.سبحان الله اختك دي غريبة ليه تتهمك كدا ........حاسداني بس ........خلاص خلاص يلا نمشي عشان نعرف الحاصل .......طلعو مشو الدكتور و عمل لي فاتن التحاليل الازمة .......
فدوى والله رجلينك ديل ورمانات شديد لازم تمشي لي دكتور يفحص ليك الحاصل شنو و بعدين انا حاسة بطنك كبرت شديد .......يا امي دكتور شنو بالله انتو زمان كان بتمشو لي دكاترة و هديل ولدتونا .........يا بت خلاص خلى داية تجي تفحصك يا فدوى ما ينفع يا بتي كدا و بعدين بطنك الكبيرة دي يمكن الجنين حاصلة معاهو حاجة ........يا امي والله بتحرك حركتو بتمنعني من النوم كويييس الحمد لله ، بس الا اخد اجازة لاني تقلت شديد ما بقدر اتحرك .......اي والله لكن لو سمعتي كلامي و مشيتي لي دكتور يكون افضل الدكتور زاتو بعرف كان بتلدي طبيعي ولا عملية ........عملية شنو بري بري بلد في البيت بس بجيب الداية .......
فدوى امها اقنعتها تمشي تاني يوم للدكتور و كان نفس الدكتور البتمشي ليهو فاتن ........فدوى سجلت اسمها و قعدت بعد مسافة جات فاتن و راجلها ........فاتن اتلبشت لما شافت فدوى و امها بس سلمت عليهم عادي و قعدت انتظرت دورها .......دخلت فدوى للدكتور و عمل ليها فحص و موجات قال ليها انتي عندك توم؟؟ .........فدوى عاينت لي امها قالت ليهو لالا ،، اقصد ما عارفة ما حصل مشيت لي دكتور .........قعد يشاكل فيها ليه يا اخوانا كدا المتابعة مهمة جدا و اسي انتي حايمة كدا و ما عارفة انك حامل بي توأم ........والله ظروف يا دكتور نعمل شنو ........طيب عايز اسالك عندكم توأم في البيت او في الاسرة .......لالا والله ما عندنا ......و زوجك .......برضو مافي .......طيب اتناولتي اي منشطات ........فدوى دنقرت شوية و عاينت لي امها بي خجل .......زوجي كان اخد منشطات ........ايوااا ما مشكلة فعلا المنشطات بزيد احتمالية التوأم ........خلاص يا ستي مبروك و المتابعة مهمة جدا في حالتك دي و الشهر الجاي تجي تقابليني ضروري لانو اخر شهر ......حاضر يا دكتور ..........شكرا يا دكتور .......كتب ليها فتمينات و أثناء ما طالعة قالت لي امها ما تكلمي زول يا امي .......امها قالت ليها حاضر .......ولا حتي فاتن .......خلاص كويس تمام .......طلعو فاتن قالت ليهم اها حصل معاكم شنو .....فدوى ما ردت و امها قالت ليها .......انتي اسي كدي خشي بننتظرك عشان تطمنينا ........فاتن سكتت دخلت و جابو للدكتور نتائج الفحوصات .......
..قال لي فاتن عندك كيس في الرحم شكلو ما طبيعي بس الحمد لله جيتي بدري لازم نعمل الفحوصات الازمة عشان نتأكد .......حاكتب ليك الفحوصات دي تعمليها اليوم لو امكن ..........فاتن قربت تقع من الكرسي .......كيف يا دكتور انا ما عندي حاجة عندي ولدي ياهو دا القدامك دا(عموري) ولدتو من اول شهر من الزواج ........عادي بتحصل بعد الولادة .......بس يا دكتور انت متاكد يعني انا واثقة من نفسي ........الدكتور بقى يعاين ليها باستغراب و حس بانها ممكن تكون جاهلة ........دي والله حاجة بتحددها الفحوصلت الكتبتها ليكم و ما تخافو ان شاء الله يحصل خير ....... .......امجد اطمن على روحو جدا و بقى يضحك بدون سبب للضرس الاخير ......فاتن اتغاظت منو قالت ليهو يا دكتور طيب و الراجل ما بفحصو ليهو برضو يمكن في حاجة منو ما مني انا ........يا مدام كدي اول نحل مشكلتك و ادعي ان شاء الله ما تكون حاجة خبيثة ......أمجد بقى يعاين ليها و حس انها قللت من قيمتو شديد .......شكرا يا دكتور و طلع خلاها جارية وراهو ........امها وقفتها يابت اها حصل شنو ........ابت ترد جرت لحقت امجد ........يا امجد انتظر انا ما قصدي حاجة والله ........فاتن كيف تقللي من قيمتي و تحرجيني قدام الدكتور .......انتو اصلا كدا الرجال ما بتحبو يكون العيب فيكم .......فاتن اقفلي مني عشان ما اضربك .......فاتن سكتت و مشت بيتها .......بعد كم يوم حاولت تصالح امجد و فعلا صالحتو و بقو تمام .......
بعد فترة فاتن و امجد ودو الفحوصات لي الدكتور بس الدكتور للاسف قال ليهم حنشيل الرحم لانو دام ورم و صراحة ما معروف حميد ولا خبيث و ما عايزين نهبشو عشان ما ينتشر .
يتبع....
