..ياخ قالت لي يوم كدا كنتو مع بعض في .......و بقت تحكي ليهو قصص خاصة بيهم عشان تأكد صدق كلامها ..........و قالت انك ما راجل اصلا الله يصبرها عليك بس .......سامي اتصدم و قال ليها بي نهرة انتي مراة عواليق نحن غلطانين البنخليك تخشي ييتنا يا ما عندك ذمة و لا ضمير حسبي الله ونعم الوكيل فيك ، ياخ ما بتخافي انتي راعي للفي بطنك دا بالله يمكن ربنا يقتلو في بطنك .......فاتن قربت تقع من ردة فعل سامي و بقت تتلعثم في الكلام ......انت .أن انت ما مصدقني يعني ........اصلا كلامك ظاهر لافتعال مشكلة لو انتي صادقة اساسا و زحل قالت عني كلام زي دا ليه كنتي بتحاولي تغريني ؟ تغري راجل ما .......استغفر الله العظيم....... في الاخر سكتت خلتو و مشت من قدامة بس هو بعلي في صوتو اكتر .......والله والله لو ما كنتي مراة كنت فرمتك يا .......
فاتن جرت بيتها قلبها في يدها من هيجة سامي فيها .......فقر الله يقطعو معقول ما صدقني بعد كل الادلة و البراهين دي .......سامي رجع البيت و سلم على زحل بي برود هي زاتها استغربت .......مالك الليلة يا سامي .......انتي يا زحل موش قلتي لي انك ما بتحكي اسرارنا لي زول ؟ ........زحل اتوترت اي صاح مستحيل اعمل حاجة زي دي .......بس عملتيها يا زحل ليييه ياخ حرام الحاجة دي اساسا حرام كيف قدرتي تمرقي كلام زي دا ياخ دي انا ما بقدر احكي بيها لي زول ........زحل من هيجة سامي قعدت تبكي .......فهمني الحصل شنو يعني لي دا كلو ......صحبتك فاتن فتو لي كلو يا حلوة و كمان زادت فيهو و قالت انك قلتي انا زاتو بالنسبة ليك ما راجل .......زحل ختت يديها في خشمها و اترزعت في السرير الجنبها من الصدمة .......بس والله انا ما قلت كدا ......عااارف انها بتكذب و عايزة تعمل مشكلة بينا عشان اطلقك كان ظاهر كذبها .......سبحان الله انا عملت ليها شنو المراة دي لكن عشان تحاول تخرب بيتي .......بس كدا لانك شاكلتيها آخر مرة .......بس انا شاكلتها على قلة ادبها بس ما مشيت كلمت راجلها والله اكلم راجلها بالعملتو ما تقعد ولا ثانية في عصمتو لكن صبرك على يا فاتن ........زحل انا المرة دي عديتها ليك بس تاني و قسما ما تقعدي ولا ثانية ......كدا يا سامي بالسهولة دي .......يا مراة خافي ربك سهولة شنو اسي دا موضوع ساهل ؟ بالنسبة ليك ساهل ؟ انا لو صدقتها كان حيكون موقفك شنو ........لالا يا سامي لكن ما بصل للدرجة دي .......كمان بتكابري يا زحل انتي غلطانة و تكابري .......اي غلطت انا اسفة و تاني ما بتكرر .......ما ليك دخل بي فاتن دي خالص تاني. ......لالا عندي معاها حساب صغير و تاني ما عندي معاها شغلة .......اوعك يا زحل تعملي حاجة من راسك اوعك تكلمي راجلها ولا تحاولي تخربي بيتها .......خلاص تمام .......
سامي بقى زعلان و ما قادر يتعامل مع زحل عادي كم يوم ......لحدي ما غلبو شوقو ليها و رجع ليها عادي و نسى الموضوع بس زحل كانت كل يوم بتبكي على زعل سامي منها ، و هي كمان ياداب عروسة ما تمت كم شهر يحصل ليها كدا بس عزمت انها لازم تخرب بيت فاتن زي ما كانت حتخرب بيتها ......
.فاتن شالت سامي و زحل من راسها و بقت قاعدة تتوحم لي جلال ......عايزة سمك يا جلال اسي دي جيب لي سمك ......اجيبو ليك من وين اسي يا مراة ......بس ما بعرف تجيبو لي اسي دي ........فجأة باب البيت دق مشت ام جلال فتحتو لقت دي زحل قالت ليها اتفضلي يا بتي كيفك ان شاء الله كويسة .......بخير يا خالة الحمدلله كيفكم انتو ......كويسين ......جلال زوج فاتن موجود .......المرأة استغربت اي موجود مع مرتو في غرفتهم بي غادي .......شكرا ليك يا خالة .......خلاص بمشي اسي اجيبو اصبري اصلو الزول ما يرتاح معاك انتي ......السلام عليكم .......جلال اتلفت لقى دي زحل ......و عليكم السلام.اهلا اهلا اتفضلي ......فاتن وقفت على حيلها بدون ما ترد و فهمت زحل جيتها دي ناوية بيها شر ........زحل قبلت علي جلال و قالت ليهو .......انا عايزاك لو سمحت في موضوع ........ايوة اتفضلي .......انا و هي طبعا صحبات شديد و ما عايزة اخسرها فجيت اصلح سوؤ التفاهم البيناتنا ........فاتن بقت مستغربة و جلال عاين لي فاتن و رجع عاين لي زحل و قال ليها ان شاء الله خير ما كلمتني فاتن ........موضوع كدا يمكن انا كبرت الحكاية فعايزاك تحضرنا .......عاينت لي فاتن و ابتسمت ........بصراحة الموضوع انو انا مشيت اهلي فترة كدا و فاتن جات لي سامي زوجي من وراي و جابت ليهو الاكل كتر خيرها مشكورة ما قصرت ، و انا ما عندي مشكلة في النقطة دي موش يا فاتن ........فاتن دنقرت قالت ليها دا الواجب عادي نحن ناس كرم .......ايوااا ماشاء الله عليك فعلا كريمة جدا بس الانا ما رضيتو تقعدي تتغدي معاهو براكم و انتي عارفة انا ما موجودة و مافي زول في البيت موجود .و كمان تعملوص شاي و اخر ونسة ......جلال وقف علي حيلو من الصدمة
يتبع....
