. ليه يا فدوى تعملي كدا حرام عليك انا حبيتك بالجد و اخلصت ليك و قلت غيرك ما عايز في الدنيا دي .......انا كنت بيك بستقوي على حاجات صعبة و اتعالجت بي سببك بس اخ اخ ........حس بالضعف و الهوان ........بطنو طمت من العرس و الزواج و إكتشف انو خدعة كبيرة ........
فدوى اليوم البعدو ما اكلت كمان .......طلعت من غرفتها عايزة تشرب ليها موية من العطش ........فاتن قالت ليها هو شنو هو راجل و لا قيامة عاملة في نفسك كدا ما خلاص انسى و عيشي حياتك ........انتي تسكتي مني خالص ما عايزة معاك اي كلام ما عندك بي شغلة و انتي يفرق معاك في شنو ؟ ........خايفاك تقتلي نفسك بالجوع ......انتي بتتمني اموت الليلة قبل بكرة .......فاتن اتخلعت قالت ليها ما للدرجة دي ما بتمنى ليك الموت انتي اختي مهما كان بس احسن ليك جات منو ما جاات منك ........يا فاتن اختيني بالله عليك الله خليك في حالك ما تدخلي فيني ......فدوى اتلفتت عشان ترجع غرفتها بس قعدت في اقرب كرسي و جاها هبوط .......
.فاتن اتخلعت و بقت تصحي فيها ........نادت امها و ابوها حاولو يصحوها ما صحت جرو بيها العيادة .......ركبو ليها محاليل طبية و فاقت شوية ادوها اكل قالو ليها السكر نازل شديد لازم تاكل حاجة .......رفضت تاكل و قالت ليهم ما عندي اي نفس .......الدكتورة بعد شوية جاتها قالت ليها عارفاك بطنك طامة بس لازم تاكل عشان الفي بطنك ما تحصل ليهو حاجة .......فاتن كشرت وشها حليمة قالت ليها قصدك شنو يا دكتورة ......يعني ما عارفين ........فدوى قالت ليها عارفين شنو ........انو انتي حامل بس ما متاكدة في اي شهر لاتو ما عندنا موجات هنا لكن الهرمون في الدم عالي .......فدوى اتبسط جدا ، و الفرحة بقت ماسايعاها ، بعد يومين هم و حزن و قهر و ظلم ربنا فرجها عليها من وسع ، و حست انو جواها قطعة من حبيبها .......بقت تاكل رغما عنها و فاتن تشيل و تلولو في خشمها .......دا شنو دا متين هو بسم الله ......
.فدوى رجعوها البيت مبسوطة جدا و قالت لي امها انا لازم انزل الخرطوم عشان اعمل صورة موجات لاني متشوقة شديد ........امها اتبسطت شديد لما شافت فرحة فدوى و قالت الحمدلله ربنا استجاب لي رغم ذنوبي الماليها حد ولا ليها قيف الحمدلله........فدوى جهزت شنطتها و نفسها متين الواطة تصبح و تجري تكلم سالم بالحاصل .......اما فاتن قالت لي امها انا بمشي معاكم .......امها قالت ليها ما مشكلة خلاص ............فعلا تاني يوم فدوى صلت الصبح حاضر و تدعي ربنا يرجع ليها سالم و يعيش طفلهم بيناتهم ........فدوى الصباح لما عرفت فاتن ماشة معاهم بطنها طمت و بقت متنشنة و خايفة ما عارفة ليه......
..وصلو الخرطوم و قعدو عند اقاربهم من بعيد و فدوي طوالي مشت المعامل الشغالين فيها هي و سالم و فاتن قالت ليها إلا امشي معاك .......فدوى خايفة من مشي فاتن معاها بس ما بتقدر تقول ليها حاجة سكتت مشت معاها .........بعد وصلو فاتن برة لاقت امجد ( متذكرنو الكان بحبها في الجامعة و هي ما شغالة بيهو ) .......سلمت عليهوسلام حار شديد وهو زاتو استغرب بس عجبتة الحكاية .......فدوى اتبسطت انو جا شغلها شوية ......دا ولدك يا فاتن ماشاء الله........ايوة والله لكن انفصلت عن ابوه ...... امجد السرور ظهر في وشو .......قال ليها حتستقرو هنا ولا .......لالا والله اختي شغلها هنا بس نحن في البلد ......ايوااا بلدكم دي وين يمكن يوم نجيكم زيارة ......فاتن فهمتو بلمح لي شنو و فرحت للضرس الاخير و صفت ليهو حيهم ......تجي شفت اي زول في الحلة بوريك. بيت ناس الزين .......ايوااا .......فدوى سالت من سالم قالو ليها قدم استقالتو من امس.......فدوى بدات تبكي من الحزن .......سالت منو معارفو و اصحابو ماف زول شافو .......طلعت قالت لي فاتن ارح نمشي .......بطنها طمت بقت ما عايزة تشوف البيبي ولا عندها نفس لي حاجة .ّّّّّّ.......رجعت البيت و حكت ليهم الحصل و اليوم البعدو مشت للبيت البنوهو سوا .......دقت الباب لانها حست بي حركة جوة .......فتحت ليها مراة شكلها بسيطة جدا ........فدوى اتخلعت قالت ليها انتي منو .......هوي انتي منو و عايزة منو .......قالت ليها دا بيتي انا انتي قاعدة هنا تسوي شنو
يتبع.....
