.متين حصل الكلام دا يا فاتن .........م لالا والله خليت الغدا و جيت طوالي .......طيب دا كلو خليناهو لما جيتي المرة التانية و انا كنت موجودة في المطبخ و ما كنتي عارفة انو انا جيت البيت و بي كل اريحية قلعتي ملابسك ........جلال قرب يقع من الكلمة دي .......فاتن دنقرت و بقت تتحلف كذااابة والله كذابة ما حصل الكلام دا .......دا متين الكلام دا لو سمحتي .......قبل اسبوعين تقريبا. .......جلال خت يدو في راسو الفترة ديك يا فاتن كل يوم انتي ما بتقولي ماشة لي صحبتك زحل سبحان الله يا فاجرة .......و وقع فيها خبت و هي حامل ......زحل اتخلعت و حست انها عملت مشكلة كبيرة ما كان مفروض تعملها و بقت تحجز فيهم ........انتي ما اخلصتي لي صحبتك و صديقة عمرك جاية تخلصي لي انا و الله انا زاتي زول عولاق اقبل اعرسك يا ما عندك عشرة يا قليلة الادب يا تافهة إلا اكلم ابوك عشان يعرف سببي عليك شنو ........فاتن عايزة تموت جاها وجع ضهر فظيع و بقت تقنت من الالم و زحل جسمها كلو يرجف .......يلا لمي كرورك دا ما تقعدي في البيت دا ولا ثانية لانك حتنجسيهو يا نجسة ........و جلال يشيل و يفتح في الدولاب و يرمي ليها حاجاتها برة اطلعي قبل اكتلك و اخلص منك اطلعي برة ........زحل سندتها لحدي ما طلعت برة بي توبها و مشت اهلها و زحل رجعت البيت ترجف من الخوف و حست بي تانيب ضمير شديد على الحصل .....
..فاتن وصلت البيت و بقت تبكي مع امها و اختها فدوى و دخلت جوة .......مالك في شنو يا فاتن ......جلال ضربني و الله ما اقعد معاهو ولا ثانية تاني ........حسبي الله ونعم الوكيل فيهو كيف يضربك ....فدوى قالت ..امي دقيقة نشوف السبب اكيد في سبب ......مهما كاااان السبب ما يضربها كلو ولا الاهانة و الذل مهما حصل ما يصل لانو يضربها .......شفتو قلت ليكم طلقوني ابيتو تطلقوني اسي ما معروف جناي دا يعيش ولا لا .......فدوى قالت يا فاتن ضربك لي شنو كدي احكي بالتفاصيل. .......انتي مالك و مالي مشكلة مراة مع راجلها عايزة تعرفي التفاصيل لي شنو .......يعني قصدي مستحيل يضربك لو ما غلطي انتي قولي لينا الغلط عشان نحن نقيم الحصل ........حليمة قالت ليها اسكتي يا بت انتي ما فاهمة حاجة اساسا مافي سبب يخليهو يضربها حتى كان كتلت ليهو رقبة ما يهينها و يضربها و يذلها كدا .......انتي يا اختي البورة حارقاك جاية تفرغي فيني انا حقدك و حسدك السبب و ما السبب مالك و مال السبب قلت ليك حاجة بيناتنا و البيوت اسرار ........فدوي ضحكت قالت ليها يا اختي احسدك على شنو على الراجل المصبحك بي دقة و ممسيك بي دقة دا ؟ و لا علي شنو .......يا بت فاتن ما تتكلمي مع اختك كدا ......كدي خلينا في مصيبتك دي انتي .......
.فدوى مشت خليتهم يعزو و فاتن وشها ورمان .......ابوها لما جا كلمتو انو ضربها و ما عايزة تعيش معاهو .......يا راجل انا ما قلت ليك فكها منو مالك انت عايز تجبرها على راجل ما عندو اخلاق زي دا .......يا حليمة انا ما فاكرو بصل للمرحلة دي لكن خلاص بعد دا انا عندي معاهو كلام تاني ........بعد يومين جلال جا شايل معاهو ورقة فاتن و دق ليهم الباب فتح ليهو ابوها .......اتفضل يا حاج دي ورقة بتك و خلاص ما بتلزمني تاني .......الزين اتخلع انو جاي يطلقها افتكرو جاي يصالحها عشان يقول ليهو ما بترجع معاك .......انا لي يومين بفتش ليك وين كنت و ضارب البت مالك ......يعني هي ما حكت ليكم ......لالا ما حكت لينا ......والله يا حاج الصراحة عملت ليها فتنة بين راجل الجيران و مرتو و اتطالقو فانا ما قدرت اتحمل و ضربتها و فكيتها زاتو لانو كل حاجة ولا خراب البيوت و دي ما اول مرة تخرب بيت زول و انا مراة بتاعت فتن ما عايزها و بعدين هي اساسا عايزة الطلاق و انا دي اول مرة اضربها فيها و كانت النهاية .......لكن برضو كان تتأكد اول عشان ما .......خلاص يا حاج الموضوع انتهى و انا فكيتها و قلت ليك السبب و السلام عليكم .......وعليكم السلام .......حاج الزين دخل أدى فاتن القسيمة و وقال ليها السبب شنو البخليهو يدقك ويطلقك يا بت .........فاتن بقت تتمتم ......ما عارفة ......كيف ما عارفة جلال قال لي بي سبب جيرانكم .......والله قصة ملفقة جارتنا جات حكتها ليهو .......قالت انا جيت من وراها لي بيتها و راجلها براهو .......الزين عاين لي فاتن قوي و اتخلع من الكلام ......شنووووو ؟7
......والله يا ابوي كذابة و الله كذابة ......الزين مسكها من شعرها قال ليها معقول جلال بدون ما يتأكد من الكلام طوالي يطلقك اكيد عندو دليل .......حليمة جات فكتها منو يا راجل ما خلاص الحصل حصل فك البت عندها جنا .......الزين فكاها و بقى يجوط و يهرج و قال لي مرتو البت فضحتنا ........يا راجل اسي انت متاكد من كلامهم دا ما يمكن بكذبو و بتبلو على بتي بالباطل ........خلاص خلاص الحصل. حصل .......فاطمة لمت عرفت جلال طلق فاتن اتبسطت جدا و بقت مرتاحة نفسيا و في نفس الوقت عايزة تعرف السبب بس ما اخدت من جلال لا حق لا باطل .......بعد فترة فاتن ولدت و جابت ولد و جلال عمل ليهو السماية بس لما يجي بشوفو و بمشي طوالي ما بلاقي زول غير ابوها .......و بعد ولادة فاتن بي فترة ولدها كبر بقى عمرو ستة شهور خطبها واحد من اهلهم زمان كان خطبها بس هي كانت شايفة روحها .......لما ابوها جا كلمها وافقت طوالي بدون تردد .......بس ما حددو ليهم العرس و ما جابو ليهم حاجة و خلو الموضوع لاجل غير مسمى ........بعدها بي فترة فدوى جات كلمت امها بي زول زميلها في الشغل خطبها برضو و امها فرحت شديد و بقت تزغرد بلا سبب ........فعلا اتقدمو بعدها لي اعمامها و كان الشاب وضعو كويس و شغلو في درجة عالية(اسمو سالم ) ........بعد الموافقة طوالي جابو الشبكة و الشيلة و الحاجات و حددو العرس ........
فاتن مشت لي امها .......لكن يا امي انا اول خطبوني مفروض يتم العرس اول .......يا بت هوي وينو خطيبك جاب شنو العرس دا هو ساي و بعدين انتي عزبة ما زي فدوي ........فاتن اتغاظت من كلام امها .......يعني عرسك دا ما حيكون عرس كبير عقد و الناس تجي تبارك و انتهينا .......فاتن بقت بس تراقب ساي امها مهتمة بي فدوى اختها شديد عشان العرس و توصي فيها و تعلمها كيف تعتني بي نفسها ........و فاتن جواها تغلي
يتبع.....
