.ماشة ارجعهم ليها دي اهانة دي .......يا مراة تعالي ختي الحاجات دي هنا .......جات ختتهم ......كيف ترجعيهم ليها ......انتي عارفة دي هدية مفروض تقبليها و بعدين انا شايف انو الهدايا حلوات مالك انتي عايزة شنو بالضبط .......يا راجل المغتربين بجيبو الدهب اسي هي ملانة دهب لي حلقومها مفروض على الاقل خاتم قويشة تجيب لي دلاقين انا ناقصة كمان .......يا مراة مية مرة قلت ليك ما تعايني للعند غيرك ما تعايني لي حق الناس انتي مالك مراة قاهرة كدي اقعدي في الواطة دي و ما تنسي دا اخوي يعني حيزعل و بعدين انتي فاكراهم بقو شنو مليارديرات ........اجي يا راجل اسي ناهد دي لاسبة ليها دشلمية غويشة كبيرة قدر دا غالبها تجيب هدية جرام ولا جرامين على الاقل لي انا دي ........يا مراة انتي ما بتفهمي راسك دا فيهو شنو ما تعايني لي حاجاتها يا مراة و خشي جوة ادي البنات ديل حاجاتهم .......جدعت ليهم الاكياس و قعدت في السرير القصاد ابوهم .......انت يا الزين اخوك عبدالله دا مالو بقى متكبر و رافع نخرتو كدا و العجب ناهد واولادها لا حو ل ولا قوة الا بالله التقول بقو أمراء و ملوك في السعودية ........يا مراة متكبرين كيف يعني عرفتي كيف انهم اتكبرو .......يعني ظاهرة بيتهم كيف و لابسين كيف و بعاينو للناس كيف كيف .......يا مراة ما تقطعي من راسك و تتوهمي .......الناس ديل وضعهم بفرض عليهم كدا يعني الزول كان عندو اللبس السمح يلبس الشين و المقطع عشان تشوفو متواضع .......لكن يا الزين ......خلاص يا حليمة كفاية قومي اعملي لينا لقمة ناكلها بالله خلي كلام الناس و الكلام الفاضي .........ددخلت امهم المطبخ و هي تتطنطن و بقت تنادي في فاتن .......جاتها جارية قالت ليها...... اوعا بتها الاسمها ليان دي تفوتك في الفصل خليك اشطر منها عشان افتخر بيك و اقول ليهم بتي فاتن اشطر .......كويس يا امي بجتهد و هي باين عليها بليدة بالذات في الانجليزي .......خلاص بس عايزاك تكسري لي نخرين امها الطوال ديل ........جرت طبعا اجتهدت فعلا و المتحانات جات .......
طبعا بعد كل امتحان بوزعو ليهم الورق .......اول امتحان كان قران ......ليان قفلتو و فاتن جابت 25 من 30 .......طبعا النار انطلقت فيها و ركبها شيطان الحسد اول مرة و مشت قعدت جنبها و اتونست معاها و اساسا هي بتعرفها عشان بت عمها و كمان حاولت تصاحبها بس فاتن كانت رافضة و كم مرة نهرتها من انها تباريني لاني ما طايقاها من كلام امي و شايفة انها بتمثل المسكنة و عاملة فيها طيبة و البنات حبوها على طول .......مما جيت صاحبتها و طوالي هي صاحبتها بدون تردد و ما صدقت و بقيت تتونس معاها .......كانت شايفاها كيف كيف و ما طايقاها ......بعد شوية قالت ليها امشي جيبي لينا داردمة من خالتو عواطف ........فاتن بس كانت عايزة تفوتها .......فعلا فاتت خلتها و طبعا كان امتحنو الفقه و ما ادوهم ورقو لسة و بكرة عندهم امتحان رياضيات مادة صعبة شديد و بعديها عربي ........فتشت شنطتها شرطت ليها كتاب الرياضات و العربي و كراس الانجليزي كمان و خلتهم في مكانهم و لما جات اكلو الداندرمة و طلعوا ........تاني يوم جات وشها وارم من البكا طبعا عرفت فاتن انها نجحت في تحطيمها و تدمير مستقبلها....
يتبع...
