعالج ، حياتي كانت حلوة ..
و سمعت ان حمزة سافر و بعدها اخباره انقطعت عني ، واصلا ماليهو وش يقابلني بيهو ،، بس كنت بشوف عبدالرحمن كل فترة ،، و علاقتي بي عيلتنا كانت حلوة شديد و بحاول اتأقلم مع الوضع والحمدلله علي كل حال ... قبل اقفل دفتري ، طبعاً اسمي طلع اماسي ،، انا زاتي اتعندت علي نداا بس حبيت اماسي اكتر و
عايزة اقوليكم ان انا ومحمد رجعنا اصحاب شد
يد رغم انه متهمين بالحب بس لسه م اخدنا الخطوة دي ،، و خالتو نهله دي اجمل زول انا عرفتو في حياتي و الصدفه الوحيده الكانت صادقه في حياتي هي و حبوبة ...
_ مسويه لا حولااااااا انا كل ما اخش القاكي ماسكة القلم و دفترك ابو عنوان غريب داا
* خلاص انتهيت
_ ياخ قومي عشان نطلع خلي عندك دم انتي المفروض تقومي بتجهيزات عرسي دي كلها براكي لانو اتأجل بسببك .ههه
* طيب ههههه قايمة ، تمني وين ؟
_تحت مع مهجة
* طيب يلا بلبس و احصلك
_ لا ما حصدقك اقفلي الدفتر دااا
*حقفلو حقفلو والله انتهيت يلاااا ،،،
_النهاية_
جٍبنة في المصيدة .. تمت بحمدالله ، /بقلم سحر سمير ... بتمني تكون نالت رضاكم ،، نتلاقي في الرواية الجاية و هي اول روايه من#سلسلة_روايات_علاقات_محرمة_من_اعتدا_المحارم ....
ابقو عافية❤ بنتلاقااااااا قريب✋
أنت تقرأ
جبنة في المصيدة
Short Storyوجعتي كانت غير ، بداية حياتي اللي هي اصلا ما يتقال عليها حياة كانت غير ، 9 سنوات كانت بمثابة 90 سنة من الوجع و المعناة ، و اكيد كلنا مرينا بلحظات عرفنا فيها قدر شنو ربنا دا كان رحيم ، كنته متيقنة من التاسعه ان في نور حينور عتمتي ، في بطن الحوت كان...
