انا بس عايزة اطلب منك طلب ما عايزاك تفكر كتير بس حاول حسن علاقتك بيها و حاول ارضيها و ما تكون اناني ما بتفكر إلا في نفسك. ......جلال بقى يتمتم اقسم بالله ، بعدها سكت قال استغفر الله العظيم.......شكرا يا فاتن لكن ااكد ليك مافي حاجة من البتحكيها ليك صحبتك دي حاصلة انا ما عارفها ليه بتكذب كدا .......احتمال عشان عرفت انك عاجبني و خايفة مني عليك 😉 ........قالتها فاتن و جرت بيتهم و خلت جلال لا قادر يرجع لي فاطمة لا يلحقها هي .......
رجع البيت و ما سلم زاتو ......فاطمة اساسا ما اشتغلت بيهو .......بعد شوية جهزت ليهو الحمام و مشت جابت جك العصير ختتو قدامو .......شات العصير فيها لمن الكباية اتكسرت .........جاي زهجان من برة ما تجي تفشو فيني انا سامع ولا ما سامع ........قال ليها حسبي الله ونعم الوكيل فيك ياخ انا كنت فاكر نفسي اتزوجت زينة البنات .......مالك يا جلال في شنو يعني لي كلامك دا ........في انك بتطلعي اسرار البيت برة ليه يا فاتن كدا ........فاتن بقت مخلوعة و حلفت بالتقطعها كان جابت سيرة أسرارهم لي زول .......كمان بقيتي تكذبي يا فاطمة انا سمعتكم انتي و صحبتك فاتن دي بتتكلمو ........فاطمة محل تخش غلبها اتخلعت و صبت فيها مطرة .......قالت ليهو قصدك لي فاتن انا كنت فاكرة قصدك اسرارنا احكيها لي اهلي و بعدين عادي دا كلام نسوان مع بعض ما فيها حاجة .......كييييف ما فيها كيييف بس يا فاتن بتبالغي ياخي انتي مراة ما بتفهمي دي حاجات ما بتطلع برة .......فاطمة بدات تبكي و تتاسف لي جلال و هو ما راضي نهائيا .......قعد جلال كم يوم يفكر في كلام فاتن اصلو ما فارقو كلامها و هي تاني ما جات لي فاطمة لانها اتاكدت انو حبكت القصة لما شافت جلال بقى يقيف في الدكان الجنبهم ينتظر طلوعها .......و في يوم شافتو بي شق الباب لبست توبها لانو ابوها ما كان في البيت و طلعت عملت فيها ما شايفاهو .....
..بس هو مجرد ما شافها جا عليها و سلم عليها ، و ردت السلام و بقي يسالها من أحوالها و هي ترد و تسالو من فاطمة و اخبارها .......رجعت بيتهم و جلال ما رجع معقول فاتن الكل شاب في البلد بحلم بيها تفكر فيني انا معقول بي ياتو منطق ياخ الحلة دي كلها بتتمني ضفرها ...... و في يوم بعد تفكير اتشجع و مشى دق بابهم فتح ليهو ابوها .......بعد سلم عليهم و كذا و عرفهم بي نفسو طوالي طلب يدها .......لكن يا ولدي انت متزوج ما تميت سنة لسة .......اي عارف ،بس ما ارتحت مع مرتي و من حقي اتزوج تاني اذا انا شفت اني بحتاج ، و الراجل محللات ليهو اربعة و ما محددين ليهو زمن معين .......بس نحن بتنا ما بتجي في مراة و ضرة عشان كدا ما اظن البت توافق .......انت اسالها يا حاج اذا رفضت تبقى انت عمي و انا ولد اخوك و ما بينا غير الكلام الطيب و كل خير ........ابوها عجبتو روجلة جلال و كلامو الفي المليان و حس بيهو راجل مالي مركزو.......قال ليهو خير ان شاء الله تعال لي تاني بوريك الجواب .......خلاص خير ان شاء الله ......طلع جلال بعد سلم على ابوها .....
مشي الزين كلم حليمة و فدوى و فاتن .......حليمة استغربت اجي دا شافها وين ........ما عارف لكن فاطمة صحبتها .......حليمة عاينت لي فاتن قوي لانها ياداب فهمت مشياتها لي فاطمة معناها شنو .......قالت ليهو كدي خلينا يا الزين نتفاكر انا و البنات و نرد لو انت ما عندك مانع ......انا ما عندي مانع كنت بس ما عايز ضرة لي بتك لكن ما دام موافقة ما عندي مانع لو عندها قسمة بتاخدها ........بعد الزين مشى بي غادي ، حليمة جات جارية على فاتن و جرتها من اضانها احكي لي من طقطق للسلام عليكم يا بت الكلب كمان جابت ليها قلة ادب و كلام فارغ ........فدوي واقفة صابة فيها مطرة ........فاتن قالت لي امها بحكي ليك براك عشان الواعظة دي ما تفتح خشمها .........فدوى قالت ليها كمان عايزة تفكري يا فاتن دي فاطمة صحبتك يا بت ........ما عندك بي شغلة مالك و مالي و لا خايفة اتزوج قبالك ........حليمة نهرتها قالت ليها دا شنو يا فاتن ما تقولي لي اختك كدا و هي كمان نصيبها بجيها .......فدوى مشت غرفتها ........حكت فاتن لي امها التكتيك ........بالغتي يا فاتن لو ولد صغير ما مشكلة لكن دا واحد متزوج و متزوج صحبتك كمان انتي غبية ........لا والله يا امي ذكية و اخترت احسن زول بس انتي وافقي و انا من اول يوم بخليهو يطلقها ........فعلا امها وافقت في وسط زهول فدوى. و بعد جلال كلموهو بالموافقة مشى شال سلفية من المكان الشغال فيهو عشان يعرس بيها .......جاب ليهم البتمنوهو و بعد خلاص العرس باقي ليهو اسبوع جلال كلم فاطمة ........عشان ما تقولي دسيت منك ولا كدا و شرع ربنا ما حيكون عندك عليهو اعتراض .
يتبع....
