جلال لقى فاطمة قاعدة في بيتها و اخر حنة و جيهة رغم انها حامل بس ما قصرت عايزة تستعيد زوجها ........لاقتو بابتسامتها المعهودة .......جلال كانو كان غايب عنها فترة طويلة سلم عليها و دخل جابت ليهو العصير و بقت تتونس معاهو في مواضيع عادية و جهزت الاكل عادي و كدا جلال كان مبسوط جدا و حاسي انو المرتين حيتبارو في ارضاهو و قرر انو يعدل بينهم و ما يقصر من واحدة فيهم ........اليوم التاني مشى ساق فاتن وداها بيت ناس اهلو في حي قريب من حيهم دا ........
جلال انا ما بقدر اعيش في الغرفة دي عايزة لي بيت براي ........بيت براك اجيبو ليك من وين لكن .......ما بعرف حرام عليك انا اقعد في غرفة زي دي ........جلال اتضايق قال ليها بديتي تتزمري من البداية ........خلاص خلاص عشان خاطرك بعمل اي شي .......قعدت اهلو عاملوها كويس و ما عندهم معاها مشكلة بس ام جلال بتريد فاطمة اكتر بس ما زولة كعبة يعني مسكينة و في حالها بس عايزة ولدها يكون سعيد .......
بعد فترة جلال جا راجع البيت لقى فاتن طالعة ليها في تربيزة و بتتكلم مع جارتها .......دا شنو يا فاتن .......نطت فوق قربت تقع من الخلعة .......مالك في شنو بتكورك .......ما شايفة نفسك لابسة كيف ؟ و ليه بتتكلمي مع جارتك بي قميص زي دا ........ما قاصدة كنت لابساهو و نادتني بي فوق .......جارتها وقفت تتصنت على كلام جلال ليها .......شوووف الكضاية متين انا ناديتها .......خلاصة القول تاني ما تطلعي بي فوق امشي ليهم بالباب .......قالت ليهو هي ما تعلي صوتك علي احرجتني قدام جارتي انت قايل نفسك منو ........دا كلام شنو يا فاتن انا الراجل هنا و انتي تسمعي الكلام بس .......منو دي يا اخوي حركاتك دي تعملها لي فاطمة ما لي انا و بعدين فاكر نفسك الراجل السمح البطاطي ليهو راسي و اقول حاضر ........جلال اتخلع الجاب الكلام دا شنو .......طلع و رزع الباب وراهو قبل ما يغضب و يرمي يمين الطلاق عليها .........فاتن اتخلعت قالت شوف دا بالله عايز يتفرعن علي انا كمان هو وقت قبلت بيهو القرد. .......
.بعد جلال وصل بيت فاطمة سلمت عليهو عادي و جهزت ليهو الغدا .......استغربت لانو دا ما يومها بس ما سالتو امها موصياها ما تجيب سيرة فاتن قدامو .......بعد شوية جلال قال ليها اتشاكلت مع فاتن ........فاطمة قالت ليهو الله يصلح الحال .......بدا يحكي ليها موقفها عشان افضفض ........فاطمة سكتت و ما عقبت علي كلامو (رغم انها اتذكرت تعليق فاتن على راجلها في زراجها بس ما عارفة فاتن ليه عملت معاها كدا ) .......انا المراة دي ما قادر اتعامل معاها .......فاتن لما لقت الوقت اتاخر النار ولعت فيها .......يعني عمل معاي مشكلة مخصوص عشان يمش لي فاطمة .......لبست توبها و جرت جات بيت ناس فاطمة .......اخو فاطمة فتح الباب و عرفها فاتن .......اتفضلي دخلت ماشة علي بيت ناس فاطمة ، ام فاطمة وقفتها ، ماشة وين يا اختي اقفي عندك حدك هنا بس. .......ماشة لي راجلي .......راجلك دا هناك في بيتكم ما هنا تتهجمي علي الناس في الليل دا الناس نايمة خليك عندك احترام و ما تدخلي ........لا حادخل لانو اليوم يومي .......كلامك دا قوليهو لي زوجك ما لي انا و البيت دا تاني ما تجيهو يا خاينة العشرة ........فاتن اتوغلت متجهة علي غرفة فاطمة بدون ما تشتغل بي ام فاطمة ........ام فاطمة نادت علي اولادها .......انتو قاعدين هنا شنو زيادة عدد و الناس تتهجم علينا .......فاتن من قربت من الغرفة سمعت اصوات الضحك و الحركات .......حاولت تلز الباب لقتو مقفول .......جات ام فاطمة و اولادها .......مالك يا مدام عايزة شنو .......فاتن سكتت ساي .......لو سمحتي اطلعي من هنا ......فاتن بقت تكورك يا جلال جلال ........فجاة جلال جا طالع قال ليها في شنو الجابك هنا شنو ........انت تختلق معاي المشاكل عشان تجيها طلقني اسي دي .......يا مراة استهدي و امشي قدامي البيت ........ما بمرق من هنا إلا تطلقني بس .......جلال سكت و لبس ملابسو و طلع معاها جاريها من يدها لحدي ما وصلت البيت .......تاني مرة اوع تجي بيت ناس فاطمة سامعة و تاني ما تعلى صوتك على ، و تسمعي الكلام اشيلك في راسي تعملي حركات انا طلاق دا ما عندي لكن بدق بس قلة الادب ما بتنفع معاي ......كمان تدق منو ؟ انت جنيت في راسك. دا قال بدق قال اقسم بالله اكلم ليك ابوي واعمامي في لحظة تطلقني و اعرس سيدك يا معفن و انت عارف فاتن شنو .......جلال اداها كف و قال ليها يلا امشي خليهم يطلقوك .......
يتبع.....
