كبرياء أنثى / للكاتبة جوجو مصرية مكتملة

39

الحلقه 39


وصلت اسراء الى رفيقتها
اول ما رأتها و تشبثت بها
اسراء: الف سلامه عليكى يا حبيبتى
لتخرج نواره اخيرا من صمتها و ترد بهدوء: زى ما انتى شيفانى ..خسرت كل حاجه
اسراء بفرحه : ما انتى بتتكلمى اهه .. امال ايه جو الخرص اللى عيشاه ده
نواره: ما كنتش قادره اتكلم ... و احكى لبابا و لماما .. و طبعا ما حدش منهم كان هيسيبنى فى حالى
اسراء: طيب ما تحكيى يا حبيبتى .. ايه اللى حصلك
نواره و هى تتذكر ما لا يغيب عن عقلها و بدئت فى قص ما مرت به بمراره
اسراء : ياااااه يا نواره و استحملتى كل ده لوحدك
نواره: ممكن اطلب منك طلب
اسراء : انت تؤمرى
*************************
يجلس فى منزله على اكمل استعداد للانقضاض على فريسته
ليدق هاتفه معلن اتصال من شريف
ادهم: ها يا شريف.... طيب طيب جايلك حالا مش هتاخر
****************************************
كان يجلس فى سيارته ينتظر .. ما يحدث .. ليفاجئ بأنثى الافعى و معها اسر .. يذهبان الى بنايه فى احد شوارع الاسكندريه
*****************************
قامت ارتدت ملابسها و نظرت الى صديقاتها التى كانت تنتظرها فى الخارج
اسراء: يالا بينا
هزت رأسها اليها بالايجاب ....
بثينه : على فين يا اسراء
اسراء: هنخرج نعد فى اى مكان على البحر يا طنط علشان تغير جو بس بدل اعده البيت
بثينه: طيب يا قلبى .. خلى بالك منها
اسراء: ما تقلقيش يا طنط فى عنيا
****************
قاد سيارته بسرعه جنونيه ليصل الى صديقه ... صف سيارته و ذهب اليه
شريف: ايه يا بنى السرعه دى انت لحقت
ادهم: هما فين .. فى العماره دى صح
شريف: و انت عرفت منين
ادهم بحزن: ما هى العماره اللى ظبطها معاه فيها
شريف و هو يربت على كتفه : يالا بينا
توجه معه ادهم الى تلك الشقه التى يتذكرها جيدا.. لم تغب عن باله
دقا الجرس .. ليفتح لهم خالد
لم يجد سوى لكمه اسقطته ارضا ليدخل و يجذب اسر هو الاخر من ملابسه .. و يقوم بلكمه لكمات متعدده مع الكثير من السباب و الكلمات النائيه ..
اسر: انت فاهمنى غلط
لم يتفاهم فيزداد لكمه .. و كان خالد هو الاخر بين يدى شريف يلكم ..
اما هى كانت تنظر له بشوق ثم فجأه تحول الى حقد
اخرج من سترته ورقات تعد على اصابع اليد الواحده
جعل خالد يمضى مكرها على الاولى
و اسر يمضى على اثنان بالاكراه
اما ساره ...
ادهم: انتى بقا دورك لسه بدرى اوى عليه .. جايه تخربى بيتى .. و تضيعى منى مراتى ..
الكلام ده كله ما يفضحنيش.. انا الراجل ... بس حتى مقدرتيش تحافظى على اخرك حاجه كويسه كنت شيلهالك .. فعلا طلعتى انسانه رخيصه اوى .. انا مش عارف انا ازاى كنت مخدوع فيكى ..
ثم تركهم هو و شريف و غادرا المنزل ... لتنظر له بغيظ مكتوم.. ثم فجأه تصيح فى الشابان
ساره بغضب: بقى انتم رجاله انتو .. لما يدخل يضربكم و انت اعدين شبه الفيران..لا و كمان بيمضيكوا
خالد: انا لو قدم الورقه اللى معاه دى للنيابه يبقى بيتى اتخرب و مستقبلى راح.. دى اقل ما فيها 3 سنين
اسر يندب حظه هو الاخر: انا اتخرب رسمى خلاص.. غير وصل الامانه.. مضانى على تنازل على نصيبى فى المكتب .. انا كده اتسوحت
ساره: الظاهر انى اخترتك غلط ...كانت غلطتى لما فكرتكم رجاله يعتمد عليكوا طلعتوا زباله ...حتى لو كل واحد منكو خاف.... انا برضوا هفضل مكمله
***********************
قام اسر الذى كان خسر كل شئ صديق طفولته.. و زميله ...و عمله .. خسرت من كان فى مقام اخوه ...بسبب
لا.. بسبب ...
*************************
اسراء: انتى مجنونه .. لا طبعا انا مش معاكى فى تصرفك ده
نواره: لو سمحتى ..بلاش تضغطينى انا على اخرى
اسراء: انتى بتحبيه ..ازاى هتعملى كده
نواره : انا مش طايقاه .. ثم وضعت يدها على رأسها .. و شعرت بدوار
اسندتها اسراء.. و اجلستها على اول مقعد قريب
و هاتفت شريف
شريف: ايه يا حبيبتى
اسراء: الحقنى .. نواره اغمى عليها منى و احنا فى الشارع مش عارفه اتصرف ازاى
شريف بلهفه: ايه نواره .. طيب طيب انتم فين
اسراء: فى المنشيه عند الشهر الxxxxى
شريف: جاى حالا
ادهم: فى ايه مالها نواره
شريف: زى ما سمعت اغمى عليها ..
انطلق بسياره صديقه ليصلان الى هناك ..كانت هى اوشكت على اعاده التوازن مره اخرى
لولا مهاتفه شريف لاسراء: انتم فى الدور الكام
اسراء: التاسع
شريف: طيب طالع حالا
ادهم : انت ماقلتش ليه انى معاك
شريف: بتقولك تعبانه .. فكرك انها ممكن تقبل تشوفك
صعد ليجدها تجلس على كرسى و يظهر عليها الاعياء بشده: دون كلام التقطها بين يديه و نزل بها
شريف و هو يميل على اسراء: ايه اللى جابكم هنا
اسراء: جايه تعمل توكيل للمحامى علشان ..
شريف: انطقى علشان ايه
اسراء و هى تشير بعيناها لادهم الذى لازال يحملها كطفله بين ذراعيه : هتخلعه



اغنيه البارت
(لازم نفترق - عمرو دياب )
و الى اللقاء فى الحلقه القادمه