مشت فاتن بيتهم و بقت تتكتك و مافي راسها غير جلال زوج فاطمة .......بقت جياتها لي فاطمة كتيرة و كل مرة فاطمة تحكي ليها بيهو و فاتن تضحك من الفرحة .......لحدي ما يوم قعدت معاها لي بعد المغرب و راجلها جا .......جا جلال سلم عليهم و دخل غرفتو خلاهم مع بعض .......و فاتن حلفت كان تمشي اليوم داك ......كان عندها خطة في راسها .......بقت تقول ليها مالو ما جا يا فاطمة زوجك دا عايزة اتعرف بيهو ........فاطمة هنا اتخلعت و زي حست بي غلطتها و قالت ليها .......لالا يا فاتن مرة تانية الوقت اتاخر ......فاتن اضطرت تستأذن و مشت البيت امها زفتها قالت ليها بقى عندك حوامة بتعرفيها براك ماف داعي كل يوم تمشي لي صحبتك خليها يوم يومين حتى تمشي .......و بعدين رافعة يدك نهائيا من شغل البيت فدوى دي ضهرا انقص من الغسيل .......
فاتن خلت امها تهدأ شوية و رست ليها يومين حتى مشت لي فاطمة .......لقتها مادة بوزها شبرين قالت ليها مالك ان شاء الله خير .......والله يا فاتن متشاكلة مع جلال لقاني مشيت مع امي السوق و بقى يجوط فيني انا ساكنة معاهم فيها حاجة لو مشيت معاها و قال انا حامل في شهور خطيرة .......يابت اووووعك تسكتي ليهو والله الراجل دا يطلع ليك في راسك و كل مرة يتحكم ليك في حاجة جديدة .......فاطمة حست فاتن واقفة معاها و بعدت كل الأفكار السيئة ناحيتها و بقت تقول ليها اعمل معاهو شنو .......اولا الراجل ما بحب للمراة الخفيفة الما عندها غيرو ما تشتغلي بيهو طنشيهو .......اجي ؟ اطنشو كيفن .......عديل اهمليهو و اتقلي و خليهو على كيفو ما تساليهو من حاجة ما تحسسيهو انك محتاجة ليهو ما تحسسيهو باهميتو .......عليك الله دا كلامك يعني ......اي والله الراجل دا تهمليهو يجري وراك تسكيهو يجري منك .......خلاص ان شاء الله ما بشتغل بيهو لو طرشق .......ايوة خليك شاطرة ......فاتن حبكت القصة و مشت مبسوطة ........
فاطمة قعدت لحدي ما جلال جا و سلم عليها ......قالت ليهو اهلا .......قال ليها امسيتي كيف .......كويسة الحمد لله.......مالك يا فاطمة في حاجة ؟ .......انت شايف شنو في حاجة ........ما عارف والله غريبة الليلة ما استقبلتيني بي ضحكتك المعهودة .......انت عملت شنو الصباح .......ايوااا حرام عليك الموضوع دا انا نسيتو اساسا و انا بس عايزك تكلميني قبل ما تمشي مكان و دا من حقي يا فاطمة .......لالا ما من حقك تتحكم فيني يا جلال ......جلال راسو شطب اول مرة تكلمو بالنبرة دي .......انا من الاول كنت رافض حتة نسكن مع اهلك دي. عشان ما يعصوك علي .......قصدك شنو نسكن مع اهلك انت .......اي و فيها شنو ......ما بقدر ابعد من امي انت عارف كدا .......عشان انا مقدر امك و مقدرك رضيت و اتنازلت عن حاجات انا ما عايزها .......انتي كمان يعني بس عايز منك تسمعي كلامي فيها حاجة دي .......و انا متين عصيت كلامك ......خلاص يا فطومة روووقي انا جاي تعبان من برة و عموما انا اسف خلاص يا ستي انسي الموضوع .......فاطمة بقت تتبسم ساي قالت فعلا خطة فاتن رهيبة نجحت معاي ......
بقت فاطمة باردة جدا ناحية راجلها و فاتن تملا ليها راسها و فاطمة مسكينة راسها خفيف بتسمع الكلام .......لحدي ما يوم فاتن لاقت جلال قدام البيت و دي كانت الضربة القاضية لي فاتن ........ازيك يا جلال كيفك اخبارك شنو .......اهلا وسهلا بخير والله تمام ......ما عرفتني طبعا ......كيف ما عرفتك انتي صحبة فاطمة صاح .......قالت ليهو طيب اسمي منو .......جلال دا قلبو طار من حركاتها قعد يضحك .......والله ما متزكر معليش ......اسمي فاتن .......قالتها بي نفس الطريقة .......جلال بقى مهتم بي كلام فاتن و عايز يعرف هي بتعمل كدا لي شنو .......قالت ليهو بالمناسبة عندي معاك موضوع ضروري ضروري .......قال ليها جدا اتفضلي و هو متلهف يعرف الموضوع البجمعو بي فاتن دا شنو.......قالت ليهو لما نتلاقى تاني .......قال ليها بي لهفة نتلاقى وين و متين ........نتلاقى صدفة زي دي و اجمل من الصدف مافي ......و مشت فاتن من قدامو زي الملاك النازل من السماء ......
.جلال بقى يفكر فيها بس مع الشغل و الجوطة نساها و نسى موضوعها .......بعد فترة شافها جلال طالعة من بيتهم جرا لحقها قبل ما تصل اهلها ........فاتن دقيقة لو سمحتي .......فاتن اتلفتت مستغربة و اتبسطت لما لقت دا جلال .......قال ليها قلتي لي عندك معاي موضوع .......قالت ليهو اي صاح الموضوع خاص بي فاطمة ......كيف يعني بقى مهتم اكتر عايز يعرف الحاصل لي مرتو شنو .......بي صراحة بتشكي لي منك .......كيف يعني بتشكي ليك مني انا ؟ ......انا عارفة انو فاطمة غلطانة و مهملاك و ما مهتمة بيك و عارفة عندها عدم اهتمام ولا مبلاة انا اتكلمت معاها كتير في الموضوع دا بس ما سمعت كلامي ........جلال خلاص بقى مشتوه .......و انت راجل ماشاء الله عليك ما تستاهل الاهمال و البتعملو فيك فاطمة ......جلال بقى بس متنح فيها .......ارجوك يا جلال ما تكلمها اني كلمتك لانها بتحكي لي انا عايزة بس اوصل ليك المعلومات الممكن تخليك تحل مشاكلك معاها و تعيشو بي سعادة بدون مشاكل .......اها شنو كدي احكي لو سمحتي .......ما عارفة اقولها ليك كيف لانها حاجات خاصة .......جلال عيونو بقو حمر و قلبو بدا يدق و بدا يتمتم ........حاجات خاااصة؟؟؟ ......اي والله يعني في علاقتكم انتو الاتنين و عموما بحكي ليك موقف عشان انت ما تقول انا بكذب فيها ........لالا ياخ العفو ......تتذكر ساعة كانت يوم لابسة ليك قميص وردي و انت قلت ليها لا انا بحب الأحمر قالت اليوم داك بعد غيرت الاحمر بعد نمتو هي كانت ما راضية نهائيا اليوم داك .......جلال دا قرب اقع من جرأة فاتن و حكي فاطمة للناس البرة بالبحصل بينهم .
يتبع.....
