فاتن انا معجب بيك عارفة كدا ّّّّّّ.......بدا يقرب منها وهي ترجع لي ورا و هو يقرب منها .......جرت على الباب و بقت تدق فيهو من جوة عسى زول يسمع و ينقذها .......بس الباب كان خشب تقيل و ما بتقدر تفتحو .......انتي ليه خايفة كدا انا قلت ليك بحبك و انا متاكد انك بتبادليني نفس الشعور .......حاول ينقض عليها بس تلفون المكتب اتصل رد سريع و بعد رد على التلفون مدير القسم جاي ليهو في المكتب .....جرى فتح الباب و قال ليها امشي من هنا لكن تكلمي زول بالحصل عمرك ما حتتخرجي من الجامعة دي فاهمة .......تاني فاتن بقت بطنها طامة منو شديد و بقت بس تعدي يومها و تمشي الداخلية ......ما كلمت زول عشان خايفة من تهديدو ليها ......
و في يوم نزلت واحدة جديدة في القاعة .......البت دي سمحة شديد شاتت فاتن عديل كدا في السماحة من بنات الشرق .......ياخ فاتن اتقهرت عليها قهر .......و نوت عليها نية سودا ......بس قبل ما فاتن تخطط ليها لاحظت انو دكتور مصطفي كمان بقى يقرب من البت السمحة الجديدة .......فاتن بقت تضحك و قالت ما محتاجة مني اي تخطيط براها منتهية .......و فاتن بقت تراقب و تضحك بس لحدي ما لاحظت انو البنت اختفت من القاعة و بقت ما بتجي ......في قلبها مبسوطة البنت طارت من قدامها ......
.كان في واحد مباري فاتن و عامل فيها مصاحبها اسمو امجد بس هي ولا شغالة بيهو زاتو .......و كانت بتزوغ منو عادي .......و كان في بت كدا شاطرة شديد و عاملة فيها ولا اينشتاين اسمها تهاني ...... بقت بتجي من الصباح تلقاها قاعدة و البنات لامين فيها زي الضبان يقرو ولا كدا....... تقول ليها سجم القراية البتقريها انتي لا بتنفعي في قراية ولا غيرو ......طبعا وشها كان بجيب الوان و بتتحرج شديد ........و مرة لقيتها براها قالت ليها .......انتي قايلة نفسك سمحة و الله شناتك ما لاقتني لا في الانس لا في الجن .......طبعا البت مسكينة شديد ولا ردت بس قربت تبكي .......
كانت مصاحبة بنت عادية اسمها رنا .......البت دي ما عندها شر بس مصاحباها و ما عارفة الجواها شنو .........يلا يوم رنا جاتها قالت ليها .......ما بتصدقي تتذكري امجد الحابيك ........المتخلف دا مالو كمان .......يابت ربط مع البت تهاني الشاطرة ديك ........فجأة فاتن اتملكتها غيرة شديدة و بقت تتمتم و تسأل ......كيف يعني ؟ عرفتي كيف انتي .......امشي شوفيهم بقو طوالي مع بعض تشوفي تهاني الا ما تشوفي امجد و تشوفي امجد إلا ما تشوفي تهاني ........كيف الكلام دا من متين .......يابت انتي مالك عندك ليهو حاجة ولا شنو .......حاجة شنو الاتنين متخلفين زي بعض و بتشابهو بس مستغربة يعني اتلمو كيف امجد في رابع اخر سنة ليهو و هي ياداب اول .......و طيب اللاماك انتي معاهو شنو حيكون نفس السبب. ........فاتن اتغاظت من رنا شديد و نهرتها قالت ليها لالا يا اختي ما نفس للسبب انا سمحة و مافي مقارنة بيني و بين تهاني و دا السبب الخلي امجد و غيرو يريلو علي كدا ........فاتن معقول انتي بتقكري كدا .......فاتن حست انو رنا اتصدمت من كلامها و اظهرت ليها لي لحظة وشها التاني ......ما قصدي كدا يلخ خلينا منهم بالله بي طريقتهم .......اي فعلا ما لينا بيهم و دخل ربنا يوفقهم ان شاء الله.......فاتن ما ردت و قالت في قلبها ان شاء الله ما يوفقهم .....
.المرة الثانية رنا جات قالت ليها اختك فدوى حلاتها ماشاء الله سمحة .......قالت ليها بس انا اسمح من فدوي .......فدوى نخرتها كبيرة ...... لولا اختلاف الآراء لبارت السلع .......يختي انا سماحتي ما بختلفو فيها اتنين و لا انتي حاسداني ....... طبعا رنا زعلت و اتصدمت للمرة التانية في فاتن و من اليوم داك فارقتها و يمكن حست بي الحسد و الحقد المالي فاتن ....... البت فارقتها طوالي بقت الشارع البتجي بيهوفاتن ما بتجي بيهو .......
و بعد السنة خلصت رجعو البلد و البيت ....... طبعا لقت فطومة جات و قاعدة مع ناس امها و حليمة قالت ليها شكلها حملت .......فاتن قالت إلا امشي ازورها .....فعلا مشت لي فاطمة في بيتهم ...... ليه ما جيتي زرتيني لما جيتت ...... كنت في الخرطوم في الجامعة و كدا ....... مبروك قالو حامل .......طبعا اتونسو كدا ونسة حريم و حكت ليها عن مقامراتها مع زوجها .........ههههه و انا كنت فاكراهو مفعوص .......طبعا كلها حاجات خاصة مفروض فاطمة ما تحكيها ليها .......بعد حكت ليها كدا ......فاتن خلاص جلال دا حسدتها عليهو و خلاص ركب راسها و قالت بعرسو يعني بعرسو ..
يتبع....
