كيف تكلمي اختك و امك و ما معروف تاني منو ، بي سر مشكلتي ؟ انا مصدوووم ما مصدق اقرب زول لي يفضحني المفروض تكوني ستر و غطا على راجلك ، تفضحيهو انا ما مصدق انك تعملي كدا ........فدوى تبكي .....والله ما قاصدة فيها حاجة والله انا بس كلمت امي على اساس زولة كبيرة و خبرة والله ما كلمت فاتن ،عرفت بالصدفة سمعتنا لما انا و امي اتكلمنا ........اساسا تكلمي امك ليييه .......ليه يا فدوى تطلعي كلام زي دا اسي امك دي حتقول شنو.......انا والله بس كان قصدي اطلب منها المساعدة .......انتي كنتي بتتكلمي بي ضيق و بتحكي و قلتي ما قادرة تتحمليني و ما قادرة تواصلي معاي بالشكل دا عايزة بي شنو........فدوى اتصدمت و قشت دموعها .......والله يا سالم انت لو كان فيك امراض الدنيا كلها عمري ما اسيبك ولا افكر في غيرك ........بس ليه تشكيني لي امك و تقولي ليها انو (.....) .........اقسم بالله جيب المصحف النحلف ليك ما قلت كلام زي دا و انت بتعرفني اكتر من اي زول تفتكر انا ممكن اقول كدا انا مصدومة فيك كونك ما بتثق فيني .......يا فدوى فاتن قالت لي انك شكيتي ليهم مني .......فاتن ؟؟ حسبي الله ونعم الوكيل بس حسبي الله ونعم الوكيل انا عملت ليها شنو ، نفسي اعرف بس عملت ليها شنو عشان تعمل معاي كدا ........انت عارف فاتن دي حاقدة والله حاقدة لابعد الحدود و انا لما اقول لي امي كدا تقول لي ما تقولي عن اختك كدا ........فدوى حست سالم ما اقتنع بي كلامها بس عاينت ليهو بي حسرة....... قالت ليهو انا قلت العندي و انت القرار برجع ليك انا ما حابوس رجلينك عشان ترجعني لاني كمان بقى عندي فيك راي .........سالم اتخلع من كلامها و عايز يتكلم قال ليها يا فدوى كل الانا .......بس فدوى شالت شنطتها و مشت من قدامو ........فدوى طول الطريق للبيت تبكي و ما قادرة تصدق البحصل .......ليه فاتن تكذب كدا و تخرب بيتها لييييييه عملت ليها شنو عشان تستحق منها كل الضغينة دي ........وصلت فدوى البيت و حكت لي امها الحصل كلو ........انا ما قادرة اصدق ليه بتعمل كدا ليه بس يا امي انا عملت معاها شنو ........حليمة بقت تبكي و تقول ليها حقد يا بتي و حسد الحسد دا مرض الله يهديها .......
فاتن حست انو امجد ما طبيعي ليهو فترة و بقى بتعامل معاها بي برود ، و دا جننها و بقت تقول مالو الحصل معاهو شنو معقول عشان موضوع الحمل ياداب نحن لينا ستة و لا سبعة شهور ........بس امجد كان مقلق جدا و ما قادر يصبر و حاسي انو في مشكلة و قرر انو يسوق فاتن لي دكتور .......فعلا كلمها بي خجل قال ليها انا عايز افاتحك في موضوع .......ليك كم يوم ما طبيعي مالك .......فاتن ما حاسة انك اتاخرتي في الحمل .......ما اتاخرت عادي في ناس بقعدو سنة و سنتين .........بس انا شايف في تاخير من اول مرة ........قصدك شنو .......يعني اول حمل ليك حملتي بعد العرس بي شوية يعني شهر كدا و ما طولتي للدرجة دي ......فاتن بي قلبها ضحكت و قالت ليهو ما اكيد السبب منك انت .......خير يا امجد طيب و العمل ........عايز نمشي نقابل طبيب نساء و توليد .......خير يا سيدي تمام نمشي .......
طيب خلاص اجهزي سريع عشان نمشي نقابل .........من الليلة دي يعني ........ايوة اسي دي ارح ....... فعلا لبست و بعدها بي شوية باب البيت دق ........مشى امجد فتح الباب لقى دي فدوى .......سلمت على امجد و دخلت .......فاتن قالت ليها اهلا يا فدوى اتفضلي ........لا اهلا ولا سهلا انتي ليه بتعملي كدا يا فاتن حسبي الله ونعم الوكيل فيك........فاتن عاينت لي امجد وولدها الصغير امجد ساق ولدها و دخلو جوة خلو فدوى و فاتن يتفاهمو ........مالك يا أختي جاية داخلة تردحي و تتنفضي فينا .........لأنك واحدة ما بتخافي من ربك انا ما مصدقة انك أختي .......فاتن عاينت ليها مستغربة .......معقول يا فاتن انتي الاتسببتي في طلاقي و كمان بي كلام كلو كذب في كذب و ملفق لييييه بس استفدتي شنو ممكن اعرف ........فاتن ما قدرت ترد ........خليتك لي الله يا فاتن و ما قادرة اسامحك لانو ما عندك سبب علي عشان تعملي كدا ......دا جزاي عشان كنت خايفة عليك تقعدي ليك مع راجل عقيم ما بلد .......منو القال ليك كدا و الفي بطني دا شنو يا حلوة .......انا ما كنت عارفة ياخ ........طيب ليه تتصرفي من راسك ياخ ما عارفة اعمل معاك شنو ياخ انتي اريتك ما أختي.......و انتي ذاتك بالناقص يلا اطلعي من بيتي ......متوقعة منك اي شئ بعد خربتي بيتي ، تاني في شنو اكتر من كدا ؟ و بيتك ان شاء الله يدوم ليك ........طلعت فدوى خلتها تنكت في روحها ، ان شاء الله المشية البلا رجعة يارب ........فدوى رجعت بيتهم و هي تقيلة شديد و المشى بقى يغلبها .......دا شنو يا فاتن الكلام دا مالك جايطة .......ياخ بالله شوف فدوى دي قالت انا اتسببت في طلاقها مع اني ما عندي اي علاقة بي طلاقها بس هي محروووووقة مني و حاسداني عشان انا مستقرة و بين راجلي وولدي و هي اسي حاتلد و راجلها شكلو ما حيرجعها انا سببي معاها شنو .
يتبع......
