.فدوى تمت الاربعين و فاتن كانت ناوية تمشي تعمل ليها اي حاجة بس تقهرها و خاصة انو حيعقدو ليها على سالم تاني و ترجع سعادها تاني ........امجد طلع من الصباح و أتأخر عليها شديد و بقت مقلقة تمشي اربعين فدوى ولا تنتظرو يرجع ........انتظرت المساء جا و الواطة ضلمت و فدوى قلقها زايد على امجد زوجها .......بعد خلاص قنعت قالت تمشي اهلها عشان خايفة تقعد براها وولدها صغير .......لبست توبها و طالعة بس امجد ظهر ليها .......كنت وين للزمن دا .......كنت في السماء عايزة بي شنو انتي .......دا كلام شنو يا امجد انا من الصباح منتظراك و مقلقة عليك عشان تقول لي كدا .......يا زولة انا راجل و على كيفي اجي متى ما اجي و ما تسأليني كنت وين و جيت من وين ، و من هنا و جاي حتكون دي مواعيد جيتي .......فاتن الفار لعب في عبها و بقت تفكر الراجل دا الجد عليهو شنو لمن بعمل كدا .......
فدوى رجعت مع سالم عروس من اول و جديد ........يا سلام انا ما مصدق اننا رجعنا ........بس الحمد لله على كل حال ما كنت عايزة يكون في بينا قصة زي الحصلت دي ........انسيها انا نسيتها لاني اتاكدت اني بعدت عنك و حرمت نفسي من وجودك لي سبب تافه ، و ما عندو اي نوع من الصحة كلو كذب و انا صدقتو .......بس انا غلطت فعلا و الغلط راكبني من ساسي لي راسي لاني قلت كلام سر مفروض بينا و بس........يا زولة العترة بتصلح المشية ........الله كريم .......سالم قرب منها بس خلاص ربنا جمعنا من جديد و ثقتي فيك بقت اقوى من اول .......فدوى كانت مبسوطة جدا برجوعها لي اسرتها الصغيرة ......
.بس فاتن كانت مشغولة جدا بي نفسها و امجد البقي حتي حقوقها مقصر فيها و تعاملو بقى بارد شديد ........و في يوم امجد قال ليها انا عايز اعرس ........فاتن اتصدمت ......تعرس ؟ ليه مالي عملت ليك شنو ........ما ضروري تعملي حاجة عشان اعرس و بعدين دا حقي من حقي اجيب اطفال و ما اضيع زمن .......فاتن بقيت تبكي ......حقك ؟ حرام عليك والله انا كنت حاسة في حاجة بس ما كنت متأكدة هي شنو ......فاتن مالك متضايقة عادي جدا ، و بعدين انتي متعودة دي ما اول مرة تتعايشي مع راجل عندو مراة تانية .......امجد ليه بس حرام عليك والله ، يخسي عليك انا حبيتك بس الاول ما كان عندي ليهو حاجة .......انا كمان حبيتك يا فاتن بس حبيت جمالك الخارجي ، بس انتي ابدا ما حبيتك ........كنت مبهور بالشكل الخارجي ما اتوقعت تكوني قبيحة بي جوة بالشكل دا .......قصدك شنو يا امجد كيف يعني ........انتي مليانة حقد و كراهية للناس بطريقة مرضية حتى انا بتحسديني ........فاتن انتي ما حاسة بي نفسك عندك مشكلة مفروض تتعالجي منها .......هوووي هوي انت العروسة الجديدة لحست ليك مخك ولا شنو دا كلو فينيي انا و كمان بي كل جرأة تقولو في وشي ....... براك قلتي لي ليييه عايز تعرس وريتك السبب ........بس يا امجد بتصلح اوعدك اني اتصلح و ابقى زولة كويسة و ما عندي شغلة مع زول تاني ........بس انا عرست خلاص مافي تراجع .......فاتن اترزعت في الكرسي الوراها .......عرست وانتهيت كمان بتستغفلني يا امجد ؟ تعرس من وراي .......خلاص اسي عرفتي و انا قصدت ما اقول ليك عشان ما تتضايقي ، بس انتي بتضايقي اي زول يقرب منك احسن تتضايقي ، يلا تصبحي على خير .......فاتن مصدومة في حياتها الاتقلبت راسا على عقب في لحظات ........جرت ورا امجد و جاتها خطة في مخها .......و دي منو سعيدة الحظ دي ........هههههه بتعرفيها بالمناسبة حق المعرفة ........فاتن اتخلعت و بقت تفكر في صحباتها ممكن تكون واحدة منهم لانها عملتها قبل كدا .......دي منو دي ؟ .......دي تهاني متذكراها ؟ ........هههههه تهاني اتطلقت ولا شنو ........ايوة اتطلقت زيك كدا ......فاتن اتخلعت كانت عايزة تطلع فيها عيوب بي طلاقها بس ذكرها بي نفسها ......و انت اي واحدة تتطلق بتعرسها يعني ولا شنو ......اي غاوي مطلقات انتي يخصك في شنو عليك بي نفسك و بعدين نسيت اقول ليك انا حاجيبها تقعد معاك هنا .......امجد انت جادي كيف نعيش مع بعض صعبة والله ما بقدر .......هوي يا مراة تقعدي في حالك و هي في حالها و بعدين دا بيتي انا البقرر اعمل شنو و بعدين ليه التكاليف الزائدة البيت في و كبير ماشاء الله ، و بعدين يمكن اجيب التالتة ما معروف هههههه ........طبعا امجد كان بهظر ما بقصد كلامو ..........
يتبع.....
