في يوم فاتن قررت في راسها انها لازم تخرب لي فدوى عرسها دا باي طريقة اصلو ما عايزة تشوفها سعيدة او فرحانة ......مشت اليوم داك لي اقاربهم. اهل خطيبها ........سلمت على امو و اخواتو و قعدت تتونس و كلهم استغربو جيتها ........بس لما شافت خطيبها جرت سلمت عليهو و بقت واقفة معاهو بدون ما نسابتها يسمعو .......بي صراحة اهلي مستعجلين شديد قالو ليك جيب خلاص الحاجات عشان نكمل العرس .......بس انا متفق مع ابوك شهر واحد اموري كلها بتوضح و بديهو مواعيد .......بس انا العائزة اتزوج ما ابوي و انا البحدد و انا ما بقدر انتظر لي شهر واحد .......خطيبها عاين ليها من فوق لي تحت باستغراب و قال ليها ......خير خير انا بجي المساء الاقي ابوك .......فاتن انبسطت و شالت ولدها وودعتهم و جرت البيت .......
تعاين لي فدوي ساي و منتظرة المساء متين يجي عشان فرحة فدوى تتلخبط لما تعرف انو فاتن حتتزوج قبلها بي ايام و ما يقدرو يعملو عرسها قريب لانو ارهاق بالنسبة ليهم .......المساء مافي زول جا و فاتن مستغربة لحدي ما نامو مافي زول جا .......اليوم البعدو برضو مافي زول جا ........بعدها قررت تمشي تشوف خطيبها الحصل ليهو شنو أتأخر كدا بس ابوها جا اليوم داك لي امها ......والله الراجل الخطب فاتن دا يا حليمة قال ما عندنا نصيب معاكم ما عارف سببو شنو.......اجي بسم الله مالو دا كمان .......والله ما قدرت اسالو زاتو عن السبب قلت ليهو ربنا يسهل ليك و أن شاء الله خير .......حليمة كلمت فاتن بالخبر و فاتن قربت تصدم من الخبر دا .......بسم الله مالو دا كمان .......بري والله براهو ما عارفة الحصل شنو ........فاتن برضو اتوعدتو بي مصيبة ........بعدها فدوى زواجها تم. بدون ما فاتن تقدر تعمل حاجة .......
فدوي مشت شهر العسل و جات لي اهلها ......قالت ليهم حارجع اعيش في الخرطوم بس ما بنقطع منكم .......و بدات تحكي لي امها عن الحصل كلو بالتفاصيل و فاتن تتسمع ليهو ........بس المشكلة انو فدوى حكت لي امها انو زوجها عندو مشكلة و لازم يتعالج منها و كدا .......والله يا امي انا بحبو و ما عندي مانع اني اصبر معاهو لحدي ما المشكلة تتحل ......و شجعتو كمان كتير و ما حأتخلى عنو مهما كان .......فعلا والله يا بتي مفروض تقيفي معاهو مهما حصل اسي كان ممكن المشكلة دي تكون فيك انتي يعني اكيد مافي زول ما عندو عيوب ، طول ماهو بقول ليك الكلام الطيب و ما حصل قلل من احترامك انتي ما تقصري معاهو .......بس فاتن سمعت كل شئ و قررت ما تفوت الفرصة جاتها لحدي عندها .......و بقت تخطط كيف تلاقي زوج اختها براها بدون فدوى ما تكون معاهم ..........
و بعد كم يوم فدوى جاها سالم زوجها و بقت مارقة ........فاتن تتلفت ساي ما لاقية طريقة كلو كلو. ........سالم قعد مع ابوهم لحدي ما فدوى طلعت ودعوهم امها و ابوها و فاتن برضو ........قعدت فاتن فترة لا شغلة لا مشغلة بس مع امها في البيت و ولدها كبر شوية و جلال بقى ما بسال منو زي اول بس برسل ليهو هدايا و مصاريف و كدا ........و فاطمة كمان بقت حامل تاني .......فدوى جاتهم زيارة هي و سالم زوجها و بقو يتونسو كلهم مع بعض عادي .......قامت فاتن بعد ابوها مشى و قعدت هي و فدوى و سالم براهم بقت تتطاعن فيهم ......مافي جديد يا فدوى .......الجديد انو اشترينا قطعة ارض في ام درمان و بدينا نبنيها .......قالتها فدوى بي فرحة بس فاتن قالت ليها .......لالا قصدي ما في بيبي في السكة ......فدوى عاينت لي سالم و سالم دنقر و بعد شوية عايز يقوم .......فدوى قالت ليها لالا والله لكن كل شئ بوقتو...... و مشت على سالم...... قالت ليها لسة نحن ما قررنا قلنا ما عايزين ندوش نفسنا بالاطفال حاليا عايزين نعيش كم سنة كدا برانا ......سالم اتبسط جدا من رد فدوى الحكيم ......و فاتن ماتت من القهر لما شافت سالم خت يدو في كتف فدوى و قال ليها انا بمشي بي غادي يلا اخليكم تتونسو بي راحتكم ....
..فدوى مبسوطة جدا مع سالم و دا الكان قاهر فاتن و عايزة تنقص عليهم عيشتهم باي اسلوب ........يا فدوى انا بنصحك ما تضيعي وقتك مع راجل ما بلد
يتبع....
