فاتن جرت طلعت مشت بيت اهلها ........حكت لي امها كل الحاصل .......ها العويرة انتي غبية ولا شنو الراجل تهتمي بيهو و تريحيهو ينفذ ليك العايزاهو تقوي راسك و تعملي فيها راجل بكسر راسك انتي عويرة والله .........لكن يا امي انا قلت ليك شكلو دا ما متحملاهو تقولي لي اهتمي بيهو .......امها بدات تدي فيها في دروس كتيرة و قالت ليها ما تكلمي زول و تطلقي اسكتي و اصبري كلو بمشي تمام ........فاطمة ولادتها قربت و خلاص جهزت حالها للولادة ........فاتن من الصباح مشت البيت و قعدت كانو ما حصل حاجة ........جلال ما اشتغل بيها و بقت تنفذ في خطط امها و جلال مبسوط من التغير الحصل ليها فجاة جات اعتزرت عن الحصل .......
.بعد فترة بسيطة فاتن حملت و بقت تتوحم و فاطمة ولدت و جابت ولد و جلال بقى مبسوط بي ولدو ....... سماهو حسن .......فاتن بقت تتدلع كتير و لقت جلال بنفذ ليها العايزاهو. و عرفت انو خطط امها بتجيب فايدة فعلا .......جلال عايزة اقول ليك حاجة كاتماها جواي كتير ........قولي يا حبيبتي شنو دا ........فاطمة .......مالها فاطمة و وشو قلب .......انا بغير عليك منها ارجوك طلقها انت موش وعدتني انك تتطلقها ......كيف يعني اطلقها و انا عندي منها الولد .......كان على الولد انا بجيب ليك اولاد كتار ...... .ما بقدر هي قريبتي ما ينفع اطلقها. ........انا لكن ما قادرة اعيش كدا و هي في عصمتك ما بقدر........ارجوك يا فاتن اقفلي الموضوع دا ........اقفلو لي متين و اموت بي حرقتي. ........انتي برضو ما اتزوجك فيها مالها ما قالت لي طلقها ........فاتن استغربت عاينت ليهو مسافة معقول ما قالت ليهو كدا ........معناها يا حبيبي ما بتغير عليك و بما انها ما بتغير عليك معناها ما بتحبك لكن انا العكس غيووووورة و عايزاك لي براي. .......جلال داب في دباديبها و عجبتو الفكرة معقول فاطمة ما بتحبني عشان كدا ما بتغير .........مشى لي فاطمة بعد فترة النفاس و بعد الونسة و كدا سالها قال ليها يا فاطمة انتي ما حصل غرتي على .......فاطمة عاينت ليهو مسافة و بقت تبكي .........جا قعد جنبها مالك اسي كنا بنضحك ......كيف ما بغير بموت من القهر كل يوم بس اتعودت انت خنتني و صحبتي خانتني .......كيف يعني خنتك يا فاطمة ........دي خيانة كيف تعاين لي صحبتي و ما تتزوج الا اقرب واحدة لي يعني الطعنة جاتني من الجهتين ........جلال ضماها و هو فعلا متضايق عشان الحصل ليها اول مرة يسالها من حاجة حاسة بيها و كانت شايلة جواها ظلم و قهر .......
.اليوم داك جلال ما نام بقى يفكر كيف فعلا صحبة ممكن تخون صحبتها كدا ........و خت نفسو مكان فاطمة اقرب صاحب يتزوج زوجتو حتكون خيانة عظمى من الاتنين .حتى لو بعد يطلقها ......بدا يفكر من اول لقاء مع فاتن حس انها كلها خطة منها عشان تتزوج زوج صحبتها يمكن عشان تقهرها .......صحى فاطمة........فاطمة اصحي دقيقة ...... قالت ليهو و هي نعسانة نعم ........انتي قلتي لي فاتن شنو بالضبط عن الليلة اللبستي فيها لون وردي و انا قلت ليك الاحمر احلى و بعدين ........عاينت ليهو مسافة معقول قصدك شنو و ليه بتسأل ......قال ليها كلام فاتن القالتو ليهو ........حسبي الله ونعم الوكيل انت يعني كل الحاصل دا سمعتو منها هي ؟ يعني ما سمعتنا ......كيف تسمح لي مراة غريبة تحكي ليك حاجة زي دي .......جلال طلقني انت واحد تافه و كذاب ........جلال بقى يبرر ليها .......زح مني بس خلي الواطة تصبح ما بقعد و لا ثانية معاك ........قدر ما جلال حنسها ابت ترضي ، في الاخر امها رضتها و قالت ليها البقي بقى تعملي شنو يعني ........رجعت لي جلال بس ما زي اول احساسها بالذنب انها خربت بيتها بي يدها اختفى ، بقت عارفة انو دا كلو من تدبير فاتن و حسبي الله ونعم الوكيل الله ينتقم منها شر انتقام .......جلال لما رجع لي فاتن ماسالها أتأكد انها فعلا بتحبو لو ما بتحبو ما بتخاطر بي صحوبيتها لي صحبتها العزيزة و تتزوجو هو .........
بعد فترة تاني فاتن بقت تزن على جلال في موضوع طلاق فاطمة .......بس جلال كان بمشيها و بطنش .......و هي بتزن ........و في يوم فاتن طلعت من بيتها ماشة لي جارتها شافت ليها واحد طالع من بيت شكلو زول جديد لانو البيت دا كان فاضي .......واصلت لي جارتها و طوالي سالتها ديل منو السكنو بي جاي ديل .........ديل عرسان تخيلي اجرو البيت دا .......ماشاء الله عرسان عديل كدا .......اي شفتي العريس حلاتو ........فاتن دخل راسها العريس دا و حسدت مرتو عليهو ........شوف بالله راجلي كيف و دا كيف .......انا مالي ما سمحة مالي ما بعرس واحد سمح زي دا ..... .زمن غايتو
يتبع.....
