يابت فاتن مالك اتاخرتي كدا عن فتح الباب ......ما اتاخرت سمعتو و طوالي جيت .......الشمس ما نجضتني نجاض ......دخلت امها جوة و قعدت في السرير الفي الراكوبة و مرقت توبها و بقت تتهبب بيهو من السخانة ........جيبي لي موية .......جرت فاتن تجيب الموية لي امها ........فدوي لي اسي ما جات من المدرسة ......لسة ما جات .......كان شفتي يا فاتن مراة عمك عبدالله ووووووب علي وووووب علي ووووووب ........ووووووب انا ووووب من الشفتو جنس فشخرة و بوبار بري بري ........جابو معاهم شنو يا امي من السعودية ........هي قولي شنو الما جابو ........التلاجة و الغسالة للمراوح دي جابوها .......الله لا يديمو عليهن المعفنات رافعات نخريهم طول دا .........و بناتها يا امي جو برضو ........يابت جو جججججت عليهم و قالو تاني ما راجعين .......
........دي فاتن و هي البدور حولها القصة .......عرفتو طبعا اتعلمت الحسد من وين .......ايوة امها حليمة .......ما بتحب زول يكون احسن منها مهما كان ......و لو في زول جاب في بيتو حاجة زيادة ساي خلاص النار بتولع فيها و فاتن من صغيرة بدت تتاثر بيها ........اعذروها يا اخوانا دي امها يعني قدوتها لو ما اتاثرت بيها حتتاثر بي منو ........
اجري افتحي لي فدوى اختك جات شكلها من المدرسة .......مشت فتحت الباب ......اختها فدوي الكبيرة بتقرا في سنة ثامن و هي الصغيرة بتقرا ياداب في خامس .........يابت يا فدوى الاخرك شنو قدر دا ........والله يا امي عملو لينا حصة و قالو كل الناس تحضرها .......امشي غيري سريع عشان تلحقي ترتاحي و تقومي على مذاكرتك ........خشت فدوى و استحمت و غيرت ملابسها و اكلت ليها سندوتش بي ملاح خدرة 😂 ...... جات قعدت تاكل فيهو جنب امها .......كان شفتي يا فدوي وووب علي وب علي ناهد جات من برة عاد جنس فشخرة و و بوبار انسي بس عاملين فيها ولا الملوك اسياد البلد ........عمي عبدالله جا هو يا امي .......اي جا كان شفتي قال تاني ما برجع .......ماشاء الله قالو عندو بناتو بقرو في الاساس .......اي والله شفتهن المفعوصات سلمن علي بي اطراف اصابعيهن الله لا كسبهم ما ربو اولادهم كان شفتي جنس برود و تخلف و عوارة .......يا امي حرام عليك والله ما تقولي كدا .......اصلك قايمة لي ابوك بترييدي اهل ابوك زي عينيك ديل ........ما قصة اريد اهل ابوي ولا لا لكن ما عملو لينا حاجة عشان تقولي كدا .......انتي بتعرفي شنو انا امك و بفهم اي شي الناس ديل متكبرين و رافعين نخريهم في السما .......فدوى ما عجبها الكلام دخلت جوة قالت عايزة تنوم شوية .........
و في يوم مشت ( حليمة ) لي ناهد مراة عمهم عبدالله مع انها ما كانت عايزة تمشي بس اضطرت عشان عزمت نسوان الحلة كلهم و خجلت ما تمش ........كيفك يا حليمة اولادك كيف و ابوكم يارب بخير ........عاينت ليها من فوووق لي تحت و قالت ليها نحمدو .......الحمد لله قالو لي بنتك فاتن بتقرا في نفس صف لولا ........اها ؟ صف ؟ لولا ........يعني نفس المستوى مع ليان بتي .........اها ايوة كلمتني فاتن بتي .......قعدو اتونسو و شربو القهوة و ( حليمة تتلفت ساي و تعاين في البيت ) .......بعد جو طالعين ناهد نادت حليمة على جنب قالت ليها عايني يا حليمة انا جبت ليكم هدايا انتي و بناتك و ابوكم دقيقة اجيبها ليك .......حليمة طبعا طمعت و راسها مشى بعيد شديد لانو في بلدهم عندهم المغترب دا زي البنك الماشي بي رجلينة يعني يقولو مغترب خلاص القروش و الدهب و الاموال الطائلة الماليها حد ........حليمة استملت منها كيسين و جات جارية البيت قالت لي بناتها اجرو تعالو شوفو مراة عمكم جابت ليكم شنو ........طبعا جو جارين يشوفو الهدايا ........فاتن لقيت جلباب و شبشب قدرها و فدوى لقت اسكيرت و طرحة اما امهم لقت توب و ابوهم جزمة جلد حلوة ......ّاجي نحن ناقصين دلاقين كمان ؟ دواليبنا ملانة نحمد الله غايتو اسي ديل شنو .......التوب دا انا متاكدة جابتو من السوق القريب دا .......بري بري جيبو الحاجات ديل ......هي قايلانا فقرا ولا شنو .......ابوهم طوالي وقفها ......حليمة ماشة وين يا مر اة ...
يتبع....
