.فدوي بقت تقول ليها يا فاتن اصبري عليهو اتذكري انك اخترتيهو من الاول و اصريتي عليهو. .......انتي ما تتدخلي عارفاك حاسداني و قاصداني و ما بتريدي لي الخير كلو كلو ......فدوى اتصدمت في كلامها .......معقول يا فاتن انا اختك و ما عايزة بيتك يتخرب .......انا عايزاهو يتخرب انتي مالك و مالي و لا عاجبك اني عايشة مراة تانية لي راجل متخلف زي دا ........فدوى فضلت انها تسكت تخليها و امها واقفة معاها .......اي ما تقعدي معاهو يطلقك بس و انتي ذاتك المعرسك واحد زي دا شنو بس راسك القوي دا ........يا امي الحصل حصل خلاص انسو اسي انا غيرت راي. .. ....
فاتن رجعت بيتها تاني و بقت ما شغالة بي جلال نهائيا لا حقو الشرعي ولا الغير شرعي .......و بقت كل مرة تمشي تدق لي سامي الباب بس ما بفتح ليها .......و هي بتكو ن سامعة صوت الرادي بس ما بفتح ليها خالص ......بعد زحل جات سامي حكا ليها الموقف .......دا كلام شنو المرأة دي قليلة ادب ولا شنو و هي عارفة انا مافي البجيبها شنو ........يا زحل في ناس كدا بكونو على سجيتهم يعني ......ما تقول لي على سجيتهم انت ما عارف حاجة قال سجيتهم قال انت عارف القصص البتحكيها لي عن مغامراتها مع راجلها انسى بس قال سجيتهم دي مراة شكلها تافهة و اتجاوزت كل الحدود .......اوع تكوني كمان بتحكي ليها عن حاجة بيناتنا ......ل ا ا ا .....لالا مستحيل احكي ليها انت قابلني عو يرة .......
.زحل مشت تفكر و راسها يودي و يجيب المراة دي مالها معاي .......العصر كدا جاتهم فاتن في البيت سامي فتح ليها الباب افتكرو واحد من الجيران ...... بقت واقفة مسافة جنب الباب ......مالك ما كنت بتفتح لي الباب ؟ .......إاااا منو انا دا لالا ما كنت في كنت بطلع العصرية .......ايوااا تمام ......و هي داخلة بدات تفك توبها و رمتو في السرير و زحل ظهرت ليها طلعت من المطبخ ......فاتن اتخلعت لما شافتها .......ز ز زحل هي حمدلله على السلامة.......زحل لزتها من قدامها شيلي توبك و اطلعي برة كمان جابت ليها تعري و قليع ملابس ........فاتن اتخلعت قالت ليها ما قصدي شي عادي يعني و انا مستورة اسي قصدك شنو يعني .......قلت ليك امشي اطلعي برة بيتي ......فاتن شالت توبها و طلعت و شافت سامي قاعد في الصالون لما شافها وقف على حيلو ......شفت مرتك افتكرت اني مراة ما كويسة و انا والله بي حسن نية عاملة البيت بيتي ما اكتر من كدا و انتو معتبرتي غريبة ......لالا ما كدا زحل متشددة شوية عشان كدا بتكون زعلت البيت بيتك عادي .......زحل جات لي سامي و سمعتو بطيب في خاطر فاتن .......فاتن عاينت ليها و قالت ليها الله يسامحك و طلعت ........دا شنو دا يا سامي يعني عايزها تعمل العايزاهو و عاجبك موش .......لالا ما قصدي بس ما حبيت ازعلها .......يا سلام يعني زعلها بفرق معاك يعني ........زحل افهمي قلت ليك ما عايزين نزعل زول مننا و بدات مشكلة بين سامي و زحل ........
فاتن طلعت بيتها و هي بتتوعد زحل انها تخرب بيتها و ما حتخليها نهائيا لازم تنتقم ........فاطمة خلاص اتعودت على الوضع الجديد و حست انو بي تعاملها الكويس مع جلال قدرت تكسبو فعلا و ترجعو يتعامل معاها زي اول ايامهم .........مبسوطة جدا بي ولدها و مرتاحة نفسيا رغم انها كانت حاسة انو عمرها ما حتقدر تتقبل الوضع و كل كلام جلال معاها محسسها انها اهم بالنسبة ليهو من فاتن ......
و في يوم كانت طالعة ماشة لي جارتها وشايلة و لدها و فاتن كانت جاية من بيتهم اتلاقو في الشارع بس فاطمة واصلت عادي كانها ما شافتها ولا شافت زول بتعرفو في الشارع .........فاتن التفتت عليها .......فاطمة كيفك ؟ .......فاطمة مواصلة طريقها الحمدلله ......دقيقة يا فاطمة لو سمحتي .......فاطمة وقفت ......كيف عاملة ......بخير عايزة شنو ......عايزة اسالك من حاجة .......شنو ان شاء الله خير .......جلال بتعامل معاك كيف ؟ .......و انتي يخصك في شنو ؟ غلطت مرة بس تاني مستحيل اكرر الغلط دا ........ما قصدي كدا انا والله معيشني في الجحيم و قدر ما حاولت اطلق منو رفض يطلقني ما عارفة لي شنو بس ساعديني اني اطلق ......فاطمة ملامح وشها اتغيرت و بقت متعاطفة معاها ......مالو عمل ليك شنو .....انا بس عايزة اطلق من حقي اعيش زي اي زوجة و هو بعاملني زي اختو يا فاطمة انا بس صابرة عليهو. .......فاطمة اتصدمت قالت ليها انا اكون زولة كعبة لو اتسببت في طلاقك منو ........بس دا الانا عايزاهو و عايزاك تساعديني ......طيب بشوف ان شاء الله .......فاتن جرت بيتها و قبل تصل لاقت سامي و هو نازل من الحافلة و جرت عليهو دي فرصتي ........سلمت عليهو و قالت ليهو انت عارف زحل حكت لي بي موضوع كدا زعلني منها جدا .......موضوع شنو دا ..
يتبع.....
